பாரிய முதலீடுகளால் இன்னொரு ஏழை நாட்டிற்கு வலை விரித்த சீனா... முதற்கட்டமாக ரூ 3,000 கோடி

பல்வேறு துறைகளில் பாரிய முதலீடுகளைச் செய்வதன் மூலம் சிறிய மற்றும் பொருளாதார ரீதியாக பலவீனமான நாடுகளில் ஆதிக்கம் செலுத்தும் சீனா, தற்போது ஆப்பிரிக்க நாடொன்றின் மீது தனது பார்வையை திருப்பியுள்ளது.

அமெரிக்கா மற்றும் பிரேசிலை

ஆப்பிரிக்க நாடான அங்கோலாவில் உணவு தானியங்களை பயிரிடுவதற்கு நிலம் கையகப்படுத்த இரண்டு சீன நிறுவனங்கள் 350 மில்லியன் டொலர் அல்லது இந்திய மதிப்பில் சுமார் ரூ. 3,052 கோடி முதலீட்டில் ஒப்பந்தங்களில் கையெழுத்திட்டுள்ளன.

வெளியான தகவல்களின் அடிப்படையில், அரசுக்குச் சொந்தமான சீன நிறுவனங்கள் அங்கோலாவில் ரூ.3052 கோடியை முதலீடு செய்து, ஆயிரக்கணக்கான ஹெக்டேர் நிலத்தில் சோயாபீன், மக்காச்சோளம் மற்றும் பிற தானியங்களை பயிரிடவுள்ளன, அதில் ஒரு பகுதி அங்கோலா அரசாங்கத்துடன் பகிர்ந்து கொள்ளப்படும்.

இந்த திட்டமானது, உணவு தானியங்களுக்காக சீனா அமெரிக்கா மற்றும் பிரேசிலைச் சார்ந்திருப்பதைக் குறைப்பதை நோக்கமாகக் கொண்டுள்ளது.

ட்ரம்ப் நிர்வாகத்தின் அழுத்தம்... அமெரிக்க எண்ணெய் இறக்குமதியை அதிகரிக்கும் இந்தியா

குறிப்பாக, சமீபத்திய ஆண்டுகளில், மேற்கத்திய நாடுகளின் உணவு ஏற்றுமதியைச் சார்ந்திருப்பதை முடிவுக்குக் கொண்டுவருவதற்காக, தான்சானியா, எத்தியோப்பியா மற்றும் பெனின் உள்ளிட்ட பிற ஆப்பிரிக்க நாடுகளில் இதே போன்ற திட்டங்களில் சீனா முதலீடு செய்துள்ளது.

சீனாவில் இருந்து வெளியாகியுள்ள தகவலின் அடிப்படையில், SinoHydro குழுமம் மற்றும் Citic குழுமம் ஆகிய அரசுக்குச் சொந்தமான இரு நிறுவனங்களும் அங்கோலாவில் முதலீடு செய்வதற்கு ஒப்பந்தம் செய்துள்ளதாக தெரிய வந்துள்ளது.

இதில், SinoHydro குழுமம் 30,000 ஹெக்டேர் வரி இல்லாத நிலத்தை 25 ஆண்டுகளுக்கு குத்தகைக்கு எடுத்துள்ளது, அதில் அவர்கள் உணவு தானியங்களை பயிரிடுவார்கள், விளைபொருட்களில் 60 சதவீதம் நேரடியாக சீனாவுக்கு ஏற்றுமதி செய்யப்படும்.

அதே வேளை, Citic குழுமம் அடுத்த 5 ஆண்டுகளில் 250 மில்லியன் டொலர்களை முதலீடு செய்து 100,000 ஹெக்டேர் நிலத்தில் சோயாபீன் மற்றும் சோளத்தை பயிரிடவுள்ளது, வெளியான தகவலின் அடிப்படையில் 8,000 ஹெக்டேரில் பணிகள் ஏற்கனவே தொடங்கப்பட்டுள்ளன.

ஆதிக்கத்தை வலுப்படுத்தவும்

அமெரிக்க ஜனாதிபதியாக டொனால்ட் ட்ரம்ப் மீண்டும் பொறுப்புக்கு வந்ததில் இருந்து, ஆப்பிரிக்க நாடுகளின் ஏற்றுமதிக்கு அதிக வரிகளை விதித்ததைத் தொடர்ந்து, சீனா அவர்களுக்கு ஒரு பெரிய நிவாரணத்தை வழங்கி வருகிறது.

ஜூன் மாதத்தில், சீனா அதன் கிட்டத்தட்ட அனைத்து ஆப்பிரிக்க நட்பு நாடுகளிடமிருந்தும் வரும் பொருட்களின் இறக்குமதி வரிகளை நீக்குவதாக அறிவித்தது. ஆனால் பல அரசியல் ஆய்வாளர்கள், ஆப்பிரிக்காவில் சீனாவின் அதிகரித்து வரும் முதலீடுகள் குறித்து சந்தேகம் கொண்டுள்ளனர்.

சீனாவின் இலக்குகள் தீவிர திட்டமிடலின் ஒரு பகுதி என்றும், உணவுப் பாதுகாப்பை உறுதி செய்யும் உன்னத நோக்கத்திற்கு அப்பாற்பட்டவை என்றும் விமர்சிக்கின்றனர்.

நெதன்யாகுவால் அச்சத்தில் இஸ்ரேலிய மக்கள்... வெளிவந்த அதிர்ச்சியூட்டும் உண்மை

ஆப்பிரிக்காவில் தனது ஆதிக்கத்தை வலுப்படுத்தவும், மேற்கு நாடுகளிலிருந்து, குறிப்பாக அமெரிக்காவிலிருந்து இறக்குமதியைக் குறைக்கவும், சீனா நீண்ட குத்தகைக்கு வரி இல்லாத நிலத்தை எடுத்துக்கொள்வதாக பல நிபுணர்கள் கூறுகின்றனர்.

வேளாண் ஒப்பந்தத்திற்கு முன்பு, சீனாவும் அங்கோலாவும் எண்ணெய்க்கான உள்கட்டமைப்பு பரிமாற்ற ஒப்பந்தத்தைக் கொண்டிருந்தன என்பது குறிப்பிடத்தக்கது.