லங்காசிறி FM
தங்கத்தை உலகில் அதிகமாக வெட்டி எடுத்தது யார் தெரியுமா? நியூமான்ட் ரகசியங்கள்!
உலகின் மிகப்பெரிய தங்க நிறுவனமான நியூமான்ட்(Newmont), 1916 ஆம் ஆண்டு முதல் செழிப்பான வரலாற்றைக் கொண்டுள்ளது.
கர்னல் வில்லியம் பாய்ஸ் தாம்சன்(Colonel William Boyce Thompson) என்பவரால் கொலராடோவைத்(Colorado) தலைமையிடமாகக் கொண்டு தொடங்கப்பட்ட நிறுவனம், ஆரம்பத்தில் பல்வேறு கனிமங்கள் மற்றும் எண்ணெய் துறைகளில் கவனம் செலுத்தி வந்தது.
1917 ஆம் ஆண்டில், தென்னாப்பிரிக்காவின் ஆங்கிலோ அமெரிக்கன் கார்ப்பரேஷனில் பங்குகளை வாங்குவதன் மூலம் நியூமான்ட் தங்க துறையில் காலெடுத்து வைத்தது.
பின் 1921 ஆம் ஆண்டில், இது முழுமையாக நியூமான்ட் கார்ப்பரேஷனாக மாற்றப்பட்டது.
சுரங்க மின்சார நிலையம்
இன்று, நியூமான்ட் நிறுவனத்தின் பெரிய தங்க சுரங்க வலைப்பின்னல்கள் நெவாடா, கனடா, மெக்ஸிகோ மற்றும் ஆஸ்திரேலியா போன்ற இடங்களில் இயங்குகிறது.
தங்கத்திற்கு அப்பால், அவை செம்பு, வெள்ளி மற்றும் பிற மதிப்புமிக்க வளங்களையும் எடுத்து வருகின்றனர்.
1929 ஆம் ஆண்டில் கலிபோர்னியாவின் எம்பயர் ஸ்டார் மைனை(California's Empire Star Mine) கையகப்படுத்தியதன் மூலம் சுரங்க துறையில் இவர்களது பயணத்தை தொடங்கினர்.
இது 1939 ஆம் ஆண்டில் 12 வட அமெரிக்க தங்க சுரங்கங்களின் விரிவாக்கத்திற்கு வழிவகுத்தது.
1965 ஆம் ஆண்டில் நெவாடாவில் கண்டுபிடிக்கப்பட்ட கார்லின் ட்ரெண்ட்(Carlin Trend) 20 ஆம் நூற்றாண்டின் மிகப்பெரிய தங்கக் கண்டுபிடிப்பாக பார்க்கப்படுகிறது.
தொடர் வெற்றிகள்
தொழிலாளர் வேலை நிறுத்தங்கள் போன்ற சவால்களை நிறுவனம் எதிர்கொண்டாலும், 2002 ஆம் ஆண்டில் Normandy Mining மற்றும் Franco-Nevada போன்ற நிறுவனங்களை கையகப்படுத்துதல் போன்ற அதன் தந்திரோபாய திட்டங்கள் மூலம் போட்டியாளர்களை மிஞ்சி உச்சபட்ச தங்க உற்பத்தியாளராக நியூமான்ட் நிறுவனம் உயர்ந்தது.
2019 ஆம் ஆண்டில், கனேடிய சுரங்க நிறுவனமான கோல்ட்கார்ப்பை(Goldcorp) 10 பில்லியன் டொலருக்கு கொள்முதல் செய்து தனது தலைமைப் பதவியை மேலும் உறுதிப்படுத்திக் கொண்டது.
புகழ்பெற்ற S&P 500 பங்குச் சந்தை குறியீட்டில் உள்ள ஒரே தங்க சுரங்க நிறுவனமாக நியூமான்ட் தனித்து விளங்குகிறது.
31,600 க்கும் மேற்பட்ட ஊழியர்கள் மற்றும் ஒப்பந்தக்காரர்களை கொண்ட இது, தங்கச் சுரங்கத் துறையில் உண்மையான தலைவராக திகழ்கிறது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள் |
புங்குடுதீவு 10ம் வட்டாரம், கிளிநொச்சி, Lützelflüh, Switzerland
21 May, 2026
புங்குடுதீவு 10ம் வட்டாரம், Chur, Switzerland, Flums, Switzerland
16 May, 2026
புங்குடுதீவு 9ம் வட்டாரம், புங்குடுதீவு, கொழும்பு கொம்பனித்தெரு
17 May, 2026
சிறுப்பிட்டி மேற்கு, Wembley, United Kingdom, Milton Keynes, United Kingdom
21 May, 2022
