எதிர்கட்சிகளின் ஆலோசனைகளை கேட்க தயார்! ஜப்பான் பிரதமர் சனே தகைச்சி கருத்து

எதிர்கட்சிகளின் ஆலோசனைகளை கேட்க தயாராக இருப்பதாக சனே தகைச்சி தெரிவித்துள்ளார்.

LDP கட்சிக்கு சாதகமான வந்த கருத்துக்கணிப்பு

ஜப்பானில் நிலவி வரும் கடும் பனிப்பொழிவுக்கு மத்தியில் தேர்தல் நடைபெற்று வரும் நிலையில் வாக்குப்பதிவானது நிறைவடைந்துள்ளது.

NHK நிறுவனத்தின் கருத்துக்கணிப்புகள் மற்றும் கீழ்சபையில் LDP கட்சிக்கு பெரும்பான்மை கிடைக்கும் என கணிக்கப்பட்டுள்ள நிலையில் பொதுத் தேர்தலில் பிரதமர் சனே தகைச்சியின் தலைமையிலான ஜப்பானின் ஆளும் லிபரல் டெமாக்ரடிக் கட்சி(LDP) கூட்டணி வெற்றி பெறும் என்பது கிட்டத்தட்ட உறுதியாகியுள்ளது.

Japanese Prime Minister Sanae Takaichi’s election gamble paid off with a stunning landslide victory.

This means a green light from voters for her vision of a more assertive, powerful Japan. Sakura Murakami explains. https://t.co/8oWyZJmWDC pic.twitter.com/vEX8RCMQRc

— Bloomberg (@business) February 8, 2026

மொத்தமுள்ள 465 இடங்களில் LDP கூட்டணி  274 முதல் 328 இடங்களுக்குள் கைப்பற்றும் என்று எதிர்பார்க்கப்படுகிறது.

டி20 உலகக் கோப்பை: அயர்லாந்தை வீழ்த்தி முதல் வெற்றியை பதிவு செய்த இலங்கை

எதிர்கட்சிகளின் ஆலோசனைகளை கேட்க தயார்

இந்நிலையில் ஞாயிற்றுக்கிழமை கட்சியின் தலைமையகத்தில் பேசிய சனே தகைச்சி, தன்னுடைய தலைமையில் புதிய நாடாளுமன்றம் அமையும் போது எதிர்க்கட்சியின் நல்ல ஆலோசனைகளை கேட்க தயாராக இருப்பதாக தெரிவித்துள்ளார்.

மேலும், ஜப்பானின் நீண்ட கால நிதி ஆதாரத்தை பாதுகாப்பதே தன்னுடைய முதல் இலக்கு என்று சனே தகைச்சி தெரிவித்துள்ளார்.

ஜப்பானின் நிதி நிலைத்தன்மை உறுதிப்படுத்தல் மற்றும் நாட்டின் நாணய மதிப்பை இறக்கங்களில் இருந்து தடுத்து தொடர்ந்து யென்(Yen) நாணயத்தின் மதிப்பை உயர்த்த தன்னுடைய அரசு அதிக கவனமுடன் செயல்படும் என்று தெரிவித்துள்ளார்.

அத்துடன் வரி சீர்திருத்த மசோதாவை தாக்கல் செய்யவும் திட்டமிட்டு இருப்பதாக சனே தகைச்சி குறிப்பிட்டுள்ளார்.