லங்காசிறி FM
50 ஓவர்களில் 822 ஓட்டங்கள் குவித்த அணி - 794 ஓட்டங்கள் வித்தியாசத்தில் வெற்றி
ஜிம்பாப்வேவில் லீக் அணி ஒன்று 50 ஓவர்களில் 822 ஓட்டங்கள் குவித்து பிரமிக்க வைத்துள்ளது.
50 ஓவர்களில் 822 ஓட்டங்கள் குவித்த அணி
ஜிம்பாப்வேவில் மஸ்விங்கோ 50 ஓவர் லீக் தொடரில் ஸ்கார்பியன் கிரிக்கெட் கிளப் மற்றும் மீத்தேன் லயன்ஸ் அணிகள் மோதியது.
நாணய சுழற்சியில் வென்ற ஸ்கார்பியன் கிரிக்கெட் கிளப் அணி, முதலில் துடுப்பாட்டத்தை தேர்வு செய்தது.
தொடக்க வீரர்களான வில்பிரட் மேட்டெண்டே மற்றும் தகுண்டா மாடெம்போ பவுண்டரி, சிக்ஸர்களைப் பறக்கவிட்டு அதிரடி காட்ட, 21.3 ஓவர்களிலே முதல் விக்கெட் விழுந்தது.
வில்பிரட் மேட்டெண்டே 75 பந்துகளில் 23 பவுண்டரிகள் மற்றும் 13 சிக்ஸர்களுடன் 203 ஓட்டங்கள் குவித்து ஆட்டமிழந்தார்.
அடுத்து இறங்கிய வின்சென்ட் மோயோ 39 பந்துகளில் 8 பவுண்டரிகள், 6 சிக்ஸர்கள் உட்பட 78 ஓட்டங்கள் விளாசினார்.
மறுபுறம் தொடக்க ஆட்டக்காரரான மாடெம்போ 143 பந்துகளில் 50 பவுண்டரிகள், 7 சிக்ஸர்கள் உட்பட 302 ஓட்டங்கள் விளாசி, ரிட்டயர்ட் ஹர்ட் முறையில் வெளியேறினார்.
அணித்தலைவர் மகாசா 2 ஓட்டங்களில் ஆட்டமிழக்க, கேப்ரியல் ஜெயா 49 பந்துகளில்110 ரன்கள் சேர்த்தார். இவ்வாறாக 50 ஓவர்கள் முடிவில், 4 விக்கெட் இழப்பிற்கு 822 ஓட்டங்கள் குவித்தது.
இதில், 79 வைடுகள் மற்றும் 23 நோ-பால்கள் என 102 ஓட்டங்களை எக்ஸ்ட்ரா மூலம் லயன்ஸ் அணி பந்துவீச்சாளர்கள் வழங்கியிருந்தனர்.
பந்து வீசிய அனைத்து பந்துவீச்சாளர்களும் 100 ஓட்டங்களுக்கு மேல் வழங்கியிருந்தனர்.
இதைத்தொடர்ந்து 823 ஓட்டங்கள் என்ற வெற்றி இலக்குடன் களமிறங்கிய வெறும் மீத்தேன் லயன்ஸ் 28 ஓட்டங்கள் மட்டுமே குவித்தது.
இதன் மூலம், 794 ஓட்டங்கள் வித்தியாசத்தில் ஸ்கார்பியன் கிரிக்கெட் கிளப் அணி பாரிய வெற்றி பெற்றது.
இது அதிகாரபூர்வ லிஸ்ட் ஏ போட்டியாக இருந்திருந்தால் வரலாற்று சாதனையாக இருந்திருக்கும்.
இதுவரை அதிகாரப்பூர்வ 50 ஓவர் கிரிக்கெட்டில் 2022 ஆம் ஆண்டில் தமிழ்நாடு அணி, உத்தரபிரதேச அணிக்கு எதிராக 2 விக்கெட் இழப்பிற்கு 506 ஓட்டங்கள் எடுத்ததே அதிகபட்சமாக உள்ளது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
மட்டுவில் வடக்கு, மல்லாவி, London, United Kingdom, முல்லைத்தீவு
11 May, 2026
இடைக்காடு, Muscat, Oman, நியூ யோர்க், United States, Boston, United States
14 May, 2025
சாவகச்சேரி, குஞ்சுப்பரந்தன், கிளிநொச்சி, Scarborough, Canada
14 May, 2021
புங்குடுதீவு 12ம் வட்டாரம், புங்குடுதீவு, கொழும்பு, London, United Kingdom
24 Apr, 2025
கொடிகாமம், வெள்ளாம்போக்கட்டி, புளியம்பொக்கணை, வவுனியா, கொழும்பு
11 May, 2026
துன்னாலை, ஆத்தியடி பருத்தித்துறை, திருகோணமலை, கோண்டாவில், வெள்ளவத்தை, New Jersey, United States, Toronto, Canada
14 May, 2023
