10 வருட கோல்டன் விசா வழங்கும் நாடு- யாரெல்லாம் விண்ணப்பிக்கலாம்? முழு விபரங்கள்

 மிக குறைந்த விலையில், பஹ்ரைன் 10 வருட கோல்டன் விசா வழங்குகிறது.

பஹ்ரைன் 10 ஆண்டு கோல்டன் விசா

வளைகுடா நாடுகளில் துபாய் வழங்கும் கோல்டன் விசா பிரபலமானதாக இருந்தாலும், சமீபகாலமாக பலரும் பஹ்ரைன் வழங்கும் கோல்டன் விசாவை பெற ஆர்வம் காட்டி வருகின்றனர். 

பஹ்ரைன் தனது பொருளாதாரத்திற்கு எண்ணெய் வளத்தை மட்டும் சார்ந்திருக்காமல், திறமையான வல்லுநர்கள், முதலீட்டாளர்களை ஈர்த்து பொருளாதாரத்தை பன்முகப்படுத்துவது பஹ்ரைனின் விஷன் 2030 இன் முக்கிய பகுதியாகும்.

இதன் ஒரு பகுதியாக 2022 ஆம் ஆண்டு முதல் 10 ஆண்டுக்கான கோல்டன் விசாவை பஹ்ரைன் வழங்கி வருகிறது. இதுவரை 10,000 பேருக்கு அதிகமாக கோல்டன் விசா வழங்கப்பட்டுள்ளதாக கூறப்படுகிறது. 

உலகிலேயே மாணவர்களுக்கு ஏற்ற நகரம் எது தெரியுமா?

பஹ்ரைனை விரும்புவது ஏன்?

மற்ற அரபு நாடுகளில், விசா பெறுபவரின் குடியிருப்பு அவர் வேலை பார்க்கும் முதலாளியுடன் பிணைந்திருக்கும்.

ஆனால், பஹ்ரைன் கோல்டன் விசா பெறுபவர், யாரிடமும் வேலை பார்க்கும் சுதந்திரம் உள்ளது. மேலும், அங்கு தொழில் தொடங்கவோ அல்லது Freelancer ஆகவோ பணியாற்ற முடியும். 

ஐக்கிய அரபு அமீரகம் மற்றும் துபாய் உடன் ஒப்பிடும் போது, வீட்டு வசதி தொடங்கி கல்வி, சுகாதாரம் மற்றும் அன்றாட செலவுகள் வரை, பஹ்ரைன் மிகவும் குறைந்த செலவில் உயர் தர வாழ்க்கை முறையை வழங்குகிறது.

வளைகுடாவில் உள்ள பிற நாடுகள், பெரும்பாலும் குடியிருப்பாளர்கள் ஒரு குறிப்பிட்ட காலக்கெடுவிற்குள் பஹ்ரைனிற்கு திரும்பி வர வேண்டும் அல்லது அவர்களின் வசிப்பிட நிலையை இழக்கும் அபாயத்தை ஏற்படுத்தும்.

ஆனால், பஹ்ரைனில் உங்கள் வசிப்பிடத்தை இழக்காமல் எவ்வளவு காலம் வேண்டுமானாலும் வெளிநாட்டில் தங்கலாம். 

மேலும், பஹ்ரைன் கோல்டன் பெறுபவர்கள் தங்களின் வாழ்க்கைத் துணை, பெற்றோர்கள் மற்றும் குழந்தைகளை எளிதாக நிதியுதவி செய்து பஹ்ரைனிற்கு அழைத்து வர முடியும். மேலும், விசாவை புதிப்பிப்பதும் வேலைவாய்ப்பு அல்லது சொத்து வைத்திருப்பதைப் சார்ந்து இல்லை.

அண்டை நாடான சவுதி அரேபியா, கத்தார் மற்றும் ஐக்கிய அரபு அமீரகம் ஆகிய நாடுகளுக்கு ஒரு குறுகிய விமானம் அல்லது பயணத்திற்குள் எளிதாக அணுகலை வழங்குகிறது.

யார் விண்ணப்பிக்கலாம்?

