லங்காசிறி FM
உக்ரைன் போரை நிறுத்த ரஷ்யாவிற்கு சீனா அழுத்தம் தர வேண்டும் : ஜி 7 நாடுகள் வலியுறுத்தல்
உக்ரைன் மீதான போரை நிறுத்த ரஷ்யாவிற்கு, சீனா அழுத்தம் தர வேண்டுமென ஜப்பானில் நடந்த ஜி 7 நாடுகள் மாநாட்டில் வலியுறுத்தப்பட்டுள்ளது.
ஜி 7 மாநாடு
ஏழு நாடுகளின் கொண்ட குழுவான ஜி 7 மாநாட்டில், உக்ரைன் மீதான போரை முடிவுக்கு கொண்டுவர, சீனா தனது கூட்டாளியான ரஷ்யாவுக்கு அழுத்தம் கொடுக்க வேண்டும் என்று வலியுறுத்தியுள்ளது.
@reuters
ஜி 7 நாடுகளுக்கான வருடாந்திர உச்சி மாநாடு இந்த ஆண்டு ஜப்பானில் நடத்தப்பட்டது. அமெரிக்கா, ஐக்கிய இராச்சியம், பிரான்ஸ், ஜெர்மனி, கனடா மற்றும் இத்தாலி மற்றும் ஐரோப்பிய ஒன்றியங்கள் ஆகியவை ஜி 7 நாடுகளாக கூட்டணி வகிக்கின்றன.
இம்மாநாட்டில் ஜி 7 நாடுகள் சீனாவுக்கு தீங்கு விளைவிக்க விரும்பவில்லை என்றும், கம்யூனிஸ்ட் நாட்டுடன் ஆக்கப்பூர்வமான மற்றும் நிலையான உறவுகளை விரும்புவதாகவும் தெரிவித்துள்ளன.
@reuters
இருப்பினும், ரஷ்யா உக்ரைனில் இராணுவ ஆக்கிரமிப்பை நிறுத்துவதற்கு அழுத்தம் கொடுக்குமாறு சீனாவிடம் ஜி 7 நாடுகள் வலியுறுத்தியுள்ளன.
உக்ரைன் ரஷ்யா போர்
இதனிடையே ’ஐ.நா சாசனத்தின் கொள்கைகள் மற்றும் நோக்கங்களின் அடிப்படையில் உலகம் முழுதும் நீடித்த அமைதியை ஆதரிக்க சீனாவை நாங்கள் ஊக்குவிக்கிறோம்’ என்று மாநாட்டில் தெரிவிக்கப்பட்டுள்ளது.
@reuters
மேலும் உக்ரைனுக்கும் ரஷ்யாவிற்கும் இடையேயான போரை, இந்த ஆண்டில் கட்டுப்படுத்துவதில், சீனாவின் பங்கு முக்கியமானதென ஜி 7 நாடுகள் வலியுறுத்தியுள்ளன.
இந்நிலையில் ஏழு நாடுகளின் குழு தலைவர்கள் ரஷ்யாவின் சட்டவிரோத ஆக்கிரமிப்புப் போரை எதிர்கொண்டு, உக்ரைனுக்கு ஆதரவளிக்க உறுதியான நடவடிக்கைகளை எடுத்து வருவதாக கூட்டு அறிக்கை வெளியிட்டுள்ளன.
நெடுந்தீவு, முரசுமோட்டை, Vancouver, Canada, Mississauga, Canada
19 May, 2024
பருத்தித்துறை, வவுனியா, Auckland, New Zealand, சிட்னி, Australia
18 Apr, 2025
