உலகில் அதிகம் வெறுக்கப்படும் நாடு இதுதான் - இந்தியாவின் இடம் என்ன?

உலகளவில் அதிகம் வெறுக்கப்படும் நாடுகளின் பட்டியலை உலக மக்கள்தொகை மதிப்பாய்வு ஆராய்ச்சியின் அடிப்படையில் நியூஸ் வீக் வெளியிட்டுள்ளது.

சீனா

சீனாவின் சர்வாதிகார ஆட்சி, தணிக்கை, சுற்றுச்சூழல் பாதிப்பு மற்றும் உய்குர் முஸ்லிம்களை நடத்தும் விதம், ஹாங்காங் மற்றும் தைவானின் விடுதலை தொடர்பாக கடுமையான கொள்கை ஆகியவை காரணமாக சீனா முதலிடம் பெற்றுள்ளது. 

இந்தியாவிற்கு மறைமுக மிரட்டல்... பாகிஸ்தானை நவீன ஆயுதங்களால் வலுப்படுத்தும் சீனா

அமெரிக்கா

அமெரிக்காவின் வல்லரசு மனநிலை, ஆயுதங்கள் மீதான வெறி, பிற நாடுகளின் விடயங்களில் தலையீடு காரணமாக உலகளவில் வெறுப்பை சம்பாதித்து, அமெரிக்கா இந்த பட்டியலில் 2வது இடம் பிடித்துள்ளது.

ரஷ்யா

உக்ரைன் மீதான தொடர்ச்சியான போர், ஜனநாயகம் மீதான கட்டுப்பாடு போன்ற காரணங்களுக்காக ரஷ்யா இந்த பட்டியலில் 3வது இடம் பிடித்துள்ளது.

ரஷ்யா தொடர்பால் இந்தியாவை மிரட்டிய ஐரோப்பிய நாடுகளின் இரட்டை நிலை அம்பலம்

வட கொரியா

இறுக்கமான சர்வாதிகாரம், கடுமையான தண்டனைகள் காரணமாக உலகளவில் வட கொரியா மீது எழுந்த பயம் காரணமாக வட கொரியா 4வது இடத்தில் உள்ளது. 

காதலர் என டைப் செய்தால்.. ஸ்மார்ட்போனில் கட்டுப்பாடு விதிக்கும் வடகொரியா

இஸ்ரேல்

பாலஸ்தீனத்துடனான நீண்டகால மோதல் மற்றும் சர்ச்சைக்குரிய இராணுவ நடவடிக்கைகள் காரணமாக சர்வதேச நாடுகளிடமிருந்து வந்த எதிர்ப்பு காரணமாக இஸ்ரேல் 5வது இடத்தை பிடித்துள்ளது.

பாகிஸ்தான்

மத தீவிரவாதம், பதட்டமான சர்வதேச உறவுகள், குறிப்பாக இந்தியா மற்றும் ஆப்கானிஸ்தானுடனான உறவுகள் காரணமாக இந்த பட்டியலில் பாகிஸ்தான் 6வது இடம் பிடித்துள்ளது.

ஈரான்

மேற்கத்திய நாடுகளுடனான உறவுகளில் விரிசல், பொதுமக்களின் உரிமைகள் மீதான ஒடுக்குமுறைகள், மத்திய கிழக்கு முழுவதும் அதன் ஆதரவு பெற்ற அமைப்புகளின் மூலம் போர்களில் அதன் ஈடுபாடு காரணமாக ஈரான் 7வது இடத்தை பிடித்துள்ளது.

ஈராக்

பல வருடங்களாக மறுகட்டமைக்கப்பட்ட போதிலும், இன்னும் வன்முறை, உறுதியற்ற தன்மை, உள் நாட்டு மோதல்கள் காரணமாக ஈராக் 8வது இடத்தை பிடித்துள்ளது.

சிரியா

நீண்ட கால உள்நாட்டுப் போர், அரசாங்க அடக்குமுறைகள் மற்றும் மனிதாபிமான நெருக்கடி காரணமாக சிரியா உலகளவில் 9 வது இடத்தை பிடித்துள்ளது.

இந்தியா

அதிகரித்து வரும் மதப் பதட்டங்கள், சிறுபான்மையினரை நடத்தும் விதம், இணைய தணிக்கை காரணமாக இந்தியா 10வது இடத்தில் உள்ளது.