மகளா, மகன்களா., Relianceன் வாரிசு யார்? முகேஷ் அம்பானியின் மிகப்பாரிய முடிவு

இந்தியா மற்றும் ஆசியாவின் மிகப் பாரிய பணக்காரரான முகேஷ் அம்பானி கடந்த இரண்டு தசாப்தங்களாக Reliance Industriesன் தலைமைப் பொறுப்பில் இருந்து வருகிறார்.

அவரது உறுதியும் கடின உழைப்பும் ரிலையன்ஸை நாட்டில் மதிப்புமிக்க நிறுவனமாக மாற்றுவதற்கு முக்கியப் பங்காற்றியுள்ளன.

ஊழியரின் உயிரை காப்பாற்ற தானே விமானம் ஓட்ட முன்வந்த Ratan Tata., இன்று அவருக்கு பிறந்தநாள்

இப்போது, முகேஷ் அம்பானி ரிலையன்ஸின் வாரிசைத் தேர்வு செய்யத் தயாராகி வருகிறார். மேலும் நிறுவனத்தின் ஆட்சியை விரைவில் தனது மகன்களிடம் ஒப்படைக்க வாய்ப்புள்ளது.

ரிலையன்ஸ் இண்டஸ்ட்ரீஸ் நிறுவனர் திருபாய் அம்பானியின் 91வது பிறந்தநாளும், தனது ரிலையன்ஸ் குடும்ப தினமுமான டிசம்பர் 28-ஆம் திகதி, ஊழியர்களிடம் உரையாற்றிய ரிலையன்ஸ் இண்டஸ்ட்ரீஸின் (RIL) தலைவரும் நிர்வாக இயக்குநருமான முகேஷ் அம்பானி, ரிலையன்ஸ் இண்டஸ்ட்ரீஸ் லிமிடெட் (RIL) நிறுவனத்தின் எதிர்காலத்தைப் பற்றியும், தனது பிள்ளைகள் நிறுவனத்தை எவ்வாறு முன்னெடுத்துச் செல்வார்கள் என்பதைப் பற்றியும் எடுத்துரைத்தார்.

நிறுவனத்தின் ஆட்சியை விரைவில் அடுத்த தலைமுறைக்கு வழங்குவது பற்றி பேசிய அம்பானி, ரிலையன்ஸின் எதிர்காலம் தனது மூன்று பிள்ளைகளான ஆகாஷ் அம்பானி, இஷா அம்பானி மற்றும் ஆனந்த் அம்பானி மற்றும் அவர்களின் தலைமுறையைச் சேர்ந்த நிர்வாகிகள் மீது உள்ளது என்றார்.

ஒன்றும் செய்யாமலே இவருக்கு ரூ.32,000 கோடி தரும் Microsoft., யார் இந்த Steve Ballmer

ரிலையன்ஸ் இண்டஸ்ட்ரீஸின் எதிர்காலம்

முகேஷ் அம்பானி, தனது உரையில், "ரிலையன்ஸ் ஒரு தலைமுறை மாற்றத்திற்கு உட்பட்டிருக்கும் நேரத்தில், இந்த தனித்துவமான நிறுவன கலாச்சாரத்தை மேலும் வலுப்படுத்துவதற்கு நான் அதிக முக்கியத்துவம் கொடுக்கிறேன்.

இங்கே நாம் பின்பற்ற வேண்டிய மற்றொரு கொள்கை உள்ளது. எங்களின் திறமையான அணிகளின் சராசரி வயது 30 முதல் 40 வயது வரை இருப்பதை உறுதி செய்வதன் மூலம் ரிலையன்ஸ் நிறுவனத்தை எப்போதும் இளமையாக வைத்திருக்க வேண்டும்" என்று கேட்டுக்கொண்டார்.

அவர் தனது வாழ்க்கையில் படைத்த சாதனைகளை விட, தனது வாரிசுகள் ரிலையன்ஸ் நிறுவனத்தை வெற்றிபெறச் செய்வர் என்பதில் எந்த சந்தேகமும் இல்லை என்று கூறினார்.

ரிலையன்ஸ் டாப்-10 நிறுவனமாக மாற

ரிலையன்ஸ் தனது மகன்களின் தலைமையில் வேகமாக வளர்ச்சியடையும் என நம்பும் முகேஷ் அம்பானி, ரிலையன்ஸ் உலகின் முதல் 10 வணிக நிறுவனங்களில் ஒன்றாக மாற விரும்புவதாகக் கூறினார்.

"உலகின் மூன்றாவது பெரிய பொருளாதாரமாக இந்தியா முன்னேறிக்கொண்டிருக்கும் வேளையில், ரிலையன்ஸ் நிறுவனத்திற்கு முன்னோடியில்லாத வாய்ப்பு காத்திருக்கிறது. ரிலையன்ஸ் உலகின் முதல் 10 வணிக நிறுவனங்களில் ஒன்றாக வளரும்," என்று அவர் கூறினார்.

ஈஷா-ஆகாஷ், அனந்திற்கான ரிலையன்ஸின் வாரிசு திட்டம்

முகேஷ் அம்பானி இந்த ஆண்டு தொடக்கத்தில் ரிலையன்ஸ் இண்டஸ்ட்ரீஸிற்கான வாரிசு திட்டத்தைத் தொடங்கினார் மற்றும் பங்குதாரர்களின் ஒப்புதலுக்குப் பிறகு தனது மூன்று குழந்தைகளான ஆகாஷ்-இஷா மற்றும் இளைய மகன் ஆனந்த் ஆகியோரை நிறுவனத்தின் குழுவில் நியமித்தார்.

முகேஷ் அம்பானியின் வாரிசுத் திட்டத்தின்படி, இஷா அம்பானி தற்போது ரிலையன்ஸின் சில்லறை வணிகத்திற்கு தலைமை தாங்குகிறார், ஆகாஷ் அம்பானி தொலைத்தொடர்பு வணிகமான ரிலையன்ஸ் ஜியோவுக்கு தலைமை தாங்குகிறார் மற்றும் நிறுவனத்தின் புதிய பசுமை எரிசக்தி வணிகத்திற்கு ஆனந்த் அம்பானி பொறுப்பேற்றுள்ளார்.

விஜயகாந்தை அடுத்த ஸ்டாலின் அல்லது உதயநிதி., பிரேமம் பட இயக்குநர் சர்ச்சை பதிவு

Mukesh Ambani RIL succession planning, Reliance succession planning, Mukesh Ambani, Billionaire Mukesh Ambani, Reliance Industries, Ambani children, Akash Ambani, Isha Ambani, Anant Ambani