லங்காசிறி FM
சான்பிரான்சிஸ்கோவில் இந்திய தூதரகம் தீ வைத்து எரிப்பு: 5 மாதங்களில் இரண்டாவது தாக்குதல்
அமெரிக்காவின் கலிபோர்னியா மாகாணத்தில் சான்பிரான்சிஸ்கோவில் உள்ள இந்திய தூதரகத்திற்கு தீ வைக்கப்பட்ட சம்பவம் அதிர்ச்சியை ஏற்படுத்தியுள்ளது.
இந்திய தூதரகம் தீ வைத்து எரிப்பு
ஞாயிற்றுக்கிழமை அதிகாலை 1:30 மணி முதல் 2:30 மணி வரை சான் பிரான்சிஸ்கோவில் உள்ள இந்திய துணைத் தூதரகம் தீ வைத்து எரிக்கப்பட்டதாக உள்ளூர் ஊடகங்கள் தெரிவித்துள்ளன.
ஐந்து மாதங்களில் தூதரகம் மீது காலிஸ்தான் ஆதரவாளர்கள் நடத்திய இரண்டாவது தாக்குதல் இதுவாகும். முன்னதாக மார்ச் மாதம் காலிஸ்தானிய ஆதரவாளர்கள் இந்திய தூதரகத்தை தாக்கியது குறிப்பிடத்தக்கது.
தீ வைக்கும் வைரல் வீடியோ
காலிஸ்தானி ஆதரவாளர்கள் இந்திய தூதரகத்திற்கு தீ வைக்கும் வீடியோவை ஒரு தொலைக்காட்சி சேனல் பகிர்ந்துள்ளது.
இதுவரை, யாருக்கும் காயம் ஏற்படவில்லை மற்றும் சான் பிரான்சிஸ்கோ தீயணைப்புத் துறையால் தீ விரைவில் கட்டுக்குள் கொண்டுவரப்பட்டது.
ARSON ATTEMPT AT SF INDIAN CONSULATE: #DiyaTV has verified with @CGISFO @NagenTV that a fire was set early Sunday morning between 1:30-2:30 am in the San Francisco Indian Consulate. The fire was suppressed quickly by the San Francisco Department, damage was limited and no… pic.twitter.com/bHXNPmqSVm
— Diya TV - 24/7 * Free * Local (@DiyaTV) July 3, 2023
இச்சம்பவம் குறித்து பதிலளித்த அமெரிக்க வெளியுறவுத்துறை செய்தி தொடர்பாளர் மேத்யூ மில்லர், இந்திய துணை தூதரகத்தை நாசப்படுத்துதல் மற்றும் தீ வைத்து எரிக்கும் முயற்சியை அமெரிக்கா வன்மையாக கண்டிப்பதாக தெரிவித்தார்.
அமெரிக்க இராஜதந்திர நிலையங்கள் அல்லது வெளிநாட்டு தூதர்களுக்கு எதிரான காழ்ப்புணர்ச்சி மற்றும் வன்முறை ஒரு கிரிமினல் குற்றம் என்றும் அவர் மேலும் கூறினார்.
மார்ச் மாதம், பஞ்சாப் பொலிஸ் அம்ரித்பால் சிங்கை இந்தியாவில் தேடுதல் வேட்டையைத் தொடங்கியபோது, காலிஸ்தானி ஆதரவாளர்கள் சான் பிரான்சிஸ்கோவில் உள்ள இந்தியத் தூதரகத்தை முற்றுகையிட்டனர். பின்னணியில் பஞ்சாபி இசை ஒலிக்க, ஒரு பெரிய கும்பல் இந்திய துணைத் தூதரகத்தை தாக்கும் வீடியோக்கள் வெளிவந்தன.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP இல் இணையுங்கள். |
துன்னாலை, ஆத்தியடி பருத்தித்துறை, திருகோணமலை, கோண்டாவில், வெள்ளவத்தை, New Jersey, United States, Toronto, Canada
14 May, 2023
புங்குடுதீவு 10ம் வட்டாரம், Biel/Bienne, Switzerland, Brampton, Canada
17 Apr, 2025
சுழிபுரம் மேற்கு, London, United Kingdom
21 Apr, 2024
புங்குடுதீவு 10ம் வட்டாரம், நீர்கொழும்பு
02 Apr, 2005
பருத்தித்துறை, வவுனியா, Auckland, New Zealand, சிட்னி, Australia
18 Apr, 2025
அளவெட்டி, London, United Kingdom, Wales, United Kingdom
19 Apr, 2023
