G20 மாநாடு: புடினை தொடர்ந்து ஜி ஜின்பிங் இந்தியாவுக்கு வருவதை தவிர்க்கலாம்., இதுதான் காரணம்

ரஷ்ய அதிபர் புடினைத் தொடர்ந்து சீன அதிபர் ஜி ஜின்பிங் இந்தியாவில் நடைபெறவுள்ள ஜி20 மாநாட்டில் பங்கேற்க்க மாட்டார் என தகவல்கள் தெரிவிக்கினறன.

ஜி20 மாநாட்டில் சீன அதிபர் ஜி ஜின்பிங் கலந்து கொள்ள வாய்ப்பில்லை 

புதுதில்லியில் நடைபெற உள்ள ஜி-20 மாநாட்டில் சீன அதிபர் ஜி ஜின்பிங் கலந்து கொள்ள வாய்ப்பில்லை என ராய்ட்டர்ஸ் செய்தி நிறுவனம் தெரிவித்துள்ளது.

ஜி20 கூட்டத்தில் ஜி ஜின்பிங்கிற்குப் பதிலாக சீனப் பிரதமர் லீ கெகியாங் பெய்ஜிங்கைப் பிரதிநிதித்துவப்படுத்துவார் என கூறப்படுகிறது.

G20 உச்சி மாநாடு புதுதில்லியில் செப்டம்பர் 9 முதல் 10 வரை நடைபெறவுள்ளது. இந்தியாவில் நடைபெறும் உலகத் தலைவர்களின் மிகப்பெரிய கூட்டங்களில் ஒன்றாக இந்த உச்சி மாநாடு இருக்கும் என்று எதிர்பார்க்கப்படுகிறது. டிசம்பர் 1, 2022 அன்று இந்தோனேசியாவிடமிருந்து ஜி-20 தலைவர் பதவியை இந்தியா ஏற்றுக்கொண்டது.

இந்தியா மற்றும் சீனா இடையே பதற்றம்

LAC தொடர்பாக இந்தியாவிற்கும் சீனாவிற்கும் இடையே நடந்து வரும் முறுகல் நிலை இன்னும் அப்படியே உள்ளது. இரு நாட்டு ராணுவ தளபதிகளும் பல சுற்று பேச்சு வார்த்தை நடத்திய போதிலும் நிலைமை திருப்திகரமாக இல்லை என்று கூறப்படுகிறது.

சீனா தனது விரிவாக்கக் கொள்கைகளின் ஒரு பகுதியாக அண்டை நாடுகளின் எல்லைகளை ஆக்கிரமித்து வருகிறது. ஜூன் 2020 இல், கல்வான் பள்ளத்தாக்கில் இந்திய வீரர்களுக்கும் சீன PLA வீரர்களுக்கும் இடையே நடந்த மோதலில் 20 இந்திய வீரர்கள் கொல்லப்பட்டனர். ஆனால் சீன ராணுவத்தினர் அதிக எண்ணிக்கையில் பலியாகினர். அதன்பிறகு இரு நாடுகளுக்கும் இடையேயான உறவில் விரிசல் ஏற்பட்டது. எல்ஏசியில் இரு நாட்டு ராணுவங்களும் நேருக்கு நேர் மோதின.

பிரிக்ஸ் மாநாட்டையொட்டி, சீன அதிபர் மற்றும் பிரதமர் மோடி இடையே சந்திப்பும் நடைபெற்றது. ஆனால் இந்த முறையும் LAC குறித்த சீனாவின் நிலைப்பாட்டில் எந்த மாற்றமும் இல்லை. ஆனால் இரு நாடுகளுக்கு இடையேயான பேச்சுவார்த்தை இன்னும் ராணுவ மட்டத்தில் நடந்து வருகிறது. ராணுவ தளபதிகளின் சந்திப்புகள் அவ்வப்போது நடத்தப்படுகின்றன.

செப்டம்பர் 9-10 திகதிகளில் புதுடெல்லியில் நடைபெறும் கூட்டத்தில் இரண்டு இந்திய அதிகாரிகள், சீனாவை தளமாகக் கொண்ட ஒரு தூதர் மற்றும் ஜி20 நாடுகளின் மற்றொரு பிரதிநிதி ஆகியோர் இந்த விவகாரம் குறித்து விவாதித்ததாக கூறப்படுகிறது. இந்தக் கூட்டங்களுக்கு சீன அதிபர் வருவார் என்பதற்கு சீன வெளியுறவு அமைச்சக அதிகாரிகள் இதுவரை பதிலளிக்கவில்லை.

Chinese President Xi Jinping, Xi Jinping G20 summit, India China, New Delhi, 2023 G20 New Delhi summit