சந்திரசேகர் ஜோசப் விஜய் எனும் நான்..! நாளை முதல்வராக பதவியேற்கிறார் விஜய்

Vijay Chief Minister of Tamil Nadu Thamizhaga Vetri Kazhagam TVK

By Ragavan May 09, 2026 02:33 PM GMT

Ragavan

in இந்தியா

Report

தமிழக வெற்றி கழகத் தலைவர் சந்திரசேகர் ஜோசப் விஜய், நாளை (மே 10, 2026) காலை 10 மணிக்கு சென்னை நேரு உள் விளையாட்டரங்கில் முதல்வராக பதவியேற்கிறார்.

தவெக (TVK) கட்சி 108 இடங்களை வென்ற நிலையில், காங்கிரஸ், விசிக, கம்யூனிஸ்ட் மற்றும் இந்திய யூனியன் முஸ்லிம் லீக் ஆகிய கட்சிகளின் ஆதரவுடன் மொத்தம் 120 எம்.எல்.ஏக்கள் விஜய்க்கு ஆதரவு தெரிவித்துள்ளனர்.

இதனால், பெரும்பான்மையுடன் ஆட்சி அமைக்கும் வாய்ப்பு விஜய்க்கு கிடைத்துள்ளது.

ஆளுநர் ராஜேந்திர விஸ்வநாத் அர்லேக்கரை விஜய் இன்று சந்தித்து, பதவியேற்பு விழாவை நாளை நடத்துமாறு கேட்டுள்ளார்.

சந்திரசேகர் ஜோசப் விஜய் எனும் நான்..! நாளை முதல்வராக பதவியேற்கிறார் விஜய் | Vijay To Take Oath As Tn Cm Tomorrow

முதலில் ஆளுநர் கேரளா பயணத்திற்குச் செல்ல திட்டமிட்டிருந்ததால் சந்திப்பு தாமதமானது. பின்னர் விஜய் தனது கூட்டணி கட்சிகளின் எம்.எல்.ஏக்களுடன் ஆளுநரைச் சந்தித்து ஆதரவு கடிதங்களை வழங்கினார்.

நாளை அன்னையர் தினம் என்பதால், விஜயின் பதவியேற்பு அவரது தாயார் ஷோபாவுக்கு சிறந்த அன்னையர் தின பரிசாக இருக்கும் என அவரது ஆதரவாளர்கள் கூறுகின்றனர். தமிழக அரசியலில் இது மிகப்பெரிய திருப்பமாகக் கருதப்படுகிறது.