லங்காசிறி FM
ரஷ்யர்கள் மீதான விசா கட்டுப்பாடுகள் நல்ல யோசனை அல்ல: ஐ.நா பொதுச்செயலாளர் அறிவிப்பு
ரஷ்யர்களின் விசா தொடர்பான உலக நாடுகளின் கட்டுப்பாடு நல்ல யோசனை அல்ல.
ரஷ்யர்களின் விசா கட்டுப்பாடுகள் குறித்து ஐ.நா பொதுச்செயலாளர் பேச்சு
ரஷ்யா மீது விசா தொடர்பான கட்டுப்பாடுகளை முன்வைப்பது நல்ல யோசனை அல்ல என்று ஐக்கிய நாடுகள் சபையின் (UN) பொதுச்செயலாளர் அன்டோனியோ குட்டெரெஸ் தெரிவித்துள்ளார்.
உக்ரைனில் ரஷ்ய ஆதரவாளர் அதிகம் இருக்கும் பகுதிகளை விடுவிப்பதாக தெரிவித்து கடந்த பிப்ரவரி 24ம் திகதி ரஷ்யா உக்ரைன் மீது போர் தாக்குதலை அறிவித்தது.
இந்த போர் மோதல்கள் ஏழு மாதங்களை அடைந்தும், தாக்குதல் நிறுத்தப்படாமல் சண்டை இன்றும் தொடர்ந்து வருகிறது. ரஷ்யாவின் இத்தகைய அத்துமீறிய செயலுக்கு பல்வேறு நாடுகள் எதிர்ப்பு தெரிவித்து பல அடுக்கு பொருளாதாரத் தடைகளை விதித்து வருகிறது.
மேலும் ரஷ்யாவின் அண்டை நாடுகள் ரஷ்ய ஆக்கிரமிப்பாளர் யாரும் தங்கள் நாட்டிற்கு வருவதை தடுக்கும் விதத்தில் எஸ்தோனியா, லாட்வியா, லிதுவேனியா மற்றும் போலந்து ஆகிய நாடுகள் ரஷ்யர்களுக்கான விசாவில் பல்வேறு கட்டுப்பாடுகளை விதித்தனர்.
இந்நிலையில், ரஷ்யா மீது விசா தொடர்பான கட்டுப்பாடுகளை முன்வைப்பது நல்ல யோசனை அல்ல திங்களன்று RIA நோவோஸ்டிக்கு அளித்த பேட்டியில் ஐக்கிய நாடுகள் சபையின் (UN) பொதுச்செயலாளர் அன்டோனியோ குட்டெரெஸ் தெரிவித்துள்ளார்.
அத்துடன் அனைத்து ரஷ்ய மக்களும் போரை விரும்பவில்லை என்றும், பல மக்கள் போரின் வெளிச்சத்தில் நாட்டை விட்டு வெளியேற விருப்பம் தெரிவித்ததாகவும் எனவே அவர்கள் வருவதை தடுப்பது நல்ல யோசனையல்ல என குட்டெரெஸ் குறிப்பிட்டார்.
போர் முடிவடைந்த பின்னர் தற்போதைய கட்டுப்பாடுகள் நீக்கப்படும் என நம்புவதாக ஐ.நா பொதுச்செயலாளர் தெரிவித்தார்.
கூடுதல் செய்திகளுக்கு: ராணியின் இறுதிச் சடங்கு விழா: வெஸ்ட்மின்ஸ்டர் ஹாலுக்கு பயணத்தை தொடங்கினார் மன்னர் மூன்றாம் சார்லஸ்
ஐக்கிய நாடுகள் சபையின் (UN) பொதுச்செயலாளர் அன்டோனியோ குட்டெரெஸின் தற்போதைய கருத்துக்கு முன்னதாக மாஸ்கோவுடனான விசா ஒப்பந்தத்தை நிறுத்த ஐரோப்பிய ஒன்றியம் ஒப்புதல் வழங்கி இருந்தது, இந்த முடிவே ரஷ்யர்கள் விசா பெறுவதை கடினமாக்கியது குறிப்பிடத்தக்கது.
யாழ் நெடுந்தீவு 12ம் வட்டாரம், Jaffna, நயினாதீவு, London, United Kingdom
02 Aug, 2026
புங்குடுதீவு 11ம் வட்டாரம், யாழ்ப்பாணம், கொழும்பு, Muscat, Oman
03 Aug, 2026
புங்குடுதீவு 3ம் வட்டாரம், சிவபுரம், வவுனிக்குளம், Woodbridge, Canada
05 Aug, 2022
