லங்காசிறி FM
உக்ரைனுக்கு திருப்பி கொடுத்த ரஷ்யா: வான்வழித் தாக்குதலுக்கு உள்ளான தலைநகர் கீவ்
உக்ரைனிய தலைநகர் கீவ் மீது ரஷ்யா நடத்திய வான்வழித் தாக்குதலில் உயிரிழப்புகள் ஏற்பட்டு இருப்பதாக உறுதிபடுத்தப்பட்டுள்ளது.
உக்ரைன் தலைநகர் மீது ரஷ்யா தாக்குதல்
சனிக்கிழமை உக்ரைனிய தலைநகர் கீவ் மீது ரஷ்யா பயங்கரமான வான்வழித் தாக்குதலை நடத்தியுள்ளது.
கீவ் நகர மாநில நிர்வாகம் ரஷ்யாவின் இந்த தாக்குதலை சமூக ஊடகங்கள் வழியாக உறுதிப்படுத்தியுள்ளது.
அதில், தலைநகர் கீவ் மீண்டும் ரஷ்யாவின் பயங்கரமான மற்றொரு வான்வழித் தாக்குதலால் பாதிக்கப்பட்டுள்ளது என தெரிவிக்கப்பட்டுள்ளது.
இந்த தாக்குதலில், துரதிர்ஷ்டவசமாக இதுவரை 3 பேர் வரை உயிரிழந்து இருப்பதாக அந்நாட்டின் மாநில அவசர கால சேவைகள் தகவல் தெரிவித்துள்ளன.
ரஷ்யாவின் இந்த தாக்குதல், தலைநகர் கீவ் மட்டுமின்றி, போல்டாவா, சுமி ஆகிய நகரங்களையும் உள்ளடக்கியுள்ளது.
திருப்பி கொடுத்த ரஷ்யா
இரவோடு இரவாக ரஷ்யாவின் இராணுவ மற்றும் பொருளாதார இலக்குகளை குறிவைத்து உக்ரைன் நடத்திய ட்ரோன் தாக்குதலை தொடர்ந்து ரஷ்யாவின் இந்த பதிலடி தாக்குதல் அரங்கேற்றப்பட்டு இருப்பதாக பார்க்கப்படுகிறது.
உக்ரைன் நடத்திய தாக்குதலில் பிரதான இலக்காக ரஷ்யாவின் சரடோவ்(saratov) பகுதியில் அமைந்துள்ள சரடோவ் எண்ணெய் சுத்திகரிப்பு நிலையம் இருந்தது குறிப்பிடத்தக்கது.
ரஷ்யாவின் இராணுவ மற்றும் பொருளாதார சக்திகளை குறைக்கும் விதமாக இந்த தாக்குதல் முன்னெடுக்கப்பட்டதாக உக்ரைன் அரசு தரப்பு டெலிகிராமில் குறிப்பிட்டுள்ளது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள் |
Pussellawa, கொழும்பு, ஜேர்மனி, Germany, Scarborough, Canada
31 Oct, 2025
மயிலிட்டி தெற்கு, London, United Kingdom, Edinburgh, Scotland, United Kingdom
15 Nov, 2025