திறமையான வல்லுநர்கள்: நீங்கள், பஹ்ரைனில் குறைந்தது 5 ஆண்டுகள் பணிபுரிந்திருக்க வேண்டும். மாத வருமானம் 2,000 பஹ்ரைன் தினார்(BHD) (இந்திய மதிப்பில் ரூ.4,55,109) பெற வேண்டும்.

சொத்து உரிமையாளர்கள்: பஹ்ரைனில் 200,000 BHD (இந்திய மதிப்பில் ரூ.4,55,15,213) அல்லது அதற்கு மேற்பட்ட மதிப்புள்ள சொத்து வைத்திருக்கும் எவரும் விண்ணப்பிக்கலாம். 

ஓய்வு பெற்றவர்கள்: 2,000 BHD(இந்திய மதிப்பில் ரூ.4,55,109) மாதாந்திர ஓய்வூதியம் பெறும் குடியிருப்பாளர்கள் விண்ணப்பிக்கலாம். குறைந்தபட்சம் 4,000 BHD (இந்திய மதிப்பில் ரூ.9,10,394) ஓய்வூதிய வருமானம் உள்ள வெளிநாட்டில் வசிக்கும் ஓய்வு பெற்றவர்களும் விண்ணப்பிக்கலாம்.

விதிவிலக்கான திறமை: அறிவியல், விளையாட்டு, கலை மற்றும் தொழில்முனைவோர் போன்ற துறைகளில் உள்ளவர்கள், அவர்களின் பங்களிப்புகள் அல்லது சாதனைகளுக்காக பஹ்ரைன் அரசாங்கத்தால் அங்கீகரிக்கப்பட்டவர்கள் விண்ணப்பிக்கலாம்.

எப்படி விண்ணப்பிப்பது?

மேற்கண்ட 4 தகுதிகளில் ஒன்றின் கீழ் நீங்கள் இருந்தால், பஹ்ரைனின் அதிகாரப்பூர்வ கோல்டன் விசா தளத்திற்கு சென்று, உங்கள் தகுதியை சரிபார்க்கவும்.

அதை தொடர்ந்து, 6 மாதங்களுக்கும் மேலாக செல்லுபடியாகும் பாஸ்போர்ட்டின் நகல், வருமானம் அல்லது சொத்து உரிமைச் சான்று, வங்கி அறிக்கைகள், வேலைவாய்ப்புச் சான்றிதழ்கள் அல்லது ஓய்வூதிய அறிக்கைகள், திறமையான நபர்களுக்கான விருதுகள் அல்லது அதிகாரப்பூர்வ கடிதங்கள் உள்ளிட்ட தேவையான ஆவணங்களைச் சேகரிக்கவும்.

பஹ்ரைனின் டிஜிட்டல் அரசாங்க சேவைகளை அணுக, நீங்கள் ஒரு eKey கணக்கை உருவாக்க வேண்டும். 

உங்கள் விண்ணப்பத்தை ஆன்லைனில் சமர்ப்பிக்கவும். இதற்கான விண்ணப்ப கட்டணம் 5 BHD (இந்திய மதிப்பில் ரூ.1,137). இது மற்ற அரபு நாடுகளை விட மலிவான கட்டணம் ஆகும்.

விசாவை பெற நீங்கள் 5-10 வேலை நாட்கள் காத்திருக்க வேண்டும். விசா அங்கீகரிக்கப்பட்டவுடன் 300 BHD (இந்திய மதிப்பில் ரூ.68,270) செலுத்தவும்.

புர்ஜ் கலீஃபா இனி உலகின் உயரமான கட்டிடம் இல்லை - 1 கிமீ உயர கட்டிடம் கட்டும் நாடு

விசா அங்கீகரிக்கப்பட்டதும், குடும்பத்தை ஆதரிக்கும் உரிமையுடன் 10 வருட வசிப்பிட விசாவைப் பெறுவீர்கள். அதே விண்ணப்பத்தில், நீங்கள் குடும்ப உறுப்பினர்களைச் சேர்க்கலாம்.

முறையாக வேலை செய்ய விரும்பும் தனிநபர்கள், பஹ்ரைனின் தொழிலாளர் சந்தை ஒழுங்குமுறை ஆணையம் (LMRA) மூலம் தனி பணி அனுமதிக்கு விண்ணப்பிக்க விண்ணப்பிக்கலாம்.