“தந்தையும் சகோதரனும் எனக்கு திரும்ப வேண்டும்” நேர்காணலில் இளவரசர் ஹரி குற்றச்சாட்டு
இளவரசர் ஹரி தன்னுடைய புதிய நேர்காணல் ஒன்றின் முதல் பார்வையில், 'எனக்கு என் தந்தையும் சகோதரனும் திரும்பி வர வேண்டும்' என்று தெரிவித்துள்ளார்.
இளவரசர் ஹரி நேர்காணல்
கடந்த மாதத்தில் சசெக்ஸ் இளவரசர் ஹரி மற்றும் இளவரசி மேகன் மார்க்கலின் நெட்பிக்ஸ் ஆவணத் தொடர் வெளியாகி பிரித்தானிய அரச குடும்பத்தில் பெரும் அதிர்வலைகளை ஏற்படுத்தி இருந்தது.
இதையடுத்து தற்போது ஜனவரி 10ம் திகதி இளவரசர் ஹரியின் நினைவு குறிப்பு புத்தகமான “ஸ்பேர்” வெளிவர உள்ளது.
இதற்கிடையில் இளவரசர் ஹரி ITVயின் டாம் பிராட்பி(Tom Bradby) மற்றும் CBS செய்திகளின் ஆண்டர்சன் கூப்பர்(Anderson Cooper) ஆகியோருடன் இரண்டு புதிய நேர்காணல்களை வழங்கியுள்ளார், இது ஜனவரி 8ம் திகதி ஒளிபரப்பாக உள்ளது.
ITV
இந்த ஆழ்ந்த நேர்காணலில் இளவரசர் ஹரி, அவரது தனிப்பட்ட உறவுகள், அவரது தாயார் டயானாவின் மரணம் தொடர்பாக இதுவரை கேள்விப்படாத விவரங்கள் மற்றும் அவரது மனைவி மேகன் மார்க்கலுடன் அரச குடும்பத்தை விட்டு வெளியேறிய பிறகு அவரது எதிர்காலத்தைப் பற்றிய பல விஷயங்களை வெளிப்படுத்தி இருப்பதாக தகவல்கள் தெரிவிக்கப்பட்டுள்ளது.
இந்நிலையில் ITVயின் 90 நிமிட சிறப்பு நிகழ்ச்சியில் 20 வினாடி முன்னோட்ட காட்சிகளும், CBS செய்திகள் நிகழ்ச்சியின் 1 நிமிட காட்சிகளும் வெளியாகியுள்ளது.
தந்தையும் சகோதரனும் திரும்பி வர வேண்டும்
இந்த 20 வினாடி முன்னோட்ட காட்சியில் இளவரசர் ஹரி தொகுப்பாளர் டாமிடம் "இது ஒருபோதும் இப்படி இருக்க தேவையில்லை, எனக்கு ஒரு குடும்பம் வேண்டும் - ஒரு நிறுவனம் அல்ல," என்று கூறுவது கேட்கிறது.
Getty Images
அவர் யாரைக் குறிப்பிடுகிறார் என்பது தெளிவாகத் தெரியவில்லை என்றாலும், "எங்களை எப்படியாவது வில்லன்களாக வைத்திருப்பது நல்லது என்று அவர்கள் நினைக்கிறார்கள்" என்று ஹரி குறிப்பிட்டுள்ளார்.
மேலும் “அவர்கள் சமரசம் செய்ய விருப்பம் காட்டவில்லை”, "நான் என் தந்தையைத் திரும்பப் பெற விரும்புகிறேன். என் சகோதரனைத் திரும்பப் பெற விரும்புகிறேன்" என்றும் இளவரசர் ஹரி தெரிவித்துள்ளார்.
ஐ டிவி செய்தி மற்றும் நடப்பு விவகாரங்களின் இயக்குனர் மைக்கேல் ஜெர்மி, இளவரசர் ஹரி தனது குடும்பத்தைப் பற்றிய அனைத்தையும் வெளிப்படுத்தத் தயாராகி வரும் நிலையில், இந்த நேர்காணல் அனைவரும் பார்க்க வேண்டிய ஒன்றாக இருக்கும் தெரிவித்துள்ளார்.
“There comes a point when silence is betrayal.”
— R.S. Locke / Royal Suitor (@royal_suitor) January 2, 2023
Whew! #PrinceHarry is done with the games. If this is the @60Minutes interview, #Spare is going to be some read. pic.twitter.com/kLqxrPqqN1
மேலும் CBS செய்திகள் நிகழ்ச்சியில் தொகுப்பாளர் ஆண்டர்சன் கூப்பர் அரச குடும்பத்தை விட்டு விலகிய நிலையில் பொதுவில் விஷயங்களை வைப்பதற்கான முடிவைப் பற்றி ஹரியிடம் கேட்டபோது, "ஒவ்வொரு முறையும் நான் தனிப்பட்ட முறையில் அதைச் செய்ய முயற்சித்தபோது, எனக்கும் என் மனைவிக்கும் எதிரான கதைகள் சுருக்கங்கள் மற்றும் தேவையற்ற கசிவுகள் ஏற்பட்டதாக ஹரி குறிப்பிட்டுள்ளார்.