லங்காசிறி FM
இதெல்லாம் கிரிக்கெட்டிற்கு நல்லதல்ல! ஹர்பஜன் சிங் ஆவேசம்
Nandhini
in கிரிக்கெட்
நேற்று ஐபிஎல் தொடரில் விராட் கோலிக்கும் கவுதம் கம்பீருக்கும் இடையே பயங்கர வாக்குவாதம் நடந்தது. இதெல்லாம் கிரிக்கெட்டிற்கு நல்லதல்ல என்று முன்னாள் இந்திய கிரிக்கெட் வீரர் ஹர்பஜன் சிங் கண்டனம் தெரிவித்துள்ளார்.
விராட் கோலிக்கும் - கம்பீருக்கு வாக்குவாதம்
நேற்று நடைபெற்ற ஐபிஎல் தொடரின் 43வது லீக் ஆட்டத்தில் லக்னோ சூப்பர் ஜெயண்ட்ஸ் அணியும், ராயல் சேலஞ்சர்ஸ் பெங்களூரு அணியும் மோதிக் கொண்டன. இப்போட்டியின் முடிவில் லக்னோ அணியை 18 ரன் வித்தியாசத்தில் பெங்களூரு அணி வீழ்த்தி வெற்றி பெற்றது.
இப்போட்டி முடிந்த பிறகு, இரு அணி வீரர்கள் மைதானத்தை விட்டு வெளியேறும்போது, விராட் கோலிக்கும், கவுதம் கம்பீருக்கும் இடையே பயங்கர வாக்குவாதம் ஏற்பட்டது. இதனால், மைதானத்தில் சற்று நேரம் பரபரப்பு ஏற்பட்டது. இந்தச் சண்டை தற்போது உலக அளவில் பேசும் பொருளாக வெடித்துள்ளது.
சமூகவலைத்தளங்களில் எங்கு பார்த்தாலும், விராட் கோலியைப் பற்றியும், கவுதம் கம்பீரைப் பற்றியுமே பேச்சு நடந்து கொண்டிருக்கிறது.
ஹர்பஜன் சிங் ஆவேசம்
விராட் கோலியும், கவுதம் கம்பீரும் நடந்து கொண்ட விதம் கிரிக்கெட்டுக்கு நல்லதல்ல என்று இந்திய முன்னாள் கிரிக்கெட் வீரர் ஹர்பஜன் சிங் தெரிவித்துள்ளார். இது குறித்து அவர் தனது டுவிட்டர் பக்கத்தில் ஒரு பதிவு ஒன்றை வெளியிட்டுள்ளார்.
அந்த பதிவில், இது கிரிக்கெட்டுக்கு நல்லதல்ல. 2008ல் ஸ்ரீசாந்துடன் நான் செய்ததை நினைத்து வெட்கப்படுகிறேன். விராட் கோலி ஒரு ஜாம்பவான், இது போன்ற விஷயங்களில் ஈடுபடக்கூடாது. விராட் மற்றும் கம்பீர் இடையே என்ன நடந்ததோ அது கிரிக்கெட்டுக்கு சரியில்லை என்று பதிவிட்டுள்ளார்.
I Am Ashamed Of What I Did With Sreesanth In 2008. Virat Kohli Is A Legend, Should Not Get Involved In Such Things. Whatever Happened Between Virat And Gambhir Was Not Right For Cricket - https://t.co/7rgtdUKl4T pic.twitter.com/V1lW92pz8S
— Harbhajan Turbanator (@harbhajan_singh) May 2, 2023
உரும்பிராய் கிழக்கு, யாழ் கோண்டாவில் கிழக்கு, Jaffna, Scarborough, Canada, Boston, United States
14 Jan, 2025
