உக்ரைன் மொத்தமாக துண்டாடப்படும்: கோரிக்கையை நிராகரித்த ஜெலென்ஸ்கி

Zelensky Rejects Wartime Elections: உக்ரைன் துண்டாடப்படும் அபாயம், போர்க்காலத் தேர்தல்களை நிராகரித்த ஜெலென்ஸ்கி.

ரஷ்யாவின் படையெடுப்பை உக்ரைன் எதிர்த்துப் போராடிக் கொண்டிருக்கும் வேளையில், தேர்தலை நடத்துவது மிகவும் ஆபத்தானது என்று எழுந்துள்ள கோரிக்கைகளுக்கு ஜனாதிபதி ஜெலென்ஸ்கி பதிலளித்துள்ளார்.

ஒரு சுனாமியாக

தேர்தலை முன்னெடுக்க வேண்டும் என்று அவரது முன்னாள் பாதுகாப்பு அமைச்சர் விடுத்த அழைப்பைத் தொடர்ந்தே ஜெலென்ஸ்கி பதிலளித்துள்ளார்.

இதுபோன்ற ஒரு போரின் சூழலில், தேர்தலை நடத்துவது மிகப்பெரிய ஆபத்து என்று நான் கருதுகிறேன். தற்போதைய நிலையில் தேர்தல் என்பது உக்ரைனைப் பிளவுபடுத்தக்கூடிய ஒரு சுனாமியாக அமையும் என்று ஜெலென்ஸ்கி கூறியுள்ளார்.

ரஷ்யப் படைகளை எதிர்த்துப் போராடுவதில் நாடு கவனம் செலுத்தி வருவதால், ராணுவச் சட்டத்தின் கீழ் உக்ரைன் தேர்தல்களை நிறுத்தி வைத்துள்ளது; ஜெலென்ஸ்கியின் இந்த நடவடிக்கைக்கு அந்நாட்டு மக்களிடையே பரவலான ஆதரவு தொடர்ந்து உள்ளது.

நாட்டை அழிக்க நாம் விரும்பினால், போர்க்காலமான இச்சூழ்நிலையில் தேர்தல்களை நோக்கி நகரலாம் எனவும் அவர் குறிப்பிட்டுள்ளார். நாட்டின் பாதுகாப்பு அமைச்சர் மைக்கைலோ ஃபெடோரோவை ஜெலென்ஸ்கி பணிநீக்கம் செய்ததைத் தொடர்ந்து, ஆயிரக்கணக்கானோர் வீதிகளில் இறங்கிப் போராடும் சூழல் ஏற்பட்டது.

இரண்டு உலகளாவிய அச்சுறுத்தல்கள்... உணவுப் பொருட்களின் விலை உயரும்: எச்சரிக்கும் JPMorgan

பதவியிலிருந்து நீக்கப்பட்ட ஃபெடோரோவ் இந்த வாரம், தேர்தலை நடத்துவதற்கான வழியைக் கண்டறியுமாறு திடீரென அழைப்பு விடுத்தார் - ஆனால், அதற்கான செயல் திட்டத்தை அவர் முன்வைக்காததால், அவருடைய ஆதரவாளர்களில் சிலர்கூட அவரின் கோரிக்கையை ஆதரிக்க மறுத்தனர்.

மட்டுமின்றி, ராணுவத்தினர், லட்சக்கணக்கான உக்ரேனிய அகதிகள் மற்றும் ஆக்கிரமிக்கப்பட்ட பகுதிகளில் வசிப்பவர்கள் எவ்வாறு வாக்களிப்பார்கள் என்பது உள்ளிட்ட பல்வேறு தடைகளையும், ரஷ்யாவிடமிருந்து வரும் தவறான தகவல் பரப்பும் அச்சுறுத்தல்களையும் நிபுணர்கள் சுட்டிக்காட்டியுள்ளனர்.

மேலும், கீவ் சமூகவியல் நிறுவனத்தின் கருத்துக்கணிப்பு ஒன்றின்படி, போர் முடிவுக்கு வருவதற்கு முன்பே தேர்தல்கள் நடத்தப்பட வேண்டும் என்று 15 சதவீத உக்ரேனியர்கள் மட்டுமே விரும்புகின்றனர்.

மரியாதையற்ற

இந்த நிலையில், செய்தியாளர் சந்திப்பின்போது ஜெலென்ஸ்கி தனது முன்னாள் அமைச்சரை நோக்கிப் பலமுறை கிண்டலான கருத்துகளைத் தெரிவித்தார்.

முன்னாள் அமைச்சர் சீர்திருத்தங்களை முன்னெடுக்க முயன்றார்; ஆனால், ராணுவத் தலைமை மற்றும் அவர்களின் பாரம்பரியமான பிடிவாதமான அணுகுமுறை ஆகியவற்றுடன் அவர் மோதலில் ஈடுபட்டார்.

தொடக்கத்தில் பொதுமக்கள் அவருக்கு ஆதரவளித்ததுடன், தலைமைத் தளபதி ஒலெக்சாண்டர் சிர்ஸ்கியைப் பதவியிலிருந்து நீக்குமாறும் வலியுறுத்தினர்.

மக்கள் போராட்டம் நடத்துவதற்கு உரிமை உண்டு என்று கூறிய ஜெலென்ஸ்கி, அதேவேளையில் ராணுவத்தினர் மீது மரியாதையற்ற மனப்பான்மையைக் கொண்டிருக்க வேண்டாம் என்றும் எச்சரித்தார்.

இதனிடையே, தன்னை பலவீனப்படுத்திய ஒரு அரசியல் நெருக்கடிக்குப் பிறகு, பிளவுகளுக்கு எதிரான ஒரு அரணாகத் தன்னை முன்னிறுத்திக் கொள்ள ஜெலென்ஸ்கியால் முடிந்தது.