நேட்டோ நாடுகளுக்கு அணு ஆயுத எச்சரிக்கை விடுத்த ரஷ்யா: பால்டிக் பிராந்தியத்தில் பதற்றம்

Russia sends nuclear warning to NATO: நேட்டோவிற்கு ரஷ்யா அணு ஆயுத எச்சரிக்கை விடுத்துள்ளது.

பால்டிக் கடலை ஒட்டியுள்ள ரஷ்யாவின் தனிப்பகுதியான கலினின்கிராடைத் துண்டிக்க மேற்கத்தியக் கூட்டணி முயற்சித்தால், அணு ஆயுதங்களைப் பயன்படுத்தத் தயாராக இருப்பதாக ரஷ்யா நேட்டோவிடம் (NATO) எச்சரித்துள்ளது.

ரஷ்யா தாக்குதல்

நேட்டோவிற்கு அனுப்பப்பட்ட ஓர் ஆவணத்தில், நேரடி ஆயுத மோதல் வெடிப்பதற்கான அதிக ஆபத்துகளைக் கொண்ட ஆபத்தான மற்றும் பொறுப்பற்ற பாதையை அந்த அமைப்பு பின்பற்றுவதாக ரஷ்யா குற்றம் சாட்டியுள்ளது.

கூட்டமைப்பின் உறுப்பு நாடுகளில் உள்ள முடிவெடுக்கும் மையங்கள் மீது, ஆரம்பத்திலிருந்தே ரஷ்யா தாக்குதல் நடத்துவதற்கான சாத்தியக்கூறும் இதில் அடங்கும் என்று அந்த ஆவணம் குறிப்பிட்டது.

நேட்டோ நாடுகள் கலினின்கிராட் பகுதியை நாட்டின் பிற பகுதிகளிலிருந்து தனிமைப்படுத்தும் நோக்கில் ஏதேனும் முயற்சியை மேற்கொண்டால், தனது நிலப்பரப்பைப் பாதுகாப்பதற்காக, அணு ஆயுதங்கள் உட்பட, தன் வசமுள்ள அனைத்துப் படைகளையும் திறன்களையும் பயன்படுத்த ரஷ்யா தயாராக இருக்கும் என அதில் குறிப்பிடப்பட்டுள்ளது.

சிவப்பு நிறம் கலக்கப்பட்ட டீசல்... விலை உயர்வைத் தடுக்க ட்ரம்ப் புதிய முயற்சி

போலந்து மற்றும் லித்துவேனியாவுக்கு இடையில் அமைந்துள்ளதும், அமெரிக்காவின் கனெக்டிகட் மாகாணத்தை விட சற்றே பெரியதுமான, அதிக இராணுவமயமாக்கப்பட்ட ரஷ்யப் பகுதியான கலினின்கிராட்டிற்கு, நேட்டோ அச்சுறுத்தல் அதிகரித்து வருவதாக ரஷ்யா முன்வைத்துள்ள அவசரக் கவலையை அந்த எச்சரிக்கை எடுத்துக்காட்டியுள்ளது.

ரஷ்ய வெளிவிவகார அமைச்சகத்தின் செய்தித் தொடர்பாளர் மரியா ஜகரோவா, அமைச்சகத்தின் இணையதளத்தில் வெளியிட்ட ஒரு கட்டுரையில், நேட்டோ நாடுகளின் பிரமுகர்களின் அறிக்கைகள் ரஷ்ய வெறுப்பையும் ரஷ்யாவுடன் போர் தொடுப்பதற்கான தயார்நிலையையும் வெளிப்படுத்துவதாகக் குறிப்பிட்டார்.

மேலும், ஐரோப்பா ரஷ்யாவைத் தாக்கினால், அது முற்றிலும் மாறுபட்ட ஒரு போராக, மிகக் குறுகிய காலப் போராக இருக்கும் என்றார். இந்த நிலையில், நாட்டோ பொதுச்செயலாளர் மார்க் ரூட்டே, ரஷ்யாவின் செய்திக்கு அந்த அமைப்பு பின்வருமாறு பதிலளித்ததாகக் கூறினார்:

நாங்கள் ஒரு தற்காப்பு நோக்கிலான கூட்டமைப்பு; அணு ஆயுத மிரட்டல்களை நிறுத்துங்கள். இத்தகைய நடவடிக்கைகள் முற்றிலும் தேவையற்றவை மற்றும் பயனளிக்காதவை.

மேலும், தங்கள் பயிற்சிகள் அல்லது செயல்பாடுகள் எதுவும் ரஷ்யக் கூட்டமைப்பின் எல்லைக்குப் அச்சுறுத்தலாக அமையவில்லை என்றும் நேட்டோ கூறியது.

வலியுறுத்துகிறோம்

மட்டுமின்றி, உக்ரைன் மீதான தனது காரணமற்ற முழு அளவிலான படையெடுப்பை முடிவுக்குக் கொண்டுவருமாறு ரஷ்ய கூட்டமைப்பை நாங்கள் கேட்டுக்கொள்கிறோம்.

நேச நாடுகளிடம் அதிகரித்து வரும் பொறுப்பற்ற நடத்தையைத் தவிர்க்குமாறும், அதன் பொறுப்பற்ற அணுசக்தி தொடர்பான சொல்லாடல்களை நிறுத்துமாறும் ரஷ்ய கூட்டமைப்பை நாங்கள் வலியுறுத்துகிறோம் என்றும் நேட்டோ கூறியுள்ளது.

இதனிடையே, தனிப்பட்ட ரீதியிலான எச்சரிக்கைக்கு அப்பால், குறைந்தது மூன்று ஐரோப்பிய நாடுகளில் உள்ள ரஷ்யத் தூதரகங்கள் கடந்த மூன்று நாட்களில் அறிக்கைகளை வெளியிட்டுள்ளன;

அதில், கலினின்கிராட் (Kaliningrad) தொடர்பான இராணுவப் பயிற்சிகள் மற்றும் திட்டமிடல் நடவடிக்கைகள் மூலம் நேட்டோ (NATO) அமைப்பானது பதற்றத்தை அதிகரிப்பதாகக் குற்றம் சாட்டப்பட்டுள்ளது.