லங்காசிறி FM
யாரும் அவரைப் பார்க்கவில்லை... அவர் இறந்திருக்கலாம்: சூ கியின் மகன் வேதனை
மியான்மரின் முன்னாள் தலைவர் ஆங் சான் சூ கி தொடர்பில் கடந்த இரண்டு வருடங்களாக தகவல் ஏதும் வெளியாகாத நிலையில், அவர் இறந்துவிட்டாரா என்பது கூட தனக்குத் தெரியாது என்று அவரது மகன் கவலை தெரிவித்துள்ளார்.
ஏற்கனவே இறந்திருக்கலாம்
தனது 80 வயது தாயாரிடமிருந்து பல வருடங்களாக எந்த தகவலும் இல்லை என்று கிம் அரிஸ் தெரிவித்துள்ளார். 2021 ஆம் ஆண்டு அவரது அரசாங்கத்தை கவிழ்த்த இராணுவப் புரட்சிக்குப் பிறகு,
அவரது இதயம், எலும்பு மற்றும் ஈறு பிரச்சினைகள் குறித்து அவ்வப்போது, இரண்டாம் நிலை விவரங்களை மட்டுமே பெற்று வந்ததாகவும் அரிஸ் குறிப்பிட்டுள்ளார்.
மேலும், இந்த மாத இறுதியில் மியான்மரின் இராணுவ ஆட்சிக் குழு தேர்தலை நடத்த மேற்கொண்ட முயற்சிகளை அவர் நிராகரிக்கும் அதே வேளையில், பல வெளிநாட்டு அரசாங்கங்களால் இராணுவ ஆட்சியை நியாயப்படுத்தும் நோக்கில் ஒரு ஏமாற்று வேலை இதுவென்றும் அவர் தெரிவித்துள்ளார்.
அவருக்கு தொடர்ந்து உடல்நலப் பிரச்சினைகள் உள்ளன. இரண்டு வருடங்களுக்கும் மேலாக யாரும் அவரைப் பார்க்கவில்லை. அவருடைய சட்டக் குழுவைத் தொடர்பு கொள்ளவும் அவருக்கு அனுமதி இல்லை, அவருடைய குடும்பத்தினரைப் பற்றி எதுவும் சொல்ல வேண்டியதில்லை என டோக்கியோவில் ஒரு நேர்காணலில் அரிஸ் குறிப்பிட்டுள்ளார்.
எனக்குத் தெரிந்ததெல்லாம், அவர் ஏற்கனவே இறந்திருக்கலாம் என்றே கவலையுடன் அரிஸ் தெரிவித்துள்ளார். மேலும், என் அம்மாவைப் பொறுத்தவரை மியான்மர் இராணுவ ஆட்சித் தலைவர் மின் ஆங் ஹ்லைங்கிற்கு அவருக்கே உரிய திட்டம் உள்ளது.
தேர்தலுக்கு முன்போ அல்லது அதற்குப் பின்னரோ பொது மக்களைத் திருப்திப்படுத்த அவரைப் பயன்படுத்தி அவரை விடுவிப்பதன் மூலமோ அல்லது வீட்டுச் சிறையில் அடைப்பதன் மூலமோ அவரை அவர் தமக்கு சாதகமாக பயன்படுத்திக் கொள்ளலாம் என அரிஸ் தெரிவித்துள்ளார்.
இனப்படுகொலை குற்றச்சாட்டு
அமைதிக்கான நோபல் பரிசு பெற்ற சூ கி, 2010 ஆம் ஆண்டு தேர்தலுக்குப் பிறகு விடுவிக்கப்பட்டார், இது யாங்கோன் இன்யா ஏரியில் உள்ள அவரது குடும்ப வீட்டில் பெரும்பாலும் கழித்த முந்தைய நீண்ட தடுப்புக்காவலை முடிவுக்குக் கொண்டு வந்தது.
கால் நூற்றாண்டில் முதல் முறையாக வெளிப்படையாகப் போட்டியிட்ட 2015 தேர்தலுக்குப் பிறகு அவர் மியான்மரின் உண்மையான தலைவராக ஆனார்.
இருப்பினும், அவரது நாட்டின் முஸ்லிம் ரோஹிங்கியா சிறுபான்மையினருக்கு எதிரான இனப்படுகொலை குற்றச்சாட்டுகளால் அவரது சர்வதேச பிம்பம் பின்னர் களங்கப்படுத்தப்பட்டது.
கலவரத்திற்கு தூண்டுதல், ஊழல் மற்றும் தேர்தல் மோசடி உள்ளிட்ட குற்றங்களுக்காக சூ கி 27 ஆண்டுகள் சிறைத்தண்டனை அனுபவித்து வருகிறார், இவை அனைத்தையும் அவர் மறுத்துள்ளார் என்பது குறிப்பிடத்தக்கது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள் |
யாழ்ப்பாணம், யாழ் அச்சுவேலி தோப்பு, Jaffna, பேர்ண், Switzerland
19 Nov, 2025
நயினாதீவு 5ம் வட்டாரம், நயினாதீவு 2ம் வட்டாரம், கோண்டாவில், Toronto, Canada, Montreal, Canada, London, United Kingdom
04 Dec, 2025
மன்னார், கொழும்பு, யாழ்ப்பாணம், மிருசுவில், கனடா, Canada
14 Dec, 2020
தெல்லிப்பழை, கொல்லன்கலட்டி, Stryn, Norway, Tromso, Norway
10 Dec, 2020
