என் நான்கு குழந்தைகளையும் என் புது கணவர் தத்தெடுத்துக்கொண்டார்; இனி இந்தியா தான் என் நாடு!

என்னை போகச்சொல்லாதீர்கள், நான் இந்தியாவில் தான் இருப்பேன், பாகிஸ்தானில் என்னை கல்லெறிந்து கொன்றுவிடுவார்கள் என, பப்ஜி விளையாட்டில் புதிய வாழ்க்கைத்துணையை தேடிக்கொண்டு, நான்கு பிள்ளைகளுடன் சட்டவிரோதமாக இந்தியா வந்த பாகிஸ்தான் பெண் கூறியுள்ளார்.

கேமிங் அப்ளிகேஷன் PUBG மொபைல் மூலம் சந்தித்த இந்திய ஆணுடன் சட்டவிரோதமாக இந்தியாவுக்குள் நுழைந்ததாக கைது செய்யப்பட்ட பாகிஸ்தான் பெண் சீமா ஹைதர் ஜாமீனில் விடுவிக்கப்பட்டார்.

யோகி ஆதித்யநாத்திடம் சீமா வேண்டுகோள் 

தன்னை இந்தியாவில் தங்க அனுமதிக்குமாறு முதல்வர் யோகி ஆதித்யநாத்தை சீமா கேட்டுக் கொண்டார். 'தயவுசெய்து என்னை சச்சினுடன் இந்தியாவில் தங்க அனுமதிக்கவும். என்னை பாகிஸ்தானுக்கு திருப்பி அனுப்பினால் கல்லெறிந்து கொல்வார்கள். பாகிஸ்தானுக்குத் திரும்புவதை விட இங்கேயே இறப்பதே மேல்' என யோகி ஆதித்யநாத்திடம் சீமா வேண்டுகோள் விடுத்துள்ளார்.

Twitter

சீமா மற்றும் அவரது கூட்டாளி சச்சினை ஜூலை 4-ஆம் திகதி ஹரியானாவின் பல்லப்கரில் பொலிஸார் கைது செய்தனர், அவர்கள் திருமணத்திற்காக அணுகிய ஒரு வழக்கறிஞர் சீமாவின் சட்டவிரோத பயணம் குறித்து அதிகாரிகளுக்குத் தெரியப்படுத்தினார். சச்சினின் தந்தையும் கைது செய்யப்பட்டார். பின்னர் மூவரும் 14 நாள் நீதிமன்றக் காவலில் வைக்கப்பட்டு சனிக்கிழமை ஜாமீனில் விடுவிக்கப்பட்டனர்.

முகத்தில் மிளகாய் பொடியை தூவி சித்ரவதை செய்த கணவன்

சீமா மற்றும் அவர்களது குழந்தைகளை பாகிஸ்தானுக்கு திருப்பி அனுப்புமாறு இந்திய அரசாங்கத்திடம் கெஞ்சும் வீடியோவை முன்னதாக வெளியிட்ட அவரது கணவர் குலாம் ஹைதரின் கூற்றுகளையும் சீமா மறுத்தார்.

"வீடியோவில் என் கணவர் குலாம் கூறுவது அனைத்தும் பொய், அவர் என்னை அடித்து, முகத்தில் மிளகாய் பொடியை தூவி சித்ரவதை செய்தார். கடந்த நான்கு ஆண்டுகளாக குலாமுடன் வாழவில்லை" என்றும் அவர் கூறினார்.

Twitter

தனது தற்போதைய கணவர் சச்சின் தனது நான்கு குழந்தைகளையும் தத்தெடுத்துள்ளதாகவும், தான் சச்சினுடன் இருக்க விரும்புவதாகவும் அவர் கூறினார். இந்தியாவுக்கு வருவதற்கான அவரது முடிவு மற்றும் கராச்சியிலிருந்து கிரேட்டர் நொய்டாவுக்கு அவர் பயணம் செய்ததைப் பற்றி கேட்டபோது, ​​​​சச்சின் தனக்கு இந்தி கற்றுக் கொடுத்ததாக சீமா குறிப்பிட்டார், இது அவரது நம்பிக்கையை அதிகரித்தது. நான் இங்கு வருவதற்கு முன், பாலிவுட் படங்களைப் பார்த்து இந்தியாவைப் பற்றி நிறைய கற்றுக்கொண்டேன்,'' என்றார் சீமா.

