ஐரோப்பிய ஒன்றியத்தின் அழைப்பை ஏற்க மறுத்த சீனாவின் ஜி ஜின்பிங்

European Union Xi Jinping Russian Federation

By Arbin Mar 16, 2025 09:42 AM GMT

Arbin

in சர்வதேசம்

Report

ஐரோப்பிய ஒன்றியம் மற்றும் சீனா இடையேயான தூதரக உறவுகளின் 50வது ஆண்டு நிறைவைக் குறிக்கும் உச்சிமாநாட்டிற்கான அழைப்பை சீன ஜனாதிபதி ஜி ஜின்பிங் நிராகரித்துள்ளார்.

ரஷ்ய ஆதரவு

ஜனாதிபதி ஜிக்கு பதிலாக ஐரோப்பிய கவுன்சில் மற்றும் ஆணையத்தின் தலைவர்களை பிரதமர் லி கியாங் சந்திப்பார் என்று சீனா ஐரோப்பிய ஒன்றிய அதிகாரிகளிடம் கூறியுள்ளது.

ஐரோப்பிய ஒன்றியத்தின் அழைப்பை ஏற்க மறுத்த சீனாவின் ஜி ஜின்பிங் | China Xi Declines Eu Invitation

பிரஸ்ஸல்ஸில் நடைபெறும் உச்சிமாநாட்டின் போது சீனப் பிரதமர் வழக்கமாக கலந்துகொள்வார், அதே நேரத்தில் ஜனாதிபதி அதை சீனாவில் முன்னெடுத்து நடத்துவார் என்றே தெரிவிக்கப்பட்டுள்ளது.

ஆனால் சீனா மற்றும் ஐரோப்பிய ஒன்றியத்திற்கும் இடையிலான அரை நூற்றாண்டு கால உறவுகளை நினைவுகூரும் வகையில் ஜனாதிபதி ஜி கலந்து கொள்ள வேண்டும் என்று ஐரோப்பிய ஒன்றியம் விரும்புகிறது.

ஐரோப்பிய ஒன்றியத்தின் அழைப்பை ஜனாதிபதி ஜி ஜின்பிங் ஏற்க மறுப்பதன் பின்னணியில் சீனாவின் ரஷ்ய ஆதரவு நிலையே என கூறப்படுகிறது. மேலும், 2022ல் உக்ரைன் மீது ரஷ்யாவின் படையெடுப்பிற்கு பின்னரே சீனா மற்றும் ஐரோப்பிய ஒன்றியத்திகும் இடையேயான உறவில் லேசான விரிசல் ஏற்பட்டுள்ளது.

இரட்டை இலக்க வரி

உக்ரைன் விவகாரத்தில் சீனா ரகசியமான ரஷ்யாவை ஆதரிப்பதாகவே ஐரோப்பிய ஒன்றியம் குற்றஞ்சாட்டி வருகிறது. அத்துடன் சீன மின்சார வாகன இறக்குமதிகளுக்கு கடந்த ஆண்டு ஐரோப்பிய ஒன்றியம் வரிகளை விதித்தது.

உலகின் இரண்டாவது பெரிய பொருளாதார நாடான சீனாவும், அதன் மூன்றாவது பெரிய பொருளாதார அமைப்பான ஐரோப்பிய ஒன்றியமும், 2024 ஆம் ஆண்டின் பெரும்பகுதியை, அதிகப்படியான திறன், சட்டவிரோத மானியங்கள் மற்றும் ஒருவருக்கொருவர் சந்தைகளில் குவிப்பு போன்ற குற்றச்சாட்டுகள் தொடர்பாகப் பரஸ்பரம் வாக்குவாதத்தில் ஈடுபட்டு கழித்தனர்.

மானிய எதிர்ப்பு விசாரணைக்குப் பிறகு, அக்டோபரில், ஐரோப்பிய ஒன்றியம் சீனாவில் தயாரிக்கப்பட்ட மின்சார வாகனங்களுக்கு இரட்டை இலக்க வரிகளை விதித்தது.

இந்த நடவடிக்கை சீனாவிலிருந்து பலத்த எதிர்ப்புகளைப் பெற்றதுடன், பிராந்தி போன்ற சில ஐரோப்பிய ஒன்றிய தயாரிப்புகளை சீனாவில் விற்பனைக்கானத் தடைகளை உயர்த்தியது.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள்.

மேலும் சர்வதேசம் செய்திகளைப் படிக்க இங்கே அழுத்தவும்

முக்கிய செய்திகள் பிரபலமானவை

இன்றைய செய்திகள்