லங்காசிறி FM
130,000 மக்கள் மாயம்... நாடு முழுவதும் ஆயிரக்கணக்கானோர் திரண்டு ஆர்ப்பாட்டம்
மெக்சிகோவில் பலர் திடீரென்று காணாமல் போன சம்பவங்களை முன்னிலைப்படுத்தி, அவர்களைக் கண்டுபிடிக்கவும் கட்டுப்படுத்தவும் வலியுறுத்தி நாடு முழுவதும் ஆயிரக்கணக்கான மக்கள் போராட்டத்தில் ஈடுபட்டுள்ளனர்.
2007 ஆம் ஆண்டுக்குப் பிறகு
காணாமல் போனவர்களின் உறவினர்கள் மற்றும் நண்பர்கள், மனித உரிமை ஆர்வலர்கள் என ஆயிரக்கணக்கானோர் மெக்சிகோ சிட்டி வீதிகளில் பேரணி நடத்தினர். காணாமல் போன தங்கள் அன்புக்குரியவர்களைக் கண்டுபிடிக்க உதவுமாறும் நீதி கேட்டும் ஜனாதிபதி கிளாடியா ஷீன்பாமின் அரசாங்கத்தை வலியுறுத்தியுள்ளனர்.
மெக்சிகோவில் 130,000 க்கும் மேற்பட்டோர் காணாமல் போயுள்ளதாக பதிவு செய்யப்பட்டுள்ளது. கிட்டத்தட்ட அனைத்து சம்பவங்களும் 2007 ஆம் ஆண்டுக்குப் பிறகு நிகழ்ந்துள்ளன, அப்போதைய ஜனாதிபதி பெலிப்பெ கால்டெரான் தனது போதைப்பொருட்களுக்கு எதிரான போரை தொடங்கியதிலிருந்தே தொடங்கியுள்ளது.
பல சம்பவங்களில், காணாமல் போனவர்கள் போதைப்பொருள் குழுக்களில் வலுக்கட்டாயமாக சேர்க்கப்பட்டுள்ளனர் - அல்லது எதிர்த்ததற்காகக் கொல்லப்பட்டுள்ளனர் என்றே கூறப்படுகிறது.
பெரும்பாலும் போதைப்பொருள் குழுக்கள் மற்றும் குற்றச்செயல்கள் புரியும் குழுக்களால் பல ஆயிரம் பேர்கள் மாயமாகியுள்ளனர். நகரங்கள், மாகாணங்கள் மற்றும் நகராட்சிகளில் பரவலாக ஆர்ப்பாட்டங்கள் நடத்தப்பட்டுள்ளது.
எண்ணிக்கை மிக அதிகம்
பாதிக்கப்பட்டவர்கள் பலர் தங்கள் குடும்ப உறுப்பினர்களின் புகைப்படங்களுடன் பதாகை ஏந்தியிருந்தனர். லத்தீன் அமெரிக்க நாடுகளில் பதிவான மோசமான எண்ணிக்கையை விட, மெக்சிகோவில் காணாமல் போதல்களின் எண்ணிக்கை மிக அதிகம் என்றே கூறப்படுகிறது.
1996ல் முடிவடைந்த குவாத்தமாலாவின் 36 ஆண்டுகால உள்நாட்டுப் போரில் மாயமானவர்கள் எண்ணிக்கை 40,000 என்றே பதிவாகியுள்ளது. 1976 மற்றும் 1983 க்கு இடையில் அர்ஜென்டினாவின் இராணுவ ஆட்சியின் கீழ் சுமார் 30,000 பேர் காணாமல் போயுள்ளதாக மதிப்பிடப்பட்டுள்ளது.
ஆனால், மெக்சிகோவில் 2007க்கு பின்னர் மாயமானவர்கள் எண்ணிக்கை 130,000 என்பது குறிப்பிடத்தக்கது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
கரம்பொன் கிழக்கு, பண்டத்தரிப்பு, கொழும்பு சொய்சாபுரம், London, United Kingdom, Borehamwood, United Kingdom
17 Aug, 2025