லங்காசிறி FM
பிரித்தானியாவுக்கு பயணிக்க திட்டமிட்டுள்ளவர்களுக்கு விசா தொடர்பில் ஒரு முக்கிய செய்தி
Balamanuvelan
in ஐக்கிய இராச்சியம்
பிரித்தானியா பெரும்பாலான விசா கட்டணங்களை உயர்த்தியுள்ளது. இந்த கட்டண உயர்வு, நேற்று, அதாவது, ஏப்ரல் மாதம் 8ஆம் திகதி முதல் அமுலுக்கு வந்துள்ளது.
பிரித்தானிய விசா கட்டணங்கள் உயர்வு
ஆறு மாதங்கள் செல்லத்தக்க பிரித்தானிய விசாவுக்கான கட்டணம், 127 பவுண்டுகளிலிருந்து 135 பவுண்டுகளாக உயர்ந்துள்ளது.
இரண்டு ஆண்டுகள் செல்லுபடியாகத்தக்க விசாவுக்கான கட்டணம், 475 பவுண்டுகளிலிருந்து 506 பவுண்டுகளாக உயர்ந்துள்ளது.
10 ஆண்டுகளுக்கான விசா கட்டணம், 1,059 பவுண்டுகளிலிருந்து 1,128 பவுண்டுகளாக உயர்ந்துள்ளது.
பிரித்தானியா வழியாக வேறொரு நாட்டுக்குச் செல்வோர் சில நாட்கள் தங்கும் வகையில் வழங்கப்படும் Transit விசாவுக்கான கட்டணம், 39 பவுண்டுகளிலிருந்து 41.50 பவுண்டுகளாக உயர்ந்துள்ளது.
அதுமட்டுமின்றி, மாணவர்களுக்கான விசா, பணியாளர் விசா ஆகியவற்றிற்கான கட்டணங்களும் உயர்ந்துள்ளன.
இந்த கட்டண உயர்வு, பாதுகாப்பான, திறம்பட்ட மற்றும் உயர் தர புலம்பெயர்தல் அமைப்பை பராமரிக்க அவசியமாகும் என்று பிரித்தானிய அரசு தெரிவித்துள்ளது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
