லங்காசிறி FM
சவுதிக்கு 8000 வீரர்கள், 16 போர் விமானங்களை அனுப்பிய பாகிஸ்தான்
மேற்கு ஆசியாவில் நிலவும் பதற்றமான சூழ்நிலையில், பாகிஸ்தான் அரசு 8,000 படையினரையும் 16 JF-17 போர் விமானங்களையும் சவுதி அரேபியாவுக்கு அனுப்பியுள்ளது.
பாகிஸ்தான்-சவுதி நாடுகளுக்கு இடையேயான கூட்டு பாதுகாப்பு ஒப்பந்தத்தின் அடிப்படையில் இந்த நடவடிக்கை மேற்கொள்ளப்பட்டுள்ளது.
பாகிஸ்தான் படையினர், சவுதி அரேபியாவின் கிங் அப்துல்அசீஸ் விமான தளத்தில் பணியமர்த்தப்பட்டுள்ளனர்.
மேலும், LY-80, FM-90 மற்றும் Anza போன்ற நவீன ஏவுகணை பாதுகாப்பு அமைப்புகளும் பயன்படுத்தப்படுகின்றன. இதன் மூலம், சவுதி அரேபியாவின் வான்வழி பாதுகாப்பு திறன் மேலும் வலுப்படுத்தப்பட்டுள்ளது.
இந்த நடவடிக்கை, ஈரான்-இஸ்ரேல் மோதலுக்குப் பிறகு மேற்கு ஆசியாவில் அதிகரித்துள்ள பாதுகாப்பு அச்சுறுத்தல்களை சமாளிக்க சவுதி அரேபியாவுக்கு பெரும் ஆதரவாக இருக்கும்.
பாகிஸ்தான் பிரதமர் ஷெபாஸ் ஷெரீஃப், சவுதி இளவரசர் முகமது பின் சல்மானுடனான தொலைபேசி உரையாடலில், “சவுதி மற்றும் வளைகுடா நாடுகளுக்கு முழு ஆதரவு அளிக்கிறோம்” என்று உறுதியளித்துள்ளார்.
பாகிஸ்தான் விமானப்படை, கடற்படை மற்றும் நிலப்படை ஆகியவற்றின் சிறப்பு பிரிவுகள் சவுதி படையினருடன் இணைந்து பணியாற்றுகின்றன. IL-78MP விமானங்கள் மற்றும் சரக்கு விமானங்கள் மூலம் தேவையான பொருட்கள் மற்றும் படையினர் சவுதிக்கு அனுப்பப்பட்டுள்ளனர்.
இந்த நடவடிக்கை, பாகிஸ்தான்-சவுதி இரு நாடுகளின் இராணுவ கூட்டுறவை மேலும் வலுப்படுத்தும். அதேசமயம், ஈரானின் தாக்கத்தை சமநிலைப்படுத்தும் முயற்சியாகவும் பார்க்கப்படுகிறது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
#Pakistan #SaudiArabia #WestAsia #MilitaryDeployment #JF17 #RegionalSecurity #MiddleEast #Geopolitics
துன்னாலை, ஆத்தியடி பருத்தித்துறை, திருகோணமலை, கோண்டாவில், வெள்ளவத்தை, New Jersey, United States, Toronto, Canada
14 May, 2023
புங்குடுதீவு 10ம் வட்டாரம், Chur, Switzerland, Flums, Switzerland
16 May, 2026
