லங்காசிறி FM
அமெரிக்காவால் சிறைப்பிடிக்கப்பட்ட எண்ணெய் கப்பல் கேப்டனின் மனைவி எடுத்த முடிவு
அமெரிக்காவால் சிறைப்பிடிக்கப்பட்ட எண்ணெய் கப்பலின் மாலுமியை கைது செய்தது சட்டவிரோதமானது என குறிப்பிட்டு அவரது மனைவி தொடுத்த வழக்கில் சட்டத்தரணிகள் நீதித்துறை மறுஆய்வுக்கு அழைப்பு விடுத்துள்ளனர்.
நீதித்துறை மறுஆய்வு
முன்னர் பெல்லா 1 என்று அழைக்கப்பட்ட, ரஷ்யக் கொடியிடப்பட்ட மாரினேரா என்ற கப்பல், சமீப நாட்களாக மோரே ஃபிர்த் பகுதியில் நங்கூரமிடப்பட்டுள்ளது.
மோரே ஃபிர்த் என்பது கிழக்கு ஹைலேண்ட் கடற்பகுதிக்கும் மோரே மற்றும் அபர்டீன்ஷயர் கடற்பகுதிகளுக்கும் இடையில் அமைந்துள்ள ஒரு பாதுகாப்பான கடல் பகுதியாகும்.
இந்தக் கப்பலானது ஐஸ்லாந்துக்கும் ஸ்காட்லாந்திற்கும் இடையேயான கடல் பகுதியில் பயணித்துக்கொண்டிருந்தபோது, இந்த மாத தொடக்கத்தில் அமெரிக்கப் படைகளால் கைப்பற்றப்பட்டது.
தடைசெய்யப்பட்ட இந்த எண்ணெய் கப்பல், வெனிசுலாவைச் சுற்றி கடற்படை முற்றுகையைத் தொடர்ந்து, அமெரிக்கப் படைகளால் அட்லாண்டிக் பெருங்கடல் முழுவதும் துரத்தப்பட்டதாகத் தகவல்கள் தெரிவிக்கின்றன.
இந்த நிலையில், குறித்த கப்பலின் முதன்மை மாலுமி Avtandil Kalandadze என்பவரின் மனைவி Natia Dzadzama-ன் சட்டத்தரணிகள், மாலுமியின் நிலைமை குறித்து நீதித்துறை மறுஆய்வு கோரி, திங்கட்கிழமை எடின்பரோவில் உள்ள அமர்வு நீதிமன்றத்தில் ஒரு மனு தாக்கல் செய்துள்ளனர்.
சட்ட உரிமை
கேப்டன் அவ்தாண்டில் கலந்தாட்ஸேவின் தடுப்புக் காவலில் வைக்கப்பட்டதன் சட்டப்பூர்வத்தன்மையை நீதித்துறை மறுஆய்வு செய்யக் கோரி இன்று நாங்கள் ஒரு மனுவைத் தாக்கல் செய்தோம் என சட்டத்தரணி ஆமர் அன்வர் தெரிவித்துள்ளார்.
ஜார்ஜிய குடிமகனான அவ்தாண்டில் கலந்தாட்ஸே ஜனவரி 7 ஆம் திகதி முதல் ஸ்கொட்லாந்தில் அமெரிக்க கடற்படையினரால் சட்டவிரோதமாக தடுத்து வைக்கப்பட்டுள்ளார்.
கப்பலில் தனது கணவரின் பாதுகாப்பு மற்றும் நலன் குறித்து அந்த மாலுமியின் மனைவி நியாயமான முறையில் கவலைப்படுகிறார், மேலும் இன்று நாங்கள் அவரது கணவரின் சட்ட உரிமைகளைப் பாதுகாப்பதற்காக ஸ்காட்டிஷ் நீதிமன்றத்தின் முறையீட்டை நாடுடியுள்ளோம் என்றார்.
மேலும், கப்பலையும் அதில் உள்ளவர்களையும் ஸ்காட்டிஷ் நீதிமன்றத்தின் அதிகார வரம்பிலிருந்து வெளியேற்றுவதைத் தடுப்பதற்காக சட்டத்தரணிகள் ஒரு அவசர உத்தரவைக் கோரி வருகின்றனர்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள் |
திருநெல்வேலி, யாழ்ப்பாணம், Washington, United States
19 Jan, 2026
கொய்யாத்தோட்டம், யாழ்ப்பாணம், ஜேர்மனி, Germany, பிரான்ஸ், France, London, United Kingdom
26 Jan, 2017
புங்குடுதீவு 9ம் வட்டாரம், முரசுமோட்டை, சுவிஸ், Switzerland
21 Jan, 2021