லங்காசிறி FM
காணாமல் போன ஆபத்தான கதிரியக்க காப்ஸ்யூல்: அவுஸ்திரேலிய அதிகாரிகள் அவசர எச்சரிக்கை
Thiru
in ஆஸ்திரேலியா
மேற்கு அவுஸ்திரேலியாவில் உள்ள சுரங்கத்தில் இருந்து பெர்த் நகரம் நோக்கி டிரக்கில் எடுத்து செல்லப்பட்ட கதிரியக்க காப்ஸ்யூல் காணாமல் போனதை தொடர்ந்து, அதை தேடி வருவதாக சனிக்கிழமை அதிகாரிகள் தெரிவித்துள்ளனர்.
ஆபத்தான கதிரியக்க காப்ஸ்யூல்
மேற்கு நியூமேனில் உள்ள ரியோ டின்டோ சுரங்கத்திலிருந்து 1,400 கிலோமீட்டர் தொலைவில் உள்ள மலகாவின் பெர்த் புறநகர்ப் பகுதியின் டிப்போவுக்கு டிரக்கில் கொண்டு செல்லப்பட்ட ஆபத்தான கதிரியக்க காப்ஸ்யூல் காணாமல் போனதாக அதிகாரிகள் தெரிவித்துள்ளனர்.
இதையடுத்து 19-பெக்கரல் சீசியம் 137 என்ற கதிர்வீச்சு அளவீடுகள் பயன்படுத்தப்படும் சிறிய வெள்ளி சிலிண்டர் காப்ஸ்யூலைத் தேடி வருவதாக அதிகாரிகள் தகவல் தெரிவித்துள்ளனர்.
அத்துடன் உபகரணங்கள் பற்றாக்குறையால் பாதிக்கப்பட்டுள்ளதாகவும், காமன்வெல்த் மற்றும் பிற மாநிலங்களின் உதவி தேவைப்படுவதாகவும் அவசர சேவைகள் தெரிவித்துள்ளன.
8 மில்லி மீட்டர் மற்றும் 6 மில்லி மீட்டர் அலகுகளை கண்டறிய 36 கிலோ மீட்டர்கள் பரபரப்பான சரக்கு பாதையில் கையடக்க கதிர்வீச்சு கண்டறிதல் சாதனங்கள் மற்றும் மெட்டல் டிடெக்டர்கள் பயன்படுத்தும் குழுக்களை தீயணைப்பு மற்றும் அவசர சேவைகள் நியமித்து இருப்பதாக தெரியவந்துள்ளது.
பொதுமக்களுக்கு எச்சரிக்கை
ஆபத்தான கதிரியக்க காப்ஸ்யூல் காணாமல் போனது விபத்து என்றும், திருட்டு ஏதும் நடக்கவில்லை என்றும் அதிகாரிகள் தெரிவித்துள்ளனர்.
காணாமல் போன கதிரியக்க அலகு ஒரு மணி நேரத்தில் 10 எக்ஸ் கதிர்களுக்கு சமமான அளவை வெளியிடுகிறது, மேலும் பொதுமக்கள் அதிலிருந்து குறைந்தபட்சம் 5 மீட்டர் தொலைவில் இருக்க வேண்டும் என்று தலைமை சுகாதார அதிகாரி ஆண்ட்ரூ ராபர்ட்சன் எச்சரித்துள்ளார்.
Department of Fire and Emergency Services WA
அத்துடன் இந்த கதிரியக்க அலகு, தோல் சேதம், தீக்காயங்கள் மற்றும் கதிரியக்க நோய், இரைப்பை குடல் மற்றும் நோயெதிர்ப்பு அமைப்புகளின் தாக்கங்களை ஏற்படுத்தும் எனவும் தெரிவிக்கப்பட்டுள்ளது.
நீண்ட கால வெளிப்பாடு புற்றுநோயை இது ஏற்படுத்தும் என்றாலும், காப்ஸ்யூலை யாரேனும் ஆயுதமாக்க முடியாது என்று ராபர்ட்சன் குறிப்பிட்டுள்ளார்.
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
கோண்டாவில் மேற்கு, வவுனியா, Milton Keynes, United Kingdom
17 Nov, 2024
வட்டுக்கோட்டை, மட்டக்களப்பு, கல்முனை, சுன்னாகம், வெள்ளவத்தை, கனடா, Canada
30 Nov, 2023
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
