லங்காசிறி FM
சுசுகி அறிமுகப்படுத்திய மினி மின்சார கார் - 310 கி.மீ. ரேஞ்ச்
Suzuki launches electric mini vehicle e Sky EV: சுசுகி நிறுவனம் மினி மின்சார காரை அறிமுகப்படுத்தியுள்ளது.
Suzuki e Sky
ஜப்பானின் பிரபல வாகன உற்பத்தியாளரான சுசுகி மோட்டார், தனது முதல் மின்சார மினி வாகனமான “e Sky”-யை ஓன்லைனில் அறிமுகப்படுத்தியுள்ளது.
இந்த வாகனம் 310 கிலோமீட்டர் பயண தூரம் (range) கொண்டதாக அறிவிக்கப்பட்டுள்ளது.
மினி வாகனங்களில் இதுவே மிக நீண்ட பயண தூரம் கொண்டதாகக் கருதப்படுகிறது. சுசுகி, தனது மினி வாகன உற்பத்தி அனுபவத்தை பயன்படுத்தி, எடை குறைப்பு, அதிக எரிசக்தி திறன் ஆகியவற்றின் மூலம் இந்த நீண்ட பயண தூரத்தை அடைந்துள்ளது.
“பெட்ரோல் வாகனங்களைப் பயன்படுத்தும் பயனர்களுக்கும் எளிதாக ஓட்டக்கூடியதாக வடிவமைக்கப்பட்டது” என சுசுகி நிறுவனத்தின் மேம்பாட்டு அதிகாரி தெரிவித்துள்ளார்.
இந்த வாகனத்தில், நேவிகேஷன் சிஸ்டம் மூலம் மீதமுள்ள பேட்டரி சக்தி மற்றும் போக்குவரத்து நிலையை அடிப்படையாகக் கொண்டு சிறந்த பாதையை பரிந்துரைக்கும் வசதி உள்ளது. இதனால், சார்ஜ் தீர்ந்துவிடும் பயம் இல்லாமல் பயணிகள் நிம்மதியாக பயணிக்க முடியும்.
மக்களுக்கு ஏற்ற விலை
சுசுகி நிறுவனம் இந்த வாகனத்தின் விலையை இன்னும் அறிவிக்கவில்லை. ஆனால், பெட்ரோல் வாகன பயனர்கள் மின்சார வாகனங்களுக்கு மாறும் வகையில், விலை மக்களுக்கு ஏற்றதாக இருக்கும் என நிறுவனம் தெரிவித்துள்ளது.
ஜப்பானில் மின்சார மினி வாகன சந்தை வேகமாக வளர்ந்து வருகிறது. சீனாவின் BYD நிறுவனம் கடந்த ஜூலையில் “Racco” எனும் மினி வாகனத்தை அறிமுகப்படுத்தியது.
மேலும், யோகோஹாமாவைத் தலைமையிடமாகக் கொண்ட EMT நிறுவனம் 2027ஆம் ஆண்டில் சந்தையில் நுழைய திட்டமிட்டுள்ளது.
“போட்டி அதிகரிப்பது நுகர்வோருக்கு நல்லது. எங்கள் வலிமை மினி வாகனங்களில் உள்ளது, அதனை வலியுறுத்த விரும்புகிறோம்” என சுசுகி தெரிவித்துள்ளது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
நல்லூர் கந்தசுவாமி திருவிழா 2026 | Day 8 Evening
கொழும்புத்துறை, கொழும்பு, ஸ்கந்தபுரம், London, United Kingdom
09 Aug, 2026
கரவெட்டி, கொக்குத்தொடு, புதுக்குடியிருப்பு 2ம் வட்டாரம், Mullaitivu
27 Aug, 2023
புங்குடுதீவு 10ம் வட்டாரம், புங்குடுதீவு 3ம் வட்டாரம், Ajax, Canada
03 Sep, 2025
