லங்காசிறி FM
இந்தியாவிற்கான விசா விதிகளை பிரித்தானியா தளர்த்தாது: பிரதமர் ஸ்டார்மர்
Arbin
in ஐக்கிய இராச்சியம்
இந்தியாவிற்கான விசா விதிகளை பிரித்தானியா தளர்த்தாது என்று பிரதமர் கெய்ர் ஸ்டார்மர் கூறியுள்ளார்.
மிகப் பெரிய வாய்ப்பு
இரு நாடுகளுக்கும் இடையேயான சமீபத்திய வர்த்தக ஒப்பந்தத்தின் நன்மைகளைப் பற்றிப் பேசுவதற்காக அவர் இந்தியா திரும்புவதற்கு முன்பு இதை தெரிவித்துள்ளார்.
பிரித்தானியாவிற்கான முதலீட்டை அதிகரிக்கவும் மந்தமான பொருளாதார வளர்ச்சியை மேம்படுத்தவும் முயற்சிகள் முன்னெடுத்து வரும் பிரதமர் ஸ்டார்மர், 100க்கும் மேற்பட்ட தொழில்முனைவோர், கலாச்சாரத் தலைவர்கள் மற்றும் பல்கலைக்கழக துணைவேந்தர்கள் அடங்கிய குழு ஒன்றுடன் இந்தியா சென்றுள்ளார்.
இந்தியாவுடன் வர்த்தகம் மற்றும் கலாச்சார உறவுகளை மேம்படுத்துவதற்கு மிகப் பெரிய வாய்ப்புகள் இருப்பதாக ஸ்டார்மர் தெரிவித்துள்ளார். ஆனால் இந்திய தொழிலாளர்கள் அல்லது மாணவர்களுக்கு கூடுதல் விசா வழங்கும் திட்டம் எதுவும் இல்லை என்றும் அவர் குறிப்பிட்டுள்ளார்.
பிரச்சனை விசா வழங்குவதில் இல்லை என குறிப்பிட்டுள்ள ஸ்டார்மர், இது வர்த்தகம் மற்றும் வர்த்தக ஈடுபாடு, முதலீடு, வேலை மற்றும் பிரித்தானியாவிற்குள் கொண்டு வரப்படும் வளம் பற்றியது என்றார்.
மூன்று ஆண்டு விலக்கு
பல வருட பேச்சுவார்த்தைகளுக்குப் பின்னர் ஜூலை மாதம் இந்தியாவுடனான பிரித்தானியாவின் வர்த்தக ஒப்பந்தம் கையெழுத்தானது. இதனால், பல பில்லியன் பவுண்டுகள் வர்த்தகத்தின் ஒரு பகுதியாக, பிரித்தானியாவில் தயாரிக்கப்படும் கார்கள் மற்றும் விஸ்கியை இந்தியாவிற்கு ஏற்றுமதி செய்வது மலிவாக இருக்கும்,
மேலும் இந்திய ஜவுளி மற்றும் நகைகளை பிரித்தானியாவிற்கு ஏற்றுமதி செய்வதும் மலிவாக இருக்கும். இந்த ஒப்பந்தத்தில் குறுகிய கால விசாக்களில் பிரித்தானியாவில் பணிபுரியும் இந்திய ஊழியர்கள் செலுத்தும் சமூகப் பாதுகாப்பு கட்டணங்களில் மூன்று ஆண்டு விலக்கு அளிக்கப்பட்டுள்ளது. ஆனால் குடியேற்றக் கொள்கையில் எந்த விரிவான மாற்றங்கள் எதுவும் இல்லை என்று அமைச்சர்கள் வலியுறுத்தியுள்ளனர்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள் |
இணுவில், Markham, Canada
12 Oct, 2022
Ipoh, Malaysia, கொக்குவில், கோயம்புத்தூர், India, New Jersey, United States
09 Sep, 2025
அல்வாய் தெற்கு, Montreuil, France, London, United Kingdom
25 Sep, 2025
ஆவரங்கால், கொழும்பு, London, United Kingdom
05 Oct, 2025
கோண்டாவில், சுண்டிக்குளி, Vancouver, Canada, Brampton, Canada
05 Oct, 2025
யாழ் அல்லைப்பிட்டி கிழக்கு, Jaffna, கொழும்பு, Markham, Canada
04 Oct, 2023
