லங்காசிறி FM
பிரித்தானிய பொருளாதாரத்தை மேம்படுத்த குடியேற்ற விதிகளில் தளர்வு: பிரதமர் லிஸ் ட்ரஸ் யோசனை
பிரித்தானிய அதிகரித்து வரும் பொருளாதார மந்தநிலை.
காலி பணியிடங்களை நிரப்ப குடியேற்ற விதிகளில் தளர்வு.
பிரித்தானியாவில் அதிகரித்து வரும் மந்த நிலை எச்சரிக்கைகளுக்கு மத்தியில் நாட்டின் பொருளாதாரத்தை உயர்த்துவதற்காக பிரதமர் லிஸ் டிரஸ் குடியேற்ற விதிகளை தளர்த்துவார் என்று கூறப்படுகிறது.
பிரித்தானியாவில் வாழ்க்கை செலவு நெருக்கடி, பணவீக்கம் ஆகியவற்றுடன் சேர்த்து தொழிலாளர் பற்றாக்குறையும் முக்கிய கவலைகளில் ஒன்றாக உருவாகி வருகிறது.
EPA
இத்தகைய நிலைமை குறித்து பெயர் தெரியாத ஆதாரம் ஒருவர் செய்தி நிறுவனத்திடம் தெரிவித்த தகவலில், கிராமப் பொருளாதாரம் உட்பட அனைத்து பொருளாதார வளர்ச்சியை தூண்டுவதற்கு தேவையான சரியான திறன்களை நாம் வைத்திருக்க வேண்டும் என தெரிவித்தார்.
மேலும் பிரித்தானிய பிரதமர் தெளிவுபடுத்தியது போல், பொருளாதார ரீதியாக செயலற்ற நிலையில் உள்ளவர்கள் மீண்டும் வேலைக்கு வருவதை நாங்கள் பார்க்க விரும்புகிறோம் எனத் தெரிவித்தார்.
PA
கூடுதல் செய்திகளுக்கு: நடுவானில் சுட்டு வீழ்த்தப்பட்ட ரஷ்ய போர் விமானங்கள்: வீடியோ காட்சி!
இந்நிலையில், வெளிவந்துள்ள அறிக்கையின் அடிப்படையில், அதிகாரத்துவத்தைத் தவிர்த்து, நாட்டின் பிற வேலை வாய்ப்புகளில் வெளிநாட்டு ஊழியர்களை நிரப்புவதற்கும், அரசாங்கத்தின் பற்றாக்குறை தொழில்களின் பட்டியலை விரிவுபடுத்துவதற்கும் டிரஸ் தயாராக இருக்கலாம் என தகவல் தெரியவந்துள்ளது.
பிரித்தானியாவில் பல்வேறு துறைகளில் உள்ள வணிகர்களால் குரல் கொடுக்கப்படும் முக்கிய கவலைகளில் ஒன்று தொழிலாளர் பற்றாக்குறை என்பது குறிப்பிடத்தக்கது.
புங்குடுதீவு 11ம் வட்டாரம், புங்குடுதீவு 10ம் வட்டாரம், சுவிஸ், Switzerland, கொழும்பு
12 Mar, 2026
