லங்காசிறி FM
அஸ்ட்ராசெனகாவுடன் இந்த தடுப்பூசியை கலந்து போட்டால் வலுவான நோயெதிர்ப்பு சக்தி!
ஃபைசர் மற்றும் அஸ்ட்ராஜெனேகாவின் கோவிட் -19 தடுப்பூசிகளை கலப்பதன் மூலம் ஒரு வலுவான நோயெதிர்ப்பு சக்தியை உருவாகிறது என ஆய்வில் தெரிவந்துள்ளது.
தடுப்பூசி விநியோகத்தை விரிவுபடுத்துவதற்கான பல்வேறு வழிகளை மருத்துவர்கள் மற்றும் பொது சுகாதார அதிகாரிகள் ஆராய்ந்து வருகின்றனர்.
எடுத்துக்காட்டாக, முதல் மற்றும் இரண்டாவது டோஸ்களுக்கு இடையிலான நேரத்தை தாமதப்படுத்துவதன் மூலம் - பல குறைந்த மற்றும் நடுத்தர வருமான நாடுகள் தடுப்பூசி பற்றாக்குறையை எவ்வாறு சமாளிப்பது என்பதைக் கண்டுபிடிக்க முயற்சிக்கின்றன. அளவுகளை கலக்கும் திறன் வெவ்வேறு தடுப்பூசிகளை வழங்கும் நாடுகளுக்கு ஒருவருக்கொருவர் உதவக்கூடும் என நம்பப்படுகின்றன.
இந்த நிலையில், ஆக்ஸ்போர்டு பல்கலைக்கழகம் மேற்கொண்ட ஆய்வில், ஃபைசர் (pfizer) மற்றும் அஸ்ட்ராஜெனேகாவின் (AstraZeneca) கோவிட் -19 தடுப்பூசிகளை கலப்பதன் மூலம் ஒரு வலுவான நோயெதிர்ப்பு சக்தியை உருவாகிறது என கண்டுபிடிக்கப்பட்டுள்ளது.
இந்த ஆய்வில் 50 வயது மற்றும் அதற்கு மேற்பட்ட 830 தன்னார்வலர்கள் ஆய்வுக்கு உட்படுத்தப்பட்டனர்.
ஆய்வில், முதல் டோஸாக அஸ்ட்ராஜெனேகா மருந்தையும், இடைவெளிக்கு பிறகு இரண்டாவது டோஸாக ஃபைசர் தடுப்பூசியும் செலுத்தினால், அல்லது இதற்கு நேர்மாறாக முதலில் ஃபைசரையும் 4 வாரங்களுக்குப் பிறகு அஸ்ட்ராஜெனேகா தடுப்பூசியம் கொடுக்கப்படும்போது, உடலில் கோவிட்-19க்கு எதிராக அதிக அளவு ஆன்டிபாடிகள் சுரப்பது தெரியவந்துள்ளது.
ஃபைசரை தொடர்ந்து அஸ்ட்ரா தடுப்பூசியை செலுத்துவதை விட, அஸ்ட்ராவைத் தொடர்ந்து ஃபைசர் தடுப்பூசியை செலுத்துவது அதிக அளவு நோயெதிர்ப்பு ஆன்டிபாடிகள் மற்றும் டி-செல்களை உருவாக்கியது தெரியவந்தது.
அடுத்ததாக, மாடர்னா (Moderna) மற்றும் நோவாவாக்ஸ் (Novavax) தடுப்பு மருந்துகளை இணைத்து ஆய்வு மேற்கொள்ளப்படவுள்ளது.
கொழும்பு, வவுனியா, யாழ்ப்பாணம், வண்ணார்பண்ணை, ஊரெழு, Bad Nauheim, Germany, Tolworth, United Kingdom
02 Aug, 2025
வல்வெட்டித்துறை, கரவெட்டி, உடுப்பிட்டி, Trichy, British Indian Ocean Terr.
06 Aug, 2020
புங்குடுதீவு 3ம் வட்டாரம், சிவபுரம், வவுனிக்குளம், Woodbridge, Canada
05 Aug, 2022
