லங்காசிறி FM
உருவகப்படுத்தப்பட்ட அணுஆயுதத் தாக்குதலை நடத்திய ரஷ்யா, பெலாரஸ்: அச்சத்தில் ஐரோப்பிய நாடுகள்
ரஷ்யாவும், பெலாரஸும் தங்கள் கூட்டு Zapad-2025 இராணுவப் பயிற்சிகளின்போது உருவகப்படுத்தப்பட்ட அணுஆயுதத் தாக்குதலை நடத்தின.
கூட்டு இராணுவப் பயிற்சிகள்
ரஷ்யா மற்றும் பெலாரஸ் நாடுகள் Zapad-2025 எனும் தங்கள் கூட்டு இராணுவப் பயிற்சிகளை வெள்ளிக்கிழமை தொடங்கி செவ்வாய்க்கிழமை முடித்தன. 
நேட்டோ நாடுகளுக்கு எச்சரிக்கை விடுக்கும் வகையில் Zapad-2025 பயிற்சிகள் அமைந்துள்ளதாக கூறப்படுகிறது.
இந்த நிலையில், எதிரி தாக்குதலைத் தடுத்து இழந்த பிரதேசத்தை மீண்டும் கைப்பற்றும் பெலாரஸ் மற்றும் ரஷ்யாவின் திறனை சோதிப்பதை நோக்கமாகக் கொண்டுள்ளன என்று பெலாரஸ் பாதுகாப்பு அமைச்சகம் தெரிவித்துள்ளது.
கடந்த வாரம் மேற்கு உக்ரைனில் பெரிய அளவிலான தாக்குதல்களின்போது, தனது வான்வெளியைக் கடந்து சென்ற ரஷ்ய ட்ரோன்களை சுட்டுவீழ்த்தியதாக போலந்து கூறியது. 
மிகவும் ஆக்ரோஷமானது
அதனைத் தொடர்ந்து, நேட்டோ மற்றும் ரஷ்யாவுக்கு இடையே அதிகரித்த பதட்டங்களுக்கு இடையே இந்த பயிற்சிகள் அரங்கேறியுள்ளன.
இதற்கிடையில், போலந்து டொனால்ட் டஸ்க் Zapad-2025ஐ "மிகவும் ஆக்ரோஷமானது" என்று விவரித்ததுடன், இந்தப் பயிற்சிகள் தங்கள் நாட்டின் எல்லைக்கு மிக அருகில் நடத்தப்படுவதாகவும் எச்சரித்தார்.
அதேபோல், பெலாரஸில் இருந்து மற்றொரு தாக்குதலை நடத்த ரஷ்யா இந்தப் பயிற்சிகளை மறைப்பாகப் பயன்படுத்தலாம் என்று உக்ரைன் அதிகாரிகளும் எச்சரித்துள்ளனர். 
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
யாழ் மண்கும்பான் கிழக்கு, Jaffna, Ivry-sur-Seine, France, புங்குடுதீவு 1ம் வட்டாரம்
12 Aug, 2025
கொக்குவில், Muscat, Oman, தாவடி, கொழும்பு, Melbourne, Australia
12 Sep, 2025
சரசாலை வடக்கு, சுவிஸ், Switzerland, England, United Kingdom
14 Sep, 2020
