உக்ரைனில் மீண்டும் ஓர்ஷ்னிக் ஏவுகணை கொண்டு தாக்கவுள்ள ரஷ்யா., அமெரிக்கா எச்சரிக்கை

Missile United States of America Ukraine Russian Federation

By Ragavan Dec 11, 2024 04:32 PM GMT

Ragavan

in சர்வதேசம்

Report

உக்ரைனின் மீது ரஷ்யா மீண்டும் ஓர்ஷ்னிக் (Oreshnik) என்ற அதிவேக ஏவுகணையை அடுத்த சில நாட்களில் தாக்கும் வாய்ப்பு உள்ளதாக அமெரிக்க அதிகாரி எச்சரித்துள்ளார்.

முன்னதாக ஒருமுறை, நவம்பர் 21 அன்று, உக்ரைனின் ட்னிப்ரோ நகரில் ஓர்ஷ்னிக் ஏவுகணை தாக்குதல் நடைபெற்றது.

அதனை, ரஷ்ய ஜனாதிபதி விளாடிமிர் புடின், உக்ரைன் மேற்கத்திய ஆதரவு பெற்ற ஏவுகணைகளை ரஷ்யாவில் பயன்படுத்தியதற்கான பதிலடி எனக் கூறினார்.

அதிவேகமான இந்த ஓர்ஷ்னிக் ஏவுகணையை தடுத்து நிறுத்த முடியாது என்று புடின் கூறியிருந்தார். இந்த ஏவுகணை அணுகுண்டு அளவிலான அழிக்கும் திறனுடன் காணப்படும் என்றும் அவர் குறிப்பிட்டார்.

Russian federation, Ukraine, oreshnik Missile

மேலும், இந்த ஏவுகணை பல குண்டுகளை (WarHeads) கொண்டிருப்பதால், ஒரே நேரத்தில் பல இலக்குகளை தாக்க முடியும் என்ற புதிய தன்மை உள்ளதாக மேற்கத்திய நிபுணர்கள் கூறுகின்றனர்.

இருப்பினும், அமெரிக்க அதிகாரி இதை சோதனை முயற்சியே தவிர வேறு ஒன்றுமல்ல என்று மறுத்துள்ளனர். மேலும், ரஷ்யாவிடம் இந்த ஏவுகணைகள் குறைவாகவே உள்ளன என்றும், இதன் தாக்குதலின் திறன் குறைவாகவே இருக்கும் என்றும் அவர்கள் கூறுகின்றனர்.

இதேநேரம், அமெரிக்கா உக்ரைனுக்கு மேலும் விமான பாதுகாப்பு சாதனங்களை வழங்க திட்டமிட்டுள்ளது.