லங்காசிறி FM
மலேசியாவில் தமிழர்களின் வரலாறு மற்றும் எண்ணிக்கை
ஆசிய நாடான மலேசியாவில் தமிழர்கள் வரலாறு குறித்து இங்கே காண்போம். தமிழர்கள் அதிக வசிக்கும் நாடுகளில் ஒன்றாக மலேசியா விளங்குகிறது.
தமிழர்கள் எண்ணிக்கை
மலேசியாவின் மொத்த மக்கள் தொகை 3.39 கோடி (2022) ஆகும். இதில் தமிழர்கள் 6.7 சதவீதம் பேர் ஆவர். அதாவது 23, 27,000 தமிழர்கள் மலேசியாவில் வசித்து வருகின்றனர்.
1800களில் மலேசியாவிற்கு தொழிலாளர்களின் பாரிய இயக்கத்திற்கு முன், அங்கு இந்திய குடியேற்றங்கள் பெரும்பாலும் வணிகத்தை கொண்டிருந்தன.
குறிப்பாக, காலனித்துவ ஆட்சியின்போது தமிழ்த் தொழிலாளர்கள் பாரிய அளவில் இடம்பெயர்ந்தனர். ஆரம்பத்தில் தமிழர்கள் சாலைகள், ரயில் பாதைகள் அல்லது தேயிலை தோட்டங்களில் வேலை பார்க்க வரவழைக்கப்பட்டனர். பின்னாளில் படிப்படியாக அவர்கள் நிரந்தர குடியேறிகளாக மாறினர்.
புலம்பெயர்ந்த தொழிலாளர்கள்
அதனைத் தொடர்ந்து ஆங்கிலேயர்களின் கொள்கையால் தமிழ்நாட்டு கிராமம் மலாயாவிற்கு இடமாற்றம் செய்யப்பட்டது. மலாயாவிற்கு புலம்பெயர்ந்த தொழிலாளர்களில் 90 சதவீதம் பேர் தமிழ் பேசும் மக்களே ஆவர்.
எனினும், 20ஆம் நூற்றாண்டின் ஆரம்ப ஆண்டுகளில் வழக்கறிஞர்கள், மருத்துவர்கள், பத்திரிகையாளர்கள், ஆசிரியர்கள் மற்றும் பிற பல்கலைக்கழக கல்வியறிவு பெற்றவர்களாக இந்தியர்கள் வந்தனர்.
பழக்கவழக்கங்கள்
இன்று மலேசிய தமிழர்கள் சமூகங்களும் பெருமையுடன் தங்கள் பாரம்பரிய பழக்கவழக்கங்கள், மொழி மற்றும் மதங்களைப் பின்பற்றுகின்றனர்.
தமிழர்கள் மலேசியாவின் கிராமப்புறங்களிலும், நகர்ப்புறங்களிலும் வாழ்கின்றனர். பெரும்பாலானோர் உடல் உழைப்பு தொழிலாளர்களாகவே உள்ளனர்.
இந்து மதத்தை தழுவியவர்களாக பெரும்பாலும் மலேசியாவில் வசிக்கும் தமிழர்கள், இந்தியாவில் நடைமுறையில் உள்ள அசல் தைப்பூசத் திருவிழாவை விட வித்தியாசமான முறையில் கொண்டாடுகிறார்கள்.
கல்வி
மலேசியாவில் தமிழ் ஒரு கல்வி மொழியாகும். இதனால் நாட்டில் 500க்கும் மேற்பட்ட தமிழ் வழிப் பாடசாலைகள் உள்ளன.
இங்கு சில தமிழர்கள் ஆங்கிலம் மற்றும் மலாய் மொழிகளுக்கு மாறி வருவதாக, மலேசிய தமிழர்கள் பற்றிய அமெரிக்க ஆய்வாளர் ஹரோல்ட் ஷிஃப்மேன் கூறுகிறார்.
தமிழர்களின் பொருளாதார நிலை
1970 முதல் மலேசிய தமிழர்கள் புதிய பொருளாதாரக் கொள்கையின் கீழ் மலேசியாவின் விரிவடையும் பொருளாதாரத்துடன் ஒருங்கிணைக்க வாய்ப்பு கிடைத்தது.
தமிழர்கள் மலேசியாவில் உள்ள தோட்டங்களில் தொழிலாளர்களாக இருந்தபோதிலும், பெருந்தொகையானவர்கள் விரிவடைந்து வரும் கைத்தொழில் துறையில் Blue collar மற்றும் White collar தொழிலாளர்களாக வெளியேறியுள்ளனர்.
மலேசியத் தமிழர் ஆனந்த கிருஷ்ணன் நாட்டின் பெரும் பணக்காரர்களில் ஒருவர் ஆவார்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
வட்டுக்கோட்டை, மட்டக்களப்பு, கல்முனை, சுன்னாகம், வெள்ளவத்தை, கனடா, Canada
30 Nov, 2023
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
கோண்டாவில் மேற்கு, வவுனியா, Milton Keynes, United Kingdom
17 Nov, 2024
