லங்காசிறி FM
அமெரிக்காவுடன் எந்த வகையான போருக்கும் தயார்: சீனா அறிவிப்பு
ஜனாதிபதி டொனால்ட் ட்ரம்ப் கடுமையான வரிகளை அறிவித்ததைத் தொடர்ந்து, வர்த்தகப் போருக்கு அல்லது வேறு எந்த வகையான போருக்கும் தயாராக இருப்பதாக சீனா அறிவித்துள்ளது.
பெரும் சீர்குலைவுகளை
சீனா, கனடா, மெக்சிகோ உள்ளிட்ட நாடுகளுக்கு வரிகளை விதிப்பதாக அறிவித்ததன் மூலம் அமெரிக்க ஜனாதிபதி உலகெங்கிலும் உள்ள சந்தைகளில் பெரும் சீர்குலைவுகளை ஏற்படுத்தியுள்ளார்.
இதில் கனடா பதிலுக்கு வரிகளை அறிவித்துள்ள நிலையில், அமெரிக்காவில் இருந்து இறக்குமதி செய்யப்பட்டுள்ள மதுபானங்களை கடைகளில் இருந்து அப்புறப்படுத்தவும் மக்கள் நடவடிக்கை எடுத்துள்ளனர்.
இந்த நிலையில், அமெரிக்காவின் புதிய வரிகளுக்கு பதிலடியாக, கோழி, பன்றி இறைச்சி, சோயா மற்றும் மாட்டிறைச்சி உள்ளிட்ட முக்கிய அமெரிக்க பண்ணை பொருட்களுக்கு 15 சதவிகிதம் வரை கூடுதல் வரிகளை விதிக்கப்போவதாக சீனா அறிவித்துள்ளது.
அத்துடன் முக்கிய அமெரிக்க நிறுவனங்களுடன் வணிகம் செய்வதில் கட்டுப்பாடுகளையும் விரிவுபடுத்தியது. மட்டுமின்றி, தற்போது போருக்குத் தயாராக இருப்பதாகக் கூறி பதிலடி கொடுத்துள்ளது.
அமெரிக்கா தனது ஃபெண்டானைல் போதைப்பொருள் பிரச்சினையை சீனாவுடன் பேச்சுவார்த்தை மூலம் தீர்க்க முயற்சிக்க வேண்டும் என்றும் அச்சுறுத்துவதால் பலன் இல்லை என்றும் கூறியது. அமெரிக்காவில் உள்ள சீனத் தூதரகம் தெரிவிக்கையில்,
அமெரிக்கா உண்மையிலேயே ஃபெண்டானில் பிரச்சினையைத் தீர்க்க விரும்பினால், ஒருவருக்கொருவர் சமமாக நடத்துவதன் மூலம் சீனாவுடன் கலந்தாலோசிப்பதாகும்.
அமெரிக்கா போரை விரும்பினால், அது வரிப் போராக இருந்தாலும் சரி, வர்த்தகப் போராக இருந்தாலும் சரி அல்லது வேறு எந்த வகையான போராக இருந்தாலும் சரி, நாங்கள் இறுதிவரை போராடத் தயாராக இருக்கிறோம் என குறிப்பிட்டுள்ளது.
சுதந்திர வர்த்தகக் கொள்கை
இதனிடையே சீனா வர்த்தக அமைச்சகத்தால் அறிவிக்கப்பட்ட வரிகள் மார்ச் 10 முதல் அமுலுக்கு வரும், இருப்பினும் ஏற்கனவே போக்குவரத்தில் உள்ள பொருட்களுக்கு ஏப்ரல் 12 வரை விலக்கு அளிக்கப்படும்.
ஆனால் சீனப் பொருட்களின் இறக்குமதி மீதான வரிகளை 20 சதவிகிதமாக உயர்த்த ட்ரம்பின் உத்தரவை அவர்கள் பின்பற்றுகிறார்கள். ஏற்கனவே மெக்சிகோ மற்றும் கனேடிய இறக்குமதிகளுக்கு 25 சதவிகித வரிகளை ட்ரம்ப் அமுலுக்கு கொண்டுவந்துள்ளார்.
இருப்பினும் கனேடிய எரிபொருளுக்கான வரியை 10 சதவிகிதம் என ட்ரம்ப் மட்டுப்படுத்தியுள்ளார். இதனால், அமெரிக்காவில் எரிபொருள் விலை உயரும் என்றே தகவல் வெளியாகியுள்ளது.
இரண்டாம் உலகப் போருக்குப் பிறகு பல தசாப்தங்களாக அமெரிக்கா பின்பற்றிய சுதந்திர வர்த்தகக் கொள்கைகளை ஜனாதிபதி ட்ரம்ப் கைவிடுகிறார் என்றே கூறப்படுகிறது.
சுதந்திர வர்த்தகம் அமெரிக்காவிற்கு மில்லியன் கணக்கான தொழிற்சாலை வேலைகளை இழக்கச் செய்கிறது என்றும், வரிகள்தான் தேசிய செழிப்புக்கான பாதை என்றும் அவர் வாதிட்டுள்ளார்.
இதனிடையே, இத்தகைய பாதுகாப்புவாதம் விலைவாசி உயர்வை ஏற்படுத்துவதுடன் பலனளிக்காது என்று வாதிடும் பிரதான பொருளாதார வல்லுநர்களின் கருத்துக்களை ட்ரம்ப் ஒரேயடியாக நிராகரித்துள்ளார் என்பது குறிப்பிடத்தக்கது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
நெடுந்தீவு மேற்கு, உருத்திரபுரம், மல்லாவி, England, United Kingdom, Toronto, Canada
23 Feb, 2025
சரவணை மேற்கு, கரம்பொன் மேற்கு, ஊர்காவற்துறை, பேர்லின், Germany
05 Jan, 2022
நாரந்தனை, யாழ்ப்பாணம், London, United Kingdom, Gloucester, United Kingdom, Lancaster, United Kingdom
23 Feb, 2025
யாழ்ப்பாணம், புங்குடுதீவு 8ம் வட்டாரம், Le Blanc-Mesnil, France
06 Feb, 2025
புங்குடுதீவு 4ம் வட்டாரம், ஊர்காவற்துறை, பரிஸ், France
04 Mar, 2025
சரவணை மேற்கு, யாழ்ப்பாணம், கொலோன், Germany, London, United Kingdom
23 Feb, 2025
நுணாவில் கிழக்கு, Raynes Park, London, United Kingdom
25 Feb, 2025
