லங்காசிறி FM
கருங்கடலில் ஆதிக்கத்தை உறுதி செய்த உக்ரைன்... புடினுக்கு இன்னொரு கெட்ட செய்தி
உக்ரைன் போர் தொடர்ந்து உக்கிரமாக நீடித்து வரும் நிலையில், உக்ரைன் தனது பாதுகாப்பை வலுப்படுத்த மேம்பட்ட ஆயுதங்களை நாடியுள்ளது.
ஆதிக்கத்தை முறியடிக்கும்
கடந்த 2022 பிப்ரவடி மாதம் தொடங்கிய உக்ரைன் மீதான தாக்குதலை ரஷ்யா உக்கிரமாகவே நீட்டித்து வருகிறது. ஜனாதிபதி ட்ரம்ப் முன்னெடுத்த சமாதானப் பேச்சுவார்த்தைகள் தோல்வியில் முடிய, ரஷ்ய எண்ணெய் நிறுவனங்கள் இரண்டு மீது பொருளாதாரத் தடைகளை அமெரிக்கா விதித்துள்ளது.
இந்த நிலையில், மிக சமீபத்தில் உக்ரைன் ஜனாதிபதி ஜெலென்ஸ்கி அமெரிக்காவிடம் Tomahawk ஏவுகணைகளை தங்களுக்கு வழங்க வேண்டும் என்ற கோரிக்கை வைத்தார்.
இந்த விவகாரத்தில் சாதகமான முடிவெடுக்கப்படும் என கூறி வந்த ட்ரம்ப், திடீரென்று ஜெலென்ஸ்கியின் கோரிக்கையை நிராகரித்தார். ஆனால் உக்ரைன் தரப்பு தங்களின் வலுவான ட்ரோன் படையை அடுத்தகட்டத்திற்கு மேம்படுத்தியதுடன், கருங்கடலில் ரஷ்யாவின் ஆதிக்கத்தை முறியடிக்கும் வகையில் உயர்ந்துள்ளது.
உக்ரைன் இராணுவத்தால் Sea baby என அழைக்கப்படும் ட்ரோன் படையின் புதிய மேம்படுத்தப்பட்ட ட்ரோன் ஒன்றை உக்ரைன் அறிமுகம் செய்துள்ளது. இதில் பொருத்தப்பட்டுள்ள உயர் ரக MLRS அமைப்பால் ஒரே நேரத்தில் பல இலக்குகளைத் தாக்க முடியும்.
மிகப்பெரிய பலம்
முழுமையாக கட்டுப்பாட்டு அறையில் இருந்து இயக்கக் கூடிய இந்த ட்ரோன், கொந்தளிப்பான கடலிலும் துல்லியமாக செயல்படக் கூடியது. மட்டுமின்றி, புதிய மேம்படுத்தப்பட்ட Sea baby ட்ரோனால் சுமார் 1500 கி.மீ வரையில் செயல்பட முடியும். மட்டுமின்றி, 2000 கிலோ எடையை எடுத்துச் செல்லும் வகையில் வடிவமைக்கப்பட்டுள்ளது.
இந்த ட்ரோனின் மிகப்பெரிய பலம் என்பது அதன் புதுமையான வடிவமைப்பு ஆகும். உக்ரைனில் உள்ள பொறியாளர்கள் இதை பல-பங்கு அமைப்பாக மாற்றியுள்ளனர்.
சூழ்நிலையைப் பொறுத்து, அது ஒரு கணம் கடலோர கண்காணிப்புகள் மீது ராக்கெட்டுகளை மழையாகப் பொழிய முடியும், பின்னர் அதன் இயந்திர துப்பாக்கியால் ரோந்து படகுகள் அல்லது ஹெலிகாப்டர்களை குறிவைக்கவும் முடியும்.
2023 முதல், sea baby கருங்கடலில் ரஷ்யாவின் செயல்பாடுகளில் அழிவை ஏற்படுத்தி வருகிறது. இது கெர்ச் பாலத்தை பலமுறை தாக்கியுள்ளது; இருப்பினும், ஜூன் 2023 இல் நடந்த தாக்குதல் மிகவும் கொடியது என்றே கூறுகின்றனர்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள் |
வேலணை மேற்கு 8ம் வட்டாரம், Jaffna, வேலணை மேற்கு 8ம் வட்டாரம், Northolt, United Kingdom
28 Oct, 2025
புங்குடுதீவு 7ம் வட்டாரம், இராமநாதபுரம், Villetaneuse, France
27 Oct, 2025
புங்குடுதீவு 2ம் வட்டாரம், வட்டகச்சி, பேர்ண், Switzerland, பரிஸ், France
11 Nov, 2024
கரம்பன் மேற்கு, கரம்பன், கொழும்பு, சுவிஸ், Switzerland, கொழும்பு சொய்சாபுரம்
01 Nov, 2023
புங்குடுதீவு 2ம் வட்டாரம், புங்குடுதீவு 12ம் வட்டாரம், Markham, Canada
17 Oct, 2024