லங்காசிறி FM
தனிமையில் வாடும் நாடுகளின் பட்டியல்; 2வது இடத்தில் இந்தியா - முதலிடம்?
தனிமை மிகுந்த நாடுகளின் பட்டியலில் இந்தியா 2வது இடம் பிடித்துள்ளது.
36 நாடுகளில் உணர்ச்சி நல்வாழ்வு மற்றும் சமூகத் தனிமைப்படுத்தலை ஆராய்ந்து தனிமையான நாடுகளின் பட்டியலை JB நிறுவனம் வெளியிட்டுள்ளது.
தனிமை, சோகம் மற்றும் குடும்பச் சூழல்கள் போன்ற காரணிகளைக் கருத்தில் கொள்ளும் ஒரு கூட்டு “தனிமை மதிப்பெண்ணின்” அடிப்படையில் இந்த தரவரிசை உருவாக்கப்பட்டுள்ளது.
முதலிடத்தில் துருக்கி
இதில், 100 புள்ளிகளுடன் துருக்கி முதலிடத்தில் உள்ளது.
துருக்கி குடிமக்களில் 61% பேர் தாங்கள் தனிமையாக உணர்வதாகவும், 45% பேர் தனிமைப்படுத்தப்பட்டதாக உணர்வதாகவும் தெரிவித்துள்ளனர். துருக்கியில் பங்கேற்றவர்களில் சுமார் 31% பேர் தினசரி சோகத்தை வெளிப்படுத்தியுள்ளனர்.
அங்கு 5 வீடுகளில் ஒரு வீட்டில் ஒற்றை நபர் மட்டுமே உள்ளனர். தீவிரமான தனியாக வாழும் போக்குகள் இல்லாத நிலையிலும்கூட, துருக்கியில் தனிமை கடுமையாக உள்ளது உணர்ச்சி ரீதியான தொடர்பின்மைக்கு வழிவகுக்கிறது என ஆய்வு முடிவுகள் வழிவகுக்கிறது.
2வது இடத்தில் இந்தியா
89 புள்ளிகளுடன் இந்தியா 2வது இடத்தில் உள்ளது. பதிலளித்தவர்களில் 58% பேர் தனிமை உணர்வையும், 34% பேர் தாங்கள் தனிமைப்படுத்தப்பட்டதாக உணர்வதாகவும் தெரிவித்துள்ளனர்.
இந்தியக் குடும்பங்களில் 3.7% மட்டுமே ஒற்றை நபர் குடும்பங்களாக உள்ளன. மேலும் ஒரு குடும்பத்தின் சராசரி அளவு நான்குக்கும் மேற்பட்ட உறுப்பினர்களைக் கொண்டுள்ளது.
இந்தியாவில் தனிமை என்பது உடல்ரீதியானதல்ல, மாறாக உணர்வுப்பூர்வமானது என்பதை இது சுட்டிக்காட்டுகிறது.
முதல் 5 நாடுகளில், 37 சதவீத இந்தியர்கள் அடிக்கடி சோகத்தை அனுபவிப்பது மிக அதிகம் என்றும், இது ஆழ்ந்த மன உளைச்சலை அடிக்கோடிட்டுக் காட்டுகிறது என்றும் ஆய்வில் கண்டறியப்பட்டுள்ளது.
78 என்ற தனிமை மதிப்பெண்ணுடன் பிரேசில் 3 வது இடத்தைப் பிடித்துள்ளது. அங்கு 53% பேர் தாங்கள் தனிமையாக உணர்வதாகவும், 43% பேர் தனிமைப்படுத்தப்பட்டிருப்பதாகவும் தெரிவித்தனர்.
முதல் 5 நாடுகளில் பிரேசில் அதிக வாழ்க்கை நிறைவையும் பதிவு செய்துள்ளது. இது, தனிமையும் ஒட்டுமொத்த மகிழ்ச்சியும் ஒருங்கே இருக்க முடியும் என்பதைக் காட்டுகிறது.
தென்னாப்பிரிக்கா 4 வது இடத்திலும், தென் கொரியா 5 வது இடத்திலும் உள்ளன.
உஸ்பெகிஸ்தான். நெதர்லாந்து ஆகிய நாடுகள் குறைந்த அளவிலான தனிமையையும் அதிக மகிழ்ச்சி மதிப்பெண்களையும் கொண்ட, மிகக் குறைந்த தனிமையுணர்வு உள்ள நாடுகளாக அடையாளம் காணப்பட்டுள்ளன.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
மாவிட்டபுரம், மல்லாகம், Lewisham, United Kingdom, Harrow, United Kingdom
08 Jun, 2026
தம்பிலுவில், இணுவில் மேற்கு, Kenton, United Kingdom, இணுவில் கிழக்கு
06 Jun, 2026
புங்குடுதீவு 12ம் வட்டாரம், பேர்ண், Switzerland, Toronto, Canada
10 Jun, 2021
ஆவரங்கால், India, ஈரான், Iran, பிரான்ஸ், France, Herborn, Germany
30 May, 2026
புங்குடுதீவு 4ம் வட்டாரம், புங்குடுதீவு 5ம் வட்டாரம், செட்டிக்குளம், பேர்லின், Germany
04 Jun, 2026
