இன்னொரு போர் கப்பலை மத்திய கிழக்கில் களமிறக்க அமெரிக்கா திட்டம்

ஈரானுடன் அதிகரித்து வரும் பதற்றத்தின் காரணமாக, அமெரிக்கா தனது இரண்டாவது விமானக் கப்பலை மத்திய கிழக்கிற்கு அனுப்ப தயாராகவுள்ளது.

அமெரிக்க ஜனாதிபதி டொனால்டு ட்ரம்ப், சமூக ஊடகத்தில், “பென்டகன் மத்திய கிழக்கிற்கு இரண்டாவது விமானக் கப்பலை அனுப்ப தயாராக உள்ளது” என்ற செய்தியை உறுதிப்படுத்தினார்.

சீன எல்லைக்கு அருகில் புதிய விமானப்படை ரன்வேவை அமைத்த இந்தியா

இதன் மூலம், மத்திய கிழக்கில் அமெரிக்கா தனது இராணுவ வலிமையை அதிகரிக்க திட்டமிட்டுள்ளது.

தற்போது USS Abraham Lincoln விமானக் கப்பல் மற்றும் மூன்று guided-missile destroyers கப்பல்கள் மத்திய கிழக்கில் பணியில் உள்ளன.

இப்போது, USS Gerald R. Ford எனப்படும் உலகின் மிகப்பெரிய விமானக் கப்பல் கரீபியன் கடலில் இருந்து மத்திய கிழக்கிற்கு அனுப்பப்பட உள்ளது.

இதனால், இரண்டு விமானக் கப்பல்கள் மற்றும் அவற்றுடன் வரும் போர் கப்பல்கள் பிராந்தியத்தில் ஒரே நேரத்தில் செயல்பட உள்ளன.

இந்த நடவடிக்கை, அமெரிக்கா-ஈரான் இடையிலான அணு பேச்சுவார்த்தைகள் நடைபெற்று கொண்டிருக்கும் சூழ்நிலையில் எடுக்கப்பட்டுள்ளது.

“ஈரானுடன் ஒப்பந்தம் எட்டப்பட வேண்டும். அது சாத்தியமில்லையெனில், பிற நடவடிக்கைகள் எடுக்கப்படும்” என்று ட்ரம்ப் தெரிவித்துள்ளார்.

இஸ்ரேல் பிரதமர் பெஞ்சமின் நேதன்யாகுவுடன் ட்ரம்ப் சந்தித்த பின்னர், ஈரானுக்கு எதிரான கடுமையான நிலைப்பாடு மீண்டும் வலியுறுத்தப்பட்டது. அதேசமயம், அமெரிக்கா மற்றும் ஈரான் ஓமனில் மறைமுக பேச்சுவார்த்தைகளை தொடங்கியுள்ளன.

BREAKING: AMERICA'S Largest Carrier USS Gerald R. Ford Redirected from Caribbean to Persian Gulf, Joining Lincoln in Major Buildup Against IRAN!!

US is sending its largest aircraft carrier USS Gerald R Ford capable of carrying 90 fighter jets to the Middle East, where it will… pic.twitter.com/GU2A9IEJeS

— Global Surveillance (@Globalsurv) February 13, 2026

ஈரான், தனது ஏவுகணை திட்டம் “பாதுகாப்பு தொடர்பானது, எப்போதும் பேச்சுவார்த்தைக்கு உட்படாது” என்று தெளிவாக தெரிவித்துள்ளது. ஆனால், அமெரிக்கா, “ஈரானுக்கு அணு ஆயுதங்களும், ஏவுகணைகளும் இருக்கக்கூடாது” என்ற நிலைப்பாட்டில் உள்ளது.

இந்த நடவடிக்கை, மத்திய கிழக்கில் ஏற்கனவே நிலவும் பதற்றமான சூழ்நிலையை மேலும் தீவிரப்படுத்தும் என்று நிபுணர்கள் எச்சரிக்கின்றனர்.

பிரித்தானிய போர் விமானிகளுக்கு பயிற்சி அளிக்கவுள்ள இந்திய விமானப்படை

US aircraft carrier Middle East deployment, Trump announces carrier move Iran tensions, USS Gerald R. Ford Middle East