ஆக்கிரமிப்பாளர்களை விரட்டியடிக்க உக்ரைனுக்கு உதவியை விரிவுப்படுத்தும் பிரித்தானியா
- உக்ரைனுக்கு இராணுவ உதவி விரிவுபடுத்தும் பிரித்தானியா
- M31A1 ரக -ஏவுகணை ராக்கெட் அமைப்பு விரைவில் உக்ரைனுக்கு வழங்கப்படும்
M31A1 ரக -ஏவுகணை ராக்கெட் அமைப்பினை உள்ளடக்கிய ராணுவ உதவி உக்ரைனுக்கு மேலும் விரிவுபடுத்தும் என பிரித்தானியா பாதுகாப்புச் செயலர் பென் வாலஸ்(Ben Wallace) வியாழன்கிழமை தெரிவித்துள்ளார்.
உக்ரைன் ரஷ்யா இடையிலான போர் நடவடிக்கை 169வது நாளை நெருங்கியும் தீர்க்கமான முடிவுகள் இருதரப்பு மத்தியிலும் எட்டப்படாமல் தாக்குதல் தீவிரமாக நடந்து வருகிறது.
கிழக்கு பகுதிகளில் ரஷ்ய படைகள் அதிக ஆதிக்கம் செலுத்தி வரும் நிலையில் கெர்சன் நகரை மீண்டும் ஆக்கிரமிப்பாளர்களிடம் இருந்து கைப்பற்ற உக்ரைன் ராணுவம் தொடர்ந்து போராடி வருகிறது.
AFP via Getty Images
இந்தநிலையில், உக்ரைனுக்கான இராணுவ உதவியை விரிவுப்படுத்தும் நோக்கில் சுமார் 80 கிமீ வரை இலக்குகளைத் தாக்கும் சக்தி கொண்ட M31A1 என்ற பல-ஏவுகணை ராக்கெட் அமைப்புகளை (MLRS) உள்ளடக்கிய உதவி திட்டம் விரிவுப்படுத்தப்படும் என பிரித்தானியா பாதுகாப்புச் செயலர் பென் வாலஸ்(Ben Wallace) தெரிவித்துள்ளார்.
இந்த உதவி உக்ரைனின் ஆயுதப் படைகள் ரஷ்ய ஆக்கிரமிப்பு மற்றும் நீண்ட தூர பீரங்கிகளின் கண்மூடித்தனமான பயன்பாட்டிற்கு எதிராக தொடர்ந்து பாதுகாக்க உதவும் என்று வாலஸ் தெரிவித்துள்ளார்.
Reuters
கூடுதல் செய்திகளுக்கு: ”ஒரு நாடு, இரண்டு அமைப்பு” சீனா முன்மொழிந்த மாதிரியை நிராகரித்த தைவான்
இத்துடன் 20க்கும் அதிகமான 155-மில்லிமீட்டர் சுயமாக இயக்கப்படும் துப்பாக்கிகள், 105-மில்லிமீட்டர் பீரங்கி துப்பாக்கிகள் மற்றும் வெடிமருந்துகள், 50,000க்கும் மேற்பட்ட வெடிமருந்துகள், மேலும் குறைந்தது 1,600 தொட்டி எதிர்ப்பு ஆயுதங்களும் உக்ரைனுக்கு வழங்கப்படுகின்றன எனத் தெரிவித்துள்ளார்.