நான் இப்போது இந்தியனாக உணர்கிறேன்; சச்சின் தான் என் கணவர்

இந்தியாவை விட்டு செல்லமாட்டேன், சச்சினுடன் தான் வாழ்வேன் என உறுதியாக இருப்பும் சீமா, "என் கணவர் ஒரு இந்து, அதனால் நான் ஒரு இந்து. நான் இப்போது ஒரு இந்தியனாக உணர்கிறேன்" என்று கூறியுள்ளார்.

மேலும், சச்சினுடனான தனது திருமணம் மற்றும் இந்தியா வந்த கதையை பகிர்ந்துகொண்ட சீமா, "இது ஒரு நீண்ட மற்றும் கடினமான பயணம். நானும் மிகவும் பயந்தேன். நான் முதலில் கராச்சியில் இருந்து துபாய்க்கு சென்றேன், அங்கு நாங்கள் 11 மணிநேரம் காத்திருந்தோம், தூங்க முடியவில்லை. நாங்கள் நேபாளத்திற்கு பறந்தோம், இறுதியாக போக்ராவுக்குச் செல்லும் பாதையில் சென்றோம். நான் சச்சினை முதல்முறையாக அங்கு தான் சந்தித்தேன்" என்கிறார் சீமா. அங்கு நேபாளத்திலேயே இருவரும் திருமணமும் செய்துகொண்டுள்ளார்.

Cross border love knows no bounds.. Sachin and Seema love to make #Insta #Reels and here is one they made when they got married in Nepal in March this year. pic.twitter.com/ZGviDuXI6O

— Ashni Dhaor (@DhaorAshni) July 8, 2023

பின்னர், அவர் பாகிஸ்தானுக்கு திரும்பினார், சச்சின் இந்தியா திரும்பினார். வீட்டிற்குத் திரும்பிய சீமா, தனது பாகிஸ்தானிய ரூபாய் 12 லட்சத்திற்கு ஒரு இடத்தை விற்று, தனக்கும் தனது நான்கு குழந்தைகளுக்கும் விமான டிக்கெட்டுகளையும் நேபாள விசாவையும் ஏற்பாடு செய்தார்.

மே மாதம் அவர் துபாய் வழியாக நேபாளத்தை அடைந்தார் மற்றும் சுற்றுலா நகரமான போகாராவில் சிறிது நேரம் செலவிட்டார். பின்னர் அவர் காத்மாண்டுவில் இருந்து டெல்லிக்கு பேருந்தில் சென்று தனது குழந்தைகளுடன் மே 13 அன்று கிரேட்டர் நொய்டாவை அடைந்தார், அங்கு சச்சின் தனது பாகிஸ்தானிய அடையாளத்தை வெளியிடாமல் வாடகை வீட்டில் தங்க ஏற்பாடு செய்தார்.

Twitter

ஜூலை 4-ம் திகதி கைது செய்யப்பட்டு சிறையில் அடைக்கப்பட்டதால் எல்லை தாண்டிய காதல் கதை முற்றுப்புள்ளி வைத்தது. சட்ட விரோதமாக இந்தியாவிற்குள் நுழைந்ததாக சீமா மீது குற்றம் சாட்டப்பட்ட நிலையில், சட்டவிரோதமாக குடியேறியவருக்கு அடைக்கலம் கொடுத்ததற்காக சச்சின் மீது வழக்கு பதிவு செய்யப்பட்டது.

நேற்று, சீமாவுக்கு ஜாமீன் வழங்கப்பட்டது, இப்போது அவர் இந்தியாவில் தங்குவதற்கான ஆவணங்களை தயார் செய்வதில் கவனம் செலுத்துகிறார்.

Pakistan's Seema Haider says,"I'm a resident of Karachi.I hv been in love with Sachin for almost 3 yrs.I hv come to India only for Sachin.I request Modiji n Yogiji to let me live here and Indian citizenship should also be given to me.#SeemaHaider#Pakistan #Noida #truelove pic.twitter.com/kpn8Dq9bCX

— K.R.Tripathi???? (@t97688663) July 8, 2023

Twitter