ரஷ்யாவின் வான்டட் லிஸ்ட்டில் முன்னாள் பிரித்தானிய அமைச்சர் பெயர்

முன்னாள் பிரித்தானிய பாதுகாப்புத் துறை அமைச்சர் பென் வாலஸை (Ben Wallace), ரஷ்யா தனது உள்துறை அமைச்சகத்தின் தேடப்படும் பட்டியலில் (Wanted List) சேர்த்துள்ளது.

அவருக்கு எதிராக தீவிரவாதம் தொடர்பான குற்றச்சாட்டுகள் சுமத்தப்பட்டுள்ளதாக தகவல்கள் வெளியாகியுள்ளன.

ஈரான் போருக்கு அமெரிக்கா கொடுத்துள்ள விலை., டிரில்லியன் டொலர் வரை செல்லும் அபாயம்

பென் வாலஸ், 2019 முதல் 2023 வரை பிரித்தானிய பாதுகாப்புத் துறை அமைச்சராக பணியாற்றியவர். உக்ரைனுக்கு வலுவான ஆதரவு அளித்ததோடு, ரஷ்யாவை கடுமையாக விமர்சித்தவர்.

குறிப்பாக, 2023-ல் அவர், ரஷ்யாவை கிரிமியாவுடன் இணைக்கும் கெர்ச் பாலத்தை உக்ரைன் தாக்க வேண்டும் என்று கூறியிருந்தார். இதனால் ரஷ்யா கடும் எதிர்ப்பு தெரிவித்தது.

ரஷ்யாவின் உள்துறை அமைச்சகம், வாலஸுக்கு எதிராக சுமத்தப்பட்ட குற்றச்சாட்டுகளை விரிவாக விளக்கவில்லை. ஆனால், அவர் மீது தீவிரவாதம் தொடர்பான வழக்கு பதிவு செய்யப்பட்டுள்ளதாக அதிகாரப்பூர்வமாக அறிவித்துள்ளது.

இந்த நடவடிக்கை, ரஷ்யா மற்றும் பிரித்தானியா இடையிலான தூதரக உறவுகளை மேலும் பதற்றப்படுத்தும் என அரசியல் வட்டாரங்கள் கருதுகின்றன.  

வாலஸ், ரஷ்யாவின் உக்ரைன் மீதான போரை தொடர்ந்து கண்டித்ததோடு, மேற்கத்திய நாடுகள் உக்ரைனுக்கு அதிகப்படியான ஆயுத உதவி வழங்க வேண்டும் என்று வலியுறுத்தி வந்தார்.

ரஷ்யா, கடந்த சில ஆண்டுகளில் பல்வேறு மேற்கத்திய அரசியல்வாதிகள், சர்வதேச அமைப்புகள் மற்றும் வெளிநாட்டு விமர்சகர்களை தனது தேடப்படும் பட்டியலில் சேர்த்துள்ளது.

கோலியின் 9-வது IPL சதம்., கொல்கத்தாவை வீழ்த்திய RCB

இதன் மூலம், ரஷ்யா தனது எதிரிகளை சட்டரீதியாக குற்றவாளிகளாக சித்தரிக்க முயற்சிக்கிறது என்று விமர்சகர்கள் கூறுகின்றனர்.

பென் வாலஸை குற்றவாளியாக அறிவித்திருப்பது, ரஷ்யாவின் அரசியல் உத்தியாகவே பார்க்கப்படுகிறது. இது, உக்ரைனுக்கு ஆதரவு அளிக்கும் மேற்கத்திய தலைவர்களுக்கு எச்சரிக்கை அனுப்பும் முயற்சியாகவும் கருதப்படுகிறது.

#BenWallace #Russia #UKPolitics #UkraineWar #WantedList #InternationalRelations #BreakingNews