லங்காசிறி FM
12th Fail படத்தைப் பார்த்து அழுதேன்., உலகக் கோப்பையை கையில் ஏந்தும் கனவில் ரிங்கு சிங்
கிரிக்கெட் கோப்பையை இந்திய அணிக்கு வழங்குவதே தனது இலக்கு என KKR வீரர் ரிங்கு சிங் தெரிவித்துள்ளார்.
கோப்பையை தன் கைகளால் உயர்த்துவேன் என்று நம்புகிறேன் என்று கூறியுள்ளார்.
ரிங்கு சிங்கின் உணர்ச்சிபூர்வமான பேட்டியின் காணொளி IPL இணையதளத்தில் பதிவேற்றம் செய்யப்பட்டுள்ளது.
டி20 உலகக் கோப்பை ரிசர்வ் வீரர்கள் பட்டியலில் இடம்பிடித்துள்ள ரிங்கு சிங், இந்திய அணியுடன் அமெரிக்கா செல்லவுள்ளார்.
ஆனால் இந்த முறை நடந்த ஐபிஎல் போட்டியில் ரிங்கு ஏமாற்றம் அடைந்தார். கடந்த சீசனில் 59 சராசரியில் 474 ஓட்டங்கள் எடுத்தார். இந்த முறை அவர் இதுவரை 11 இன்னிங்ஸ்களில் 168 ஓட்டங்கள் மட்டுமே எடுத்துள்ளார். லோயர் ஆர்டரில் விளையாடிய ரின்குவால் இம்முறை பேட்டிங் திறனை வெளிப்படுத்த முடியவில்லை.
இந்தமுறை செயல்திறன் குறைந்தாலும் தன்னம்பிக்கை குறையவில்லை என ரிங்கு தனது பேட்டியில் கூறியுள்ளார்.
சமீபத்தில் அயர்லாந்துக்கு எதிரான டி20 போட்டியில் இந்திய அணிக்காக ரிங்கு அறிமுகமானார். 15 போட்டிகளில் 356 ஓட்டங்கள் குவித்துள்ளார்.
கிரிக்கெட் விளையாடியதில் இருந்து ஜூனியர் லெவலில் சில கோப்பைகளை வென்றுள்ளதாகவும், ஆனால் சீனியர் லெவலில் கோப்பைகளை வெல்லவில்லை என்றும் அவர் கூறினார்.
உலகக் கோப்பை போட்டிக்கு செல்வதாகவும், அதில் வெற்றி பெற்று, உலகக் கோப்பையை பெறுவேன் என்ற நம்பிக்கை இருப்பதாகவும் தெரிவித்தார்.
நாட்டிற்காக ஒரு பாரிய கோப்பையை வென்று அதை தனது கைகளில் ஏந்துவதே தனது குறிக்கோள் என்று ரிங்கு கூறினார்.
தான் மிகவும் உணர்ச்சிவசப்படும் நபர் என கூறிய ரிங்கு, சில படங்களைப் பார்த்தால் உணர்ச்சியில் கண்ணீர் வடித்ததாக கூறினார்.
சமீபத்தில் 12th Fail படத்தை பார்த்ததாகவும், அந்த படம் தன்னை கவர்ந்துள்ளதாகவும் கூறினார். மேலும் அந்தப்படத்தைப் பார்த்து பல காட்சிகளில் அழுததாகவும், ஏனென்றால் அவரும் கீழ் மட்டத்திலிருந்து வந்தவர் என்று கூறினார்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
Rinku Singh, 2024 T20 World Cup, 12th Fail Movie
வேலணை 1ம் வட்டாரம், மண்கும்பான் மேற்கு, Liestal, Switzerland
10 Aug, 2025
புங்குடுதீவு 1ம் வட்டாரம், புங்குடுதீவு, India, Lausanne, Switzerland
09 Aug, 2025
