உக்ரைன் தலைநகரை உலுக்கிய புடினின் திடீர் ஏவுகணை தாக்குதல்., பதற்றம் அதிகரிப்பு

உக்ரைன் தலைநகர் கீவில் இன்று அதிகாலை ரஷ்யா திடீர் என ஏவுகணை தாக்குதல்களை நடந்த்தியது பதற்றத்தை அதிகரிக்கச் செய்துள்ளது.

உக்ரைனின் தலைநகரைத் தாக்கிய ரஷ்ய ஏவுகணைகள் , குறிப்பிடப்படாத உள்கட்டமைப்பு இலக்குகளைத் தாக்கியதாக கீவ் நகர மேயர் தெரிவித்துள்ளார்.

தாக்குதலில் உயிரிழப்புகள் எதுவும் இதுவரை பதிவாகவில்லை, ஆனால் ஒருவர் காயமடைந்து மருத்துவமனையில் அனுமதிக்கப்பட்டுள்ளார்.

ஏப்ரல் 28 அன்று ஐ.நா பொதுச்செயலாளர் அன்டோனியோ குட்டெரெஸ் உக்ரைனுக்கு வருகை தந்தபோது தகலைநகர் கீவ் மீது இதேபோன்ற ஏவுகணை தாக்குதல் நடத்தப்பட்டது.

இப்போது ஒரு மாதம் கழித்து மிண்டும் கீவில் தாக்குதலை நடத்தி அங்கு இருந்த அமைதி உணர்வை ரஷ்யா சிதைத்துள்ளது. ஏவுகணைத் தாக்குதல்கள் நகரத்தில் உள்ள டார்னிட்ஸ்கி மற்றும் டினிப்ரோவ்ஸ்கி மாவட்டங்களைத் தாக்கியது மற்றும் அவசர சேவைகள் சம்பவ இடத்திற்கு வந்துவிட்டன என்று கிய்வ் மேயர் விட்டலி கிளிட்ச்கோ டெலிகிராம் செயலியில் தெரிவித்தார்.

குண்டுவெடிப்பு நடந்த நேரத்தில் வான்வழித் தாக்குதல் சைரன்கள் ஒலித்தன. கிழக்கு கீவின், Darnystki மாவட்டத்தில் ஒரு கடுமையான புகை நாற்றம் காற்றில் நிரம்பியது, வானத்தில் மிக உயரமாக புகை கிளம்பியது. இராணுவத்தினரும் பொலிஸாரும் அந்த இடத்திற்குச் செல்லும் பிரதான வீதியை மறித்துள்ளனர்.

மேலும், லுஹான்ஸ்க் பிராந்தியத்தின் நகரங்கள் மற்றும் கிராமங்கள் மீது ஏவுகணை மற்றும் விமானத் தாக்குதல்கள் நடத்தப்பட்டன.

லுஹான்ஸ்க் கவர்னர் செர்ஹி ஹைடாய் டெலிகிராமில், 'Ka-52 ஹெலிகாப்டர்கள் மூலம் வான்வழித் தாக்குதல்கள் Girske மற்றும் Myrna Dolyna பகுதிகளில், Su-25 விமானம் மூலம் - Ustynivka-ல் நடத்தப்பட்டன, அதே நேரத்தில் லிசிசான்ஸ்க் Tochka-Uல் இருந்து ஏவுகணையால் தாக்கப்பட்டார்.

Girske-ல் மொத்தம் 13 வீடுகளும், Lysychansk இல் ஐந்து வீடுகளும் சேதமடைந்தன. மற்றொரு விமானத் தாக்குதல் கிழக்கு நகரமான கிராமடோர்ஸ்கில் அதன் மேயர் ஒலெக்சாண்டர் கோன்சரென்கோவால் அறிவிக்கப்பட்டது. தாக்குதலில் யாரும் கொல்லப்படவில்லை, ஆனால் நகரின் இரண்டு நிறுவனங்கள் 'குறிப்பிடத்தக்க சேதத்தை' சந்தித்தன.

கிழக்கு லுஹான்ஸ்க் பிராந்தியத்தில் கைப்பற்றப்பட வேண்டிய இரண்டு முக்கிய நகரங்களில் ஒன்றான சீவிரோடோனெட்ஸ்கில் ரஷ்யப் படைகள் தொடர்ந்து தாக்குதல் நடவடிக்கைகளை மேற்கொண்டு வருவதாக ஜெனரல் ஸ்டாஃப் கூறினார்.

ரஷ்யர்கள் தற்போது நகரின் கிழக்குப் பகுதியைக் கட்டுப்படுத்துகின்றனர், மேலும் அந்த பகுதியில் உக்ரேனியப் படைகளைச் சுற்றி வளைத்து, 'முக்கிய தளவாட வழிகளைத் தடுப்பதில்' கவனம் செலுத்தி வருவதாக சமீபத்திய தகவலாகும்.

Photos: Reuters