லங்காசிறி FM
மத்திய கிழக்கிற்கு 3-வது போர் கப்பல் தாக்குதல் குழுவை அனுப்பிய அமெரிக்கா - ஈரானுக்கு எச்சரிக்கை
US escalates Mideast tensions, Trump eyes Iran strikes: மத்திய கிழக்கிற்கு மூன்றாவது விமானம் தாங்கி போர் கப்பல் தாக்குதல் குழுவை அமெரிக்கா அனுப்பியுள்ளது.
மூன்றாவது விமானம் தாங்கி போர் கப்பல் படை
மத்திய கிழக்கில் அமெரிக்கா-ஈரான் மோதல் எட்டாவது மாதமாக நீடித்து வருகிறது. இந்த நிலையில், அமெரிக்கா தனது மூன்றாவது விமானம் தாங்கி போர் கப்பல் படையை (Aircraft Carrier Strike Group) அப்பகுதிக்கு அனுப்பியுள்ளது.
மேலும், 2,000 கடற்படை வீரர்களுடன் கூடிய Amphibious Force-ஐயும் அனுப்பியுள்ளதாக அதிகாரிகள் உறுதிப்படுத்தியுள்ளனர்.
அமெரிக்க ஜனாதிபதி டொனால்டு டிரம்ப், வரும் நவம்பர் இடைத்தேர்தலுக்குப் பிறகு ஈரானுக்கு மீண்டும் விமானத் தாக்குதல் நடத்தத் திட்டமிட்டுள்ளார் என்று செய்தி வெளியிடப்பட்டுள்ளது.
USS Theodore Roosevelt மற்றும் Makin Island படைகள் ஏற்கனவே சான் டியாகோவில் இருந்து புறப்பட்டுள்ளன.
இந்நிலையில், சவுதி தலைமையிலான கூட்டணி, ஈரான் ஆதரவு ஹவுதிகள் மெடினாவில் உள்ள மின்நிலையத்தை ட்ரோன் மூலம் தாக்கியதாக குற்றம் சாட்டியுள்ளது. ஆனால் ஹவுதிகள், இது பொய் குற்றச்சாட்டு என்று மறுத்துள்ளனர்.
அமெரிக்க நிதியமைச்சகம், ஈரானின் ஆட்டோ மற்றும் ரயில் துறைகளுக்கு புதிய தடைகள் விதித்துள்ளது. UAE, ஹொங்ஹொங், துருக்கி, இந்தோனேஷியா ஆகிய நாடுகளில் உள்ள சப்ளையர்களும் இதில் அடங்குகின்றனர்.
மேலும், ஹார்முஸ் நீரிணையில் ஒரு எண்ணெய் கப்பல் தாக்குதலால் தீப்பற்றியது என தகவல் வெளியாகியுள்ளது. அதிர்ஷ்டவசமாக, கப்பல் குழுவினர் பாதுகாப்பாக மீட்கப்பட்டனர்.
அமெரிக்கா-ஈரான் இடையிலான மறைமுக பேச்சுவார்த்தைகள் தோல்வியடைந்ததால், தூதரக உறவுகள் மேலும் மோசமடைந்துள்ளன. அமெரிக்க வெளியுறவு செயலாளர் மார்கோ ரூபியோ, ஈரான் வெளிநாட்டு அமைச்சரின் குழுவை நியூயார்க் நகரிலிருந்து வெளியேறுமாறு உத்தரவிட்டுள்ளார்.
இந்த நடவடிக்கைகள் அனைத்தும், மத்திய கிழக்கில் போர் தீவிரமடையும் அபாயத்தை அதிகரித்துள்ளன. உலகளாவிய எண்ணெய் விலைகள் ஏற்கனவே உயர்ந்த நிலையில், இந்த மோதல் தொடர்ந்தால் பொருளாதாரத்துக்கும் பெரும் தாக்கம் ஏற்படும் என நிபுணர்கள் எச்சரிக்கின்றனர்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
புலோலி கிழக்கு, Villeneuve-Saint-Georges, France
30 Sep, 2026
புங்குடுதீவு 9ம் வட்டாரம், புங்குடுதீவு 12ம் வட்டாரம், கொழும்பு
29 Sep, 2026
நெடுந்தீவு மேற்கு, Jaffna, பாண்டியன்குளம், பிரான்ஸ், France, நோர்வே, Norway, ஜேர்மனி, Germany
29 Sep, 2026
நெடுந்தீவு கிழக்கு, கொழும்பு, பாண்டியன்குளம், Brampton, Canada
26 Sep, 2026
மானிப்பாய், Florida, United States, Southgate, United Kingdom
24 Sep, 2026