லங்காசிறி FM
சுவிட்சர்லாந்தில் உக்ரேனிய ரூபாய் நோட்டுகளை மாற்ற தடை! இன்னும் ஒரே வாரத்தில் அமுல்
Ragavan
in சுவிட்சர்லாந்து
நவம்பர் 25 முதல் உக்ரேனிய ரூபாய் நோட்டுகளை சுவிஸ் ஃபிராங்குகளாக மாற்ற சுவிட்சர்லாந்து தடை விதிக்கிறது.
உக்ரேனிய ரூபாய் நோட்டுகளை மாற்ற தடை
சுவிட்சர்லாந்தில், நவம்பர் 25 திகதி முதல் உக்ரைனியர்கள் இனி சுவிஸ் பிராங்குகளுக்கு உக்ரேனிய ரூபாய் நோட்டுகளை மாற்ற முடியாது என்று சுவிஸ் அதிகாரிகள் அறிவித்துள்ளனர், ஏனெனில் அத்தகைய ஏற்பாடு நிறுத்தப்படும்.
ஜூன் 2022-ல் இருந்து சுவிட்சர்லாந்தில் உள்ள தேர்ந்தெடுக்கப்பட்ட கிளைகளில் உக்ரேனியர்கள் தங்கள் நாட்டின் ரூபாய் நோட்டுகளை மாற்ற அனுமதிக்கப்பட்டனர்.
Reuters
உக்ரைனின் கோரிக்கை
ஆனால், நேஷனல் பேங்க் ஆஃப் உக்ரைனின் கோரிக்கையைத் தொடர்ந்து, சுவிஸ் அதிகாரிகள் ஒப்பந்தத்திற்கு முற்றுப்புள்ளி வைக்க முடிவு செய்ததாக அறிக்கை தெரிவித்துள்ளது.
"ஜூன் 2022 இறுதியில் அறிமுகப்படுத்தப்பட்ட சுவிட்சர்லாந்தில் உள்ள தேர்ந்தெடுக்கப்பட்ட வங்கிக் கிளைகளில் உக்ரைன் ரூபாய் நோட்டுகளை சுவிஸ் பிராங்குகளுக்கு மாற்றுவதற்கான ஏற்பாடு, உக்ரைனின் தேசிய வங்கியின் வேண்டுகோளின் பேரில் 25 நவம்பர் 2022 முதல் நிறுத்தப்படும்" என்று சுவிஸ் மத்திய நிதித் துறை வெளியிட்ட அந்த அறிக்கையில் தெரிவிக்கப்பட்டுள்ளது.
ஒப்பந்தத்தின்படி.,
ஜூன் 27, 2022 முதல், பாதுகாப்பு அந்தஸ்து கொண்ட உக்ரைனின் அனைத்து நாட்டவர்களும் சுவிஸ் பிராங்குகளுக்கு குறைந்த அளவு பணத்தை மாற்றிக்கொள்ள முடிந்தது.
Image: SNB
சுவிஸ் நேஷனல் வங்கிக்கும் உக்ரைன் நேஷனல் வங்கிக்கும் இடையேயான ஒப்பந்தத்தின்படி, அதிகபட்சமாக சுமார் CHF 300 பரிமாற்றம் செய்வதற்கு ஏற்பாடு செய்யப்பட்டது.
ஆனால் இப்போது, உக்ரைனிய ரூபாய் நோட்டுகளை சுவிஸ் பிராங்குகளுக்கு மாற்றுவதற்கான தேவை சமீபத்திய வாரங்களில் கணிசமாகக் குறைந்துள்ளது என கூறி, உக்ரைனின் தேசிய வங்கி அத்தகைய ஏற்பாட்டை நிறுத்தக்கோரியுள்ளது.
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
வேலணை மேற்கு 8ம் வட்டாரம், Jaffna, London, United Kingdom
23 Nov, 2024
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
