லங்காசிறி FM
அமெரிக்கா, ஐரோப்பா அல்ல... வர்த்தகத்தில் அசுர வேகத்தில் பாயும் ஒரு ஆசிய நாடு
அமெரிக்கா, ஐரோப்பிய ஒன்றியம், ஜேர்மனி, இங்கிலாந்து அல்லது ஜப்பான் அல்ல, 1 டிரில்லியன் டொலர் என உலகின் மிகப்பெரிய வர்த்தக உபரியை சீனா பதிவு செய்துள்ளது.
வர்த்தக உபரி 112 பில்லியன்
ப்ளூம்பெர்க் வெளியிட்டுள்ள தரவுகளின் அடிப்படையில், முந்தைய மாதத்தில் எதிர்பாராத சரிவுக்குப் பிறகு நவம்பர் மாதத்தில் சீனாவின் ஏற்றுமதிகள் மீண்டும் உச்சம் கண்டு 1 டிரில்லியன் டொலர் என்ற வரம்பைத் தாண்டியதாக தெரிய வந்துள்ளது.
சீனாவின் ஏற்றுமதி 5.9 சதவீதம் உயர்ந்து இறக்குமதிகள் 1.9 சதவீதம் அதிகரித்த நிலையில், மொத்த வர்த்தக உபரி 112 பில்லியன் டொலராக பதிவு செய்யப்பட்டது, இது இதுவரையான உலக சாதனையாகும்.
அமெரிக்கா-சீனா வர்த்தகப் போர் மற்றும் சீனப் பொருட்களுக்கு அதிக வரிகளை விதித்த போதிலும் இது சாத்தியமாகியுள்ளது. அத்துடன், சீனா தனது பொருளாதாரத்தை எவ்வாறு நிர்வகித்து, அமெரிக்க அழுத்தங்களைச் சார்ந்திருப்பதிலிருந்து எவ்வாறு விலகியது என்பதையும் இது காட்டுகிறது.
சீனாவின் 2025 ஆம் ஆண்டிற்கான பொருளாதார வளர்ச்சியில் அதன் ஏற்றுமதிகள் கிட்டத்தட்ட மூன்றில் ஒரு பங்கைக் கொண்டுள்ளன. ட்ரம்ப் ஆட்சிக்கு வந்ததும், அவரது கொள்கை முடிவுகளால் அமெரிக்காவிற்கான சீன ஏற்றுமதி 29 சதவீதம் சரிந்ததால் அக்டோபரில் சீனப் பொருளாதாரம் பாதிக்கப்பட்டது.
மிகப்பெரிய உயர்வு
இது எட்டாவது மாதத்தில் இரட்டை இலக்க சரிவையும் ஆகஸ்ட் மாதத்திற்குப் பிறகு மிகப்பெரிய சரிவையும் பதிவு செய்தது.
இருப்பினும், ஐரோப்பிய ஒன்றியம், லத்தீன் அமெரிக்கா மற்றும் ஆப்பிரிக்கா சந்தைகளுக்கான ஏற்றுமதியில் ஏற்பட்ட வளர்ச்சி, 2025 ஆம் ஆண்டின் தொடக்கத்தில் டொனால்ட் ட்ரம்ப் வர்த்தகப் போரை தொடங்கிய போதிலும், சரிவை ஈடுசெய்தது.
பிரான்ஸ், ஜேர்மனி மற்றும் இத்தாலி ஆகிய நாடுகளுக்கான ஏற்றுமதிகள் இரட்டை இலக்க வளர்ச்சியைப் பதிவு செய்த நிலையில், ஐரோப்பிய ஒன்றியத்திற்கான விற்பனை 15 சதவீதம் அதிகரித்து, 2022 க்குப் பிறகு மிகப்பெரிய உயர்வைப் பதிவு செய்தது.
இதேபோல், ஆப்பிரிக்காவுக்கான ஏற்றுமதி கிட்டத்தட்ட 28 சதவீதம் உயர்ந்தது. இருப்பினும், 10 நாடுகளைக் கொண்ட தென்கிழக்கு ஆசிய வர்த்தகக் குழுவிற்கான விற்பனை 8.4% மட்டுமே அதிகரித்தது, இது பிப்ரவரி மாதத்திற்குப் பிறகு மிகக் குறைவு என்பது குறிப்பிடத்தக்கது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள் |
மன்னார், கொழும்பு, யாழ்ப்பாணம், மிருசுவில், கனடா, Canada
14 Dec, 2020
தொண்டைமானாறு, காங்கேசன்துறை, London, United Kingdom
23 Nov, 2024
தொல்புரம், மலேசியா, Malaysia, கொட்டடி, Scarborough, Canada
12 Dec, 2024
புங்குடுதீவு 12ம் வட்டாரம், புங்குடுதீவு, பேர்ண், Switzerland
12 Nov, 2025
நெடுந்தீவு, ஆனைக்கோட்டை, மானிப்பாய், London, United Kingdom
04 Dec, 2025
கொக்குவில் கிழக்கு, கொக்குவில், திருகோணமலை, கொழும்பு, Croydon, United Kingdom
08 Dec, 2025
புங்குடுதீவு 8ம் வட்டாரம், முள்ளியவளை
11 Dec, 2021
தெல்லிப்பழை, கொல்லன்கலட்டி, Stryn, Norway, Tromso, Norway
10 Dec, 2020
