வேல்ஸ் இளவரசர் வில்லியமின் செயலால்…பள்ளி மாணவன் எடுத்துள்ள விபரீத முடிவு

வேல்ஸ் இளவரசர் வில்லியம் மற்றும் இளவரசி கேட் அரசுமுறை பயணமாக வடக்கு அயர்லாந்திற்கு சென்றனர்.

மாணவர்கள் மற்றும் ராயல் ரசிகர்களுடன் வேல்ஸ் இளவரசர் வில்லியம் மற்றும் இளவரசி கேட் கைகுலுக்கி வாழ்த்தினர். 

வேல்ஸ் இளவரசர் வில்லியமுடன் கைகுலுக்கிய பிறகு, இனி தன் கைகளை கழுவ போவது இல்லை என பள்ளி மாணவர் ஒருவர் உற்சாகத்துடன் அறிவித்துள்ளார்.

பிரித்தானியாவின் புதிய மன்னராக மூன்றாம் சார்லஸ் பொறுப்பேற்ற பிறகு, வேல்ஸின் புதிய இளவரசராக வில்லியமும் இளவரசியாக கேட் மிடில்டனும் பட்டம் பெற்றனர்.

WireImage

மகாராணியின் மறைவு துக்கம் கடந்த வாரம் நிறைவடைந்த நிலையில், வேல்ஸ் இளவரசர் வில்லியம் மற்றும் இளவரசி கேட் இருவரும் வியாழனன்று அரசுமுறை சுற்றுப்பயணமாக வடக்கு அயர்லாந்திற்கு சென்று  இருந்தனர்.

அப்போது வடக்கு அயர்லாந்தின் பெல்பாஸ்ட் (Belfast) நகரில் கூடி இருந்த பள்ளி மாணவர்கள் மற்றும் அரச குடும்ப ரசிகர்களை சந்திப்பதற்காக வேல்ஸ் இளவரசர் வில்லியம் மற்றும் இளவரசி கேட் இருவரும் நடைப்பயணம் மேற்கொண்டனர்.

இந்த நடைப்பயணத்தின் போது அங்கு திரண்டு இருந்த மாணவர்களுடன் வேல்ஸ் இளவரசர் வில்லியம் கைகுலுக்கி கொண்டதுடன், “உங்களை பார்ப்பதில் மகிழ்ச்சி“ என தெரிவித்தார்.

இதற்கிடையில் வேல்ஸ் இளவரசர் வில்லியமுடன் கைகுலுக்கிய மாணவன் ஒருவன், தனது கைகளை இறுக்க மடக்கி “போ, இனி என் வாழ்க்கையில் கையை கழுவ போவதே இல்லை” என உற்சாகத்தில உரக்க கத்துவது அங்குள்ள வீடியோக்களில் பதிவாகி உள்ளது. 

மேலும் இந்த வீடியோ தற்போது இணையத்தில் பரவி ராயல் ரசிகர்களால் விரும்பப்பட்டு வருகிறது.

இந்த நிலையில் வடக்கு அயர்லாந்து சுற்றுப்பயணம் தொடர்பாக வேல்ஸ் இளவரசர் வில்லியம் மற்றும் இளவரசி கேட் இருவரும் அவர்களது அதிகாரப்பூர்வ பக்கத்தில் எழுதியுள்ளனர், அதில் “எங்களுடன் இருந்ததற்கு நன்றி, வடக்கு அயர்லாந்து!" என தெரிவித்துள்ளனர். 

PA

கூடுதல் செய்திகளுக்கு: அயர்லாந்து சேவை மையத்தில் பயங்கர வெடிப்பு: அதிகரிக்கும் சேதங்கள், விரையும் மீட்புக் குழுவினர்

இதே சுற்றுப்பயணத்தில் இளவரசி கேட் மிடில்டனை எதிர்கொண்ட பெண்மணி ஒருவர் “தங்களை சந்தித்ததில் மகிழ்ச்சி, இருப்பினும் இது உங்கள் சொந்த நாட்டில் இருந்து இருந்தால் இன்னும் நன்றாக இருந்து இருக்கும்” என தெரிவித்தார்.

கையில் உள்ள கைபேசியில் வீடியோ எடுத்துக் கொண்டு இருந்த அந்த பெண்மணி மேலும் அயர்லாந்து ஐரிஷ்(Irish) மக்களுக்கே சொந்தமானது எனவும் தெரிவித்தார் என்பது குறிப்பிடத்தக்கது.

WireImage