லங்காசிறி FM
சீன மாணவர்களின் விசாக்களை உக்கிரமாக ரத்து செய்ய முடிவு செய்த வல்லரசு நாடு
ட்ரம்ப் நிர்வாகம் சீன மாணவர்களுக்கான விசாக்களை ரத்து செய்ய முடிவெடுத்துள்ளதாக வெளிவிவகார செயலாளர் மார்கோ ரூபியோ அறிவித்துள்ளார்.
பலர் சிக்கக் கூடும்
சீன மாணவர்களுக்கான விசாக்களை ரத்து செய்ய வெளிவிவகாரத்துறை மற்றும் உள்நாட்டுப் பாதுகாப்புத் துறை தீவிரமாகச் செயல்படும். சீன கம்யூனிஸ்ட் கட்சியுடன் தொடர்பு கொண்டவர்கள் அல்லது முக்கியமான துறைகளில் படிப்பவர்கள் உட்பட பலர் சிக்கக் கூடும் என ரூபியோ அறிக்கை ஒன்றில் தெரிவித்துள்ளார்.
மட்டுமின்றி, சீனா மற்றும் ஹொங்ஹொங்கிலிருந்து வரும் அனைத்து எதிர்கால விசா விண்ணப்பங்களையும் ஆய்வு செய்வதற்காக, விசா அளவுகோல்களையும் துறை திருத்தும் என்றும் அவர் குறிப்பிட்டுள்ளார்.
வெளியான தரவுகளின் அடிப்படையில், 2023/2024 ஆம் ஆண்டில் அமெரிக்காவில் உயர்கல்வி பயிலும் சர்வதேச மாணவர்களின் எண்ணிக்கையில் 277,398 மாணவர்களுடன் சீனா இரண்டாவது இடத்தில் உள்ளது.
இந்த நிலையில், அமெரிக்காவில் படிக்கும் வெளிநாட்டு மாணவர்கள் மீது கூடுதல் சோதனை நடத்த வேண்டும் என்று ஜனாதிபதி டொனால்ட் ட்ரம்ப் கோரிக்கை விடுத்துள்ளார்.
ட்ரம்ப் நிர்வாகம் வெளிநாட்டு மாணவர்களை சமூக ஊடகங்கள் மூலம் கண்காணிப்பதை விரிவுபடுத்தியுள்ளது. மேலும், ஜனாதிபதியின் கடுமையான குடியேற்றக் கொள்கையை நிறைவேற்றுவதற்கான தீவிர முயற்சிகளின் ஒரு பகுதியாக, நாடுகடத்தலை அதிகரிக்கவும், மாணவர் விசாக்களை ரத்து செய்யவும் முயல்கிறது.
300,000 சீன மாணவர்கள்
செவ்வாயன்று, அனைத்து வெளிநாட்டு மாணவர் விசா விண்ணப்பங்களையும் நிறுத்துமாறு அமெரிக்க தூதரகங்களுக்கு ட்ரம்ப் நிர்வாகம் உத்தரவிட்டது. 2023-2024 கல்வியாண்டில், சாதனை படைக்கும் வகையில் 1.1 மில்லியன் சர்வதேச மாணவர்களுக்கு அமெரிக்கா வாய்ப்பளித்தது, இதில் 10,000 பிரித்தானிய மாணவர்களும் அடங்குவர்.
வெளியான தரவுகளின் அடிப்படையில் இந்த மாணவர்களால் கல்வி, வீட்டுவசதி மற்றும் வாழ்க்கைச் செலவுகள் மூலம் அமெரிக்கா 43.8 பில்லியன் டொலர் வருவாய் ஈட்டியது.
சீன மாணவர்கள் மீதான ட்ரம்ப் நிர்வாகத்தின் இந்த உக்கிர நடவடிக்கை, அமெரிக்காவிற்கும் சீனாவிற்கும் இடையிலான கல்வி உறவுகளை இறுக்கும் என்றே நிபுணர்களின் கருத்தாக உள்ளது.
ட்ரம்ப் நிர்வாகத்தின் இந்த கடும்போக்கு நடவடிக்கைகளால் தற்போது சுமார் 300,000 சீன மாணவர்களின் கல்வி கேள்விக்குறியாகியுள்ளது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
காரைநகர் களபூமி, ஓட்டுமடம், யாழ்ப்பாணம், Markham, Canada
25 May, 2025
யாழ் நெடுந்தீவு கிழக்கு, Jaffna, நெடுந்தீவு, வவுனியா, Montreuil, France
31 May, 2025
மாதகல், மாங்குளம், Amsterdam, Netherlands, Nuremberg, Germany
01 Jun, 2024
வதிரி, Toronto, Canada, Vancouver, Canada, Montreal, Canada
29 May, 2025
புங்குடுதீவு 9ம் வட்டாரம், கிளிநொச்சி, டென்மார்க், Denmark, London, United Kingdom
01 Jun, 2015