லங்காசிறி FM
உலக கோப்பை கால்பந்து இறுதிப் போட்டி: கலவரத்தை தடுக்க பிரான்ஸில் குவிக்கப்படும் காவல் அதிகாரிகள்
கத்தாரில் நடைபெற்று வரும் உலக கோப்பை கால்பந்து போட்டியின் இறுதி போட்டி வரும் ஞாயிற்றுக்கிழமை நடைபெற உள்ள நிலையில், சுமார் 14,000 காவலர் பிரான்ஸ் முழுவதும் பாதுகாப்பு பணியில் ஈடுபட உள்ளனர் என்ற தகவல் தெரியவந்துள்ளது.
வெடித்த போராட்டம்
கத்தார் உலக கோப்பை போட்டிக்கு பிரான்ஸ் மற்றும் அர்ஜென்டினா அணிகள் தேர்வாகியுள்ள நிலையில், அரையிறுதி போட்டியில் பிரான்ஸ் அணி மொராக்கோ அணியுடன் மோதியது.
இதில் மொராக்கோ அணியை தோற்கடித்து பிரான்ஸ் அணி தொடர்ந்து இரண்டாவது முறையாக இறுதிப் போட்டிக்கு தகுதி பெற்றது.
இந்த போட்டியை காண பிரான்ஸ் தலைநகர் பாரிஸ் மற்றும் மாண்ட்பெல்லியர் பகுதிகளில் திரண்ட இரு அணிகளை சேர்ந்த ஆயிரக்கணக்கான ரசிகர்கள் தங்கள் அணிக்கு ஆதரவாக முழக்கமிட்டு வந்தனர்.
இந்நிலையில் பிரான்சில் மொராக்கோ மக்கள் அதிகமாக வசிக்கும் பகுதிகளில் கலவரம் வெடித்ததாக தகவல் வெளியானது.
இதில் கலவரக்காரர்கள் அங்காடிகளை சேதப்படுத்தியதாகவும், வாகனங்களுக்கு நெருப்பு வைத்தாகவும் புகார்கள் எழுந்ததை தொடர்ந்து, பொலிஸார் குவிக்கப்பட்டுள்ளதாக தகவல் வெளியானது.
AFP
குவிக்கப்பட்ட 14,000 காவலர்
அரையிறுதிப் போட்டியின் போது கலவரம் வெடித்த நிலையில், வரும் ஞாயிற்றுக்கிழமை அர்ஜென்டினா அணிக்கு எதிராக இறுதிப் போட்டியில் பிரான்ஸ் அணி விளையாட உள்ளது.
இந்த போட்டியின் வெற்றியை கொண்டாட ஆயிரக்கணக்கான மக்கள் வீதிகளில் இறங்கலாம் என எதிர்பார்க்கப்படும் நிலையில், பாதுகாப்பு பணிகளில் பிரான்ஸ் முழுவதும் ஞாயிற்றுக்கிழமை சுமார் 14,000 வீரர்கள் குவிக்கப்பட உள்ளனர் என்று அதிகாரிகள் தகவல் தெரிவித்துள்ளனர்.
Reuters
பிரான்ஸின் கடந்த காலங்களில் 1998 மற்றும் 2018ம் ஆண்டு உலக கோப்பை வெற்றியின் போது சாம்ப்ஸ்-எலிசீஸ் அவென்யூ பகுதியில் பெருவாரியான ரசிகர்கள் குவிந்தனர், கடந்த நான்கு ஆண்டுகளுக்கு முன்பு(அதாவது 2018 ல்) சுமார் 600,000 ரசிகர்கள் இந்த பகுதியில் குவிந்து ஆரவாரம் செய்தும், நடனமாடியும் கொண்டாடினர்.
ஞாயிற்றுக்கிழமை இந்த பகுதிகளில் வாகன போக்குவரத்துக்கு தடை விதிக்கப்பட்டுள்ளது, அத்துடன் 2,750 அதிகாரிகள் அருகில் நிறுத்தப்படுவார்கள் என்று தெரிவிக்கப்பட்டுள்ளது.
நெடுந்தீவு மேற்கு, வன்னேரிக்குளம், Moissy-Cramayel, France
16 Jan, 2025
நவக்கிரி, நல்லூர், மானிப்பாய், கொழும்பு, Bunschoten, Netherlands
20 Dec, 2024
வடலியடைப்பு, சண்டிலிப்பாய், ஜேர்மனி, Germany, ஓமான், Oman, பிரித்தானியா, United Kingdom, கனடா, Canada
18 Jan, 2019
சாவகச்சேரி கல்வயல், மீசாலை, புளியம்பொக்கணை, உருத்திரபுரம், Markham, Canada
19 Jan, 2024
புங்குடுதீவு 12ம் வட்டாரம், கிளிநொச்சி, Eastham, United Kingdom, பேர்ண், Switzerland
20 Jan, 2022
