லங்காசிறி FM
ஆண்டுக்கு 84 மில்லியன் டன் LPG உற்பத்தி செய்யும் வல்லரசு
உலகளவில் அதிகம் பயன்படுத்தப்படும் எரிபொருள் LPG (Liquefied Petroleum Gas).
LPG என்பது ப்ரோப்பேன் மற்றும் பியூட்டேன் என்ற ஹைட்ரோகார்பன் வாயுக்களின் கலவையாகும். இயற்கை எரிவாயு செயலாக்கம் மற்றும் கச்சா எண்ணெய் சுத்திகரிப்பு மூலம் LPG தயாரிக்கப்படுகிறது.
அமெரிக்கா
இன்றைய நிலவரப்படி, அமெரிக்கா உலகின் மிகப்பெரிய LPG உற்பத்தியாளராக உள்ளது. ஆண்டுக்கு சுமார் 84 மில்லியன் டன் LPG உற்பத்தி செய்து, உலகளவில் 26 சதவீத பங்கைக் கொண்டுள்ளது.
Shale Gas Revolution காரணமாக அமெரிக்காவில் இயற்கை எரிவாயு உற்பத்தி அதிகரித்தது.
உலகின் மிக நவீன சுத்திகரிப்பு நிலையங்கள் அமெரிக்காவில் உள்ளதால், LPG பெருமளவில் தயாரிக்கப்படுகிறது.
ஆசியா, ஐரோப்பா, லத்தீன் அமெரிக்கா போன்ற பகுதிகளுக்கு அமெரிக்கா LPG-ஐ ஏற்றுமதி செய்கிறது.
சீனா: அமெரிக்காவிற்கு அடுத்தபடியாக, சீனா இரண்டாவது பெரிய எல்பிஜி உற்பத்தியாளராக உள்ளது (ஆண்டுக்கு 32 மில்லியன் டன்).
சவூதி அரேபியா: மூன்றாவது இடத்தில் சவுதி அரேபியா ஆண்டுக்கு சுமார் 26 மில்லியன் டன் உற்பத்தி செய்கிறது.
ரஷ்யா: பெரிய இயற்கை எரிவாயு தொழிற்சாலை காரணமாக ரஷ்யா நான்காவது இடத்தில் உள்ளது.
கனடா, ஈரான், கத்தார், ஐக்கிய அரபு அமீரகம் மற்றும் அவுஸ்திரேலியா ஆகியவையும் உலகின் முக்கிய எல்பிஜி உற்பத்தியாளர்களாக உள்ளன.
போரால் இந்தியாவிற்கு ஏற்பட்டுள்ள பாதிப்பு
இந்தியா உலகின் மிகப்பெரிய LPG நுகர்வோரில் ஒன்றாக இருந்தாலும், உற்பத்தி குறைவாக இருப்பதால் பெரும்பாலும் இறக்குமதியையே சார்ந்து வருகிறது.
சமீபத்திய மத்திய கிழக்கு மோதல்கள் காரணமாக ஹோர்முஸ் கடல்சாலையில் கப்பல் போக்குவரத்து பாதிக்கப்பட்டதால், இந்தியாவில் LPG சிலிண்டர் விலை உயர்ந்துள்ளது.
இதனால் இந்திய குடும்பங்கள் சமையல் செலவில் கூடுதல் சுமையை அனுபவிக்கின்றன. இந்நிலையில், இந்திய அரசு, மக்கள் LPG-ஐ அதிகமாக சேமிக்காமல், PNG (Pipe Natural Gas) போன்ற மாற்று வழிகளைப் பயன்படுத்துமாறு அறிவுறுத்தியுள்ளது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
Largest LPG producer country, US LPG production 2026, LPG price hike India, LPG global supply chain, #LPG #USProduction #CookingGas #OilAndGas
