ஹார்முஸ் வழியாக 6 மில்லியன் பீப்பாய் கச்சா எண்ணெய் எடுத்துச் சென்ற சீனா

China Iran Crude Oil Strait of Hormuz

By Ragavan May 20, 2026 02:06 PM GMT

Ragavan

in சர்வதேசம்

Report

ஹார்முஸ் நீரிணை வழியாக 6 மில்லியன் பீப்பாய் கச்சா எண்ணெயை சீனா எடுத்துச் சென்றதாக செய்திகள் வெளியாகியுள்ளன.

மத்திய கிழக்கு பகுதியில் ஈரானுக்கு எதிராக அமெரிக்கா மற்றும் இஸ்ரேல் நடத்திவரும் போரால் ஹார்முஸ் நீரிணை வழியாக எண்ணெய் போக்குவரத்து கடுமையாக பாதிக்கப்பட்ட நிலையில், சீனாவைச் சேர்ந்த மூன்று பெரிய எண்ணெய் கப்பல்கள் 6 மில்லியன் பீப்பாய் கச்சா எண்ணெயுடன் நீரிணையை கடந்துள்ளன.

இந்த எண்ணெய் கப்பல்கள், இரண்டுக்கும் மேற்பட்ட மாதங்கள் வளைகுடாவில் காத்திருந்த நிலையில், தற்போது ஈரான் நிர்ணயித்த பாதையைப் பயன்படுத்தி ஆசிய சந்தைகளுக்குச் செல்லத் தொடங்கியுள்ளன.

இதில், Yuan Gui Yang என்ற சீன VLCC கப்பல் , 20 லட்சம் பீப்பாய் ஈராக்கின் Basrah கச்சா எண்ணெயை ஏற்றிச் சென்று, ஜூன் 4 அன்று குவாங்டாங் மாகாணத்தில் உள்ள ஷுய்டாங் துறைமுகத்தை அடைய உள்ளது.

Strait of Hormuz oil tankers, Chinese crude oil shipments, Middle East oil crisis 2026, Iran war shipping risks, Sinopec crude imports, Global energy supply disruption #China #OilTankers #Hormuz #EnergyCrisis #MiddleEast #CrudeOil #GlobalTrade #ShippingRisks

மற்றொரு Ocean Lily என்ற ஹொங்ஹொங் VLCC கப்பல், கத்தார் மற்றும் ஈராக் கச்சா எண்ணெயை ஏற்றிச் சென்று, ஜூன் 5 அன்று குவான்ழோ துறைமுகத்தை அடைய உள்ளது.

இதற்கு முன், Yuan Hua Hu என்ற எண்ணெய் கப்பல், 20 லட்சம் பீப்பாய் ஈராக் எண்ணெயுடன் சீனாவின் ஜோஷான் துறைமுகத்தை நோக்கிச் சென்றது.

ஹார்முஸ் நீரிணை வழியாக தினசரி 125-140 கப்பல்கள் செல்லும் நிலையில், தற்போது போருக்குப் பிறகு 10 கப்பல்களாகக் குறைந்துள்ளது. 20,000-க்கும் மேற்பட்ட மாலுமிகள் வளைகுடாவில் சிக்கித் தவிக்கின்றனர்.

நீரிணை வழியாகச் செல்வது மிகுந்த அபாயகரமானது என்றும், ஈரான் கடற்படை தாக்குதல்கள், ட்ரோன் அபாயம், கண்ணிவெடிகள் போன்றவை அதிகரித்துள்ளதாக அமெரிக்க கடற்படை எச்சரித்துள்ளது.

இந்த சூழ்நிலையில், சீனாவின் சினோபெக் மற்றும் சினோகெம் நிறுவனங்கள், ஆசிய சந்தைகளுக்கான எண்ணெய் விநியோகத்தைத் தொடர்ந்து முன்னெடுத்து வருகின்றன.