முதல் கொலை மிரட்டல்...நான் இப்படித்தான் வாழ வேண்டுமா? வெளியானது ஹரி-மேகன் நெட்ஃபிக்ஸ் தொடர்

இளவரசர் ஹரி மற்றும் மேகன் நெட்ஃபிக்ஸ் ஆவணப்பட தொடர் வியாழக்கிழமையான இன்று வெளியாகியுள்ள நிலையில், இதில் மேகன் மார்க்கல் தனது முதல் கொலை மிரட்டல் அச்சுறுத்தலை விவரித்துள்ளார்.

நெட்ஃபிக்ஸ் ஆவணப்படம்

பிரித்தானிய அரச குடும்ப பொறுப்புகளில் இருந்து வெளியேறி அமெரிக்காவில் வாழ்ந்து வரும் சசெக்ஸின் டியூக் மற்றும் டச்சஸ் தம்பதியினரின் புதிய ஆவணப் படத்தின் டீசரை நெட்பிக்ஸ் நிறுவனம் சமீபத்தில் வெளியிட்டு இருந்தது.

சுமார் 1 நிமிடம் 12 வினாடிகள் கொண்ட டீசரில் இளவரசர் ஹரி “மூடிய கதவுகளுக்கு பின்னால் என்ன நடக்கிறது என்பதை யாரும் பார்க்கவில்லை” என்று விளக்கி இருந்தார்.

Harry & Meghan. A Netflix Global Event. Coming soon, only on Netflix. pic.twitter.com/ysxaCcESP4

— Netflix (@netflix) December 1, 2022

அத்துடன் ஒரு காட்சியில் இளவரசர் ஹரி தனது தலையை பின்னால் சாய்த்து கொண்டு உட்கார, இளவரசி மேகன் மார்க்கல்  தனது கண்ணீரை இரு கைகளாலும் துடைப்பது போல் காட்டப்பட்டுள்ளது.

இதனால் அரச குடும்பம் நிர்வாகிகள் மற்றும் அரச குடும்ப ரசிகர்கள் நெட்ஃபிக்ஸ் தொடருக்காக கலக்கப்பட தொடங்கினர்.

இது வியாழக்கிழமை வெளியாகும் என அறிவிக்கப்பட்டு இருந்த நிலையில், இன்று முதல் மூன்று எபிசோடுகள் வெளியாகியுள்ளன.

Prince Harry and Meghan-இளவரசர் ஹாரி மற்றும் மேகன்(Sky News)

முதல் கொலை மிரட்டல்

நெட்ஃபிக்ஸ் தொடரின் முதல் மூன்று எபிசோடுகள் வெளியாகியுள்ள நிலையில், இரண்டாவது எபிசோடில் இளவரசி மேகன் மார்க்கல் டொராண்டோவில் இருந்தபோது தனக்கு எவ்வாறு முதல் கொலை மிரட்டல் வந்தது என்பதை விவரித்துள்ளார்.

அதில், என் வீட்டை சுற்றி ஆறு வளர்ந்த ஆண்கள் கார்களில் தூங்கிக் கொண்டிருக்கிறார்கள், அவர்கள் நான் செல்லும் எல்லா இடங்களிலும் என்னைப் பின்தொடர்கிறார்கள், நான் பயப்படுகிறேன் என்று  டொராண்டோவில் உள்ள வேறு எந்தப் பெண்மணியும் உங்களிடம் சொன்னால் நீங்கள் அதனை பின்தொடர்கிறார்கள் என்று சொல்லமாட்டீர்களா? என்று பொலிசாரிடம் சொன்னேன் என மேகன் விவரித்துள்ளார்.

Prince Harry and Meghan இளவரசர் ஹரி மற்றும் மேகன்(Sky News)

அதற்கு காவல்துறையும் “ஆமாம்" என தெரிவித்து விட்டு, ஆனால் நீங்கள் யாருடன் டேட்டிங் செய்கிறீர்கள் என்பதற்காக நாங்கள் எதுவும் செய்ய முடியாது என பொலிசார் தெரிவித்து விட்டனர்.

நான் அப்படித்தான் இருந்தேன், நான் இப்படித்தான் வாழ வேண்டுமா? பின்னர் எனக்கு ஒரு கொலை மிரட்டல் வந்தது, அதன் பிறகு நிலைமை மாறியது, எனக்கு பாதுகாப்பு தேவைப்பட்டது என மேகன் மார்க்கல் குறிப்பிட்டுள்ளார்.