லங்காசிறி FM
பிச்சை எடுக்க குவியும் பாகிஸ்தானியர்கள் - விசாவை நிறுத்திய அரபு நாடு
பிச்சை எடுப்பது உள்ளிட்ட சட்டவிரோத செயலில் ஈடுபவதாக கூறி பாகிஸ்தானியர்களுக்கான விசாவை அரபு நாடொன்று ரத்து செய்துள்ளது.
பாகிஸ்தானியர்களுக்கான விசா நிறுத்தம்
பாகிஸ்தான் கடந்த சில ஆண்டுகளாக மோசமான பொருளாதார சூழலை எதிர்கொண்டு வருகிறது.
இதன் காரணமாக, பலரும் வேலைக்காக உலகின் பல்வேறு நாடுகளுக்கு செல்ல தொடங்கியுள்ளனர்.
இதே போல், சவூதி அரேபியா, ஐக்கிய அரபு அமீரகம் போன்ற அரபு நாடுகளுக்கும் ஏராளமான பாகிஸ்தானியர்கள் செல்ல தொடங்கியுள்ளனர்.
ஆண்டுக்கு 8 லட்சம் பாகிஸ்தானியர்கள் விசா கோரி வளைகுடா நாடுகளுக்கு விண்ணப்பம் செய்கின்றனர்.
இந்நிலையில், பாகிஸ்தானியர்களுக்கான விசாவை ஐக்கிய அரபு அமீரகம் அதிகாரப்பூர்வமற்ற வகையில் நிறுத்தியுள்ளதாக தகவல் வெளியாகியுள்ளது.
என்ன காரணம்?
நீல மற்றும் ராஜதந்திர பாஸ்போர்ட்டுகளைத் தவிர, வழக்கமான பாகிஸ்தான் பாஸ்போர்ட் வைத்திருப்பவர்களுக்கு விசா வழங்குவதை ஐக்கிய அரபு அமீரகம் நிறுத்தியுள்ளது.
வருகை விசாவில் வரும் பாகிஸ்தானியர்கள் பிச்சை எடுப்பது, போதைப்பொருள் கடத்தல் போன்ற பல்வேறு குற்ற சம்பவங்களில் ஈடுபட்டு வருவதால் இந்த நடவடிக்கை எடுக்கப்பட்டதாக கூறப்படுகிறது.
கடந்த ஆண்டு, உம்ரா மற்றும் ஹஜ் விசாக்களில் சவுதி அரேபியாவில் நுழையும் பாகிஸ்தானியர்களின் எண்ணிக்கை அதிர்ச்சியூட்டும் வகையில் அதிகரித்ததோடு, அவர்கள் மக்கா மற்றும் மதீனா போன்ற புனித நகரங்களில் பிச்சை எடுப்பதில் ஈடுபடுவதை சவுதி அரேபியா கடுமையாக எச்சரித்தது.
அதைத்தொடர்ந்து, 4,000 பாகிஸ்தானிய பிச்சைகாரர்களை சவுதி அரேபியா நாடு கடத்தியுள்ளது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
மயிலிட்டி தெற்கு, London, United Kingdom, Edinburgh, Scotland, United Kingdom
15 Nov, 2025
Pussellawa, கொழும்பு, ஜேர்மனி, Germany, Scarborough, Canada
31 Oct, 2025